@dswdserves

📍DSWD SATELLITE OFFICES NATIONWIDE: facebook.com/share/p/1HyxHNS… Hanapin ang pinakamalapit na DSWD Satellite Office sa inyong lugar! May katanungan ba kayo tungkol sa mga programa at serbisyo ng DSWD o nais ninyong humingi ng tulong? Hindi na kailangang bumiyahe nang malayo! Sa pamamagitan ng DSWD Satellite Offices sa iba't ibang bahagi ng bansa, mas madali nang maaabot ng mga Pilipino ang mga programa at serbisyong panlipunan ng Kagawaran. Bahagi ito ng patuloy na pagsisikap ng DSWD, alinsunod sa direktiba ni Pangulong Ferdinand R. Marcos Jr., na gawing mabilis, mas maginhawa at mas accessible ang paghahatid ng mga serbisyo ng pamahalaan sa bawat komunidad. Tingnan ang mga detalye sa ibaba para malaman kung saan matatagpuan ang DSWD Satellite Office sa inyong rehiyon o lalawigan. Maaari niyo rin itong ma-access sa link na ito: dswd.gov.ph/dswd-directory-s… #BawatBuhayMahalagaSaDSWD ❤️

DSWD Project Aruga, Naghatid ng Kalinga at Suporta sa mga Batang may Kapansanan sa Laoag City 🫶 Umabot sa 150 batang may kapansanan sa Laoag City, Ilocos Norte ang nakatanggap ng kabuuang Php300,000 na Disability Support Allowance (DSA) mula sa DSWD Field Office (FO) 1 – Ilocos Region sa ilalim ng Project Aruga. Bukod sa pinansyal na tulong, personal ding binisita ng ating mga Angels in Red Vests ang mga bata sa kanilang tahanan para kumustahin ang kanilang kalagayan at alamin kung ano pang mga serbisyo at suporta ang kailangan nila. Sa mga pagbisitang ito, nabibigyang-pansin din ang kalagayan ng kanilang mga magulang at tagapag-alaga. Sa ilalim ng Project Aruga, patuloy na pinalalakas ng DSWD ang suporta para sa mga batang may kapansanan at kanilang mga pamilya, alinsunod sa direktiba ni Pangulong Ferdinand R. Marcos Jr. na walang sektor na maiiwan sa paghahatid ng serbisyong panlipunan. (AL) #BawatBuhayMahalagaSaDSWD ❤️ #DSWDProjectAruga

UPLIFT ECT UPDATE: Para matulungan ang mga pamilyang naapektuhan ng mga nagdaang kalamidad na makabangon at matugunan ang kanilang mga pangunahing pangangailangan, naghatid ang DSWD ng tig-Php5,400 na tulong pinansyal sa 1,810 benepisyaryo mula sa Candaba, Pampanga. Pinangunahan ng DSWD Field Office (FO) 3 – Central Luzon ang payout sa ilalim ng UPLIFT Assistance – emergency cash transfer (ECT) for disaster victims na isinagawa sa Candaba Municipal Action Center nitong Lunes (Nobyembre 9). Bahagi ito ng pagsisikap ng DSWD, alinsunod sa direktiba ni Pangulong Ferdinand R. Marcos Jr., na matiyak na agad na nakakarating ang suporta sa mga pamilyang nangangailangan nito para makapagsimulang muli matapos ang kalamidad. (CC) #BawatBuhayMahalagaSaDSWD ❤️

FROM PHILIPPINES TO SINGAPORE 🇵🇭🤝🇸🇬 Sa pagtatapos ng Chairship ng Pilipinas sa 2026 ASEAN, balikan ang mahahalagang kaganapan at aktibidad na isinagawa sa bansa sa buong taon. Sa pangunguna ng DSWD, naging bahagi ang Pilipinas ng mga makabuluhang pagtitipon, talakayan at inisyatiba na naglalayong palakasin ang pagtutulungan ng mga bansang kasapi ng ASEAN. Ngayon, pormal nang ipinasa ng Pilipinas sa Singapore ang pamumuno sa ASEAN, kasabay ng pagpapatuloy ng adhikain para sa isang mas matatag, inklusibo at nagkakaisang rehiyon. #BawatBuhayMahalagaSaDSWD ❤️ #LetsRISE #ASEAN2026 #ASEANPh #ASEANPhilippines2026 #WeLeadASEAN #NavigatingOurFutureTogether

Season of Giving na naman sa Walang Gutom Kitchen!🤗 May plano ka ba bago matapos ang 2026? Be someone's reason to smile at isama na ang barkada, pamilya, workmates, orgmates, o special someone at mag-volunteer na sa Walang Gutom Kitchen! 🍽️ 📍 PASAY Nasdake Building, F.B. Harrison St., Brgy. 13, Pasay City SIGN UP HERE: forms.gle/dVnewCCWbPyTbud16 📍 CEBU Pier 4, OKK Square Unit, Arellano Boulevard corner General Maxilom Avenue Extension, Cebu City SIGN UP HERE: forms.gle/dVnewCCWbPyTbud16 📍 ZAMBOANGA CITY FGL Building, MCLL Highway (katabi ng Tile Depot) SIGN UP HERE: forms.gle/njtpwtgKuBYeL3Y58 🕕 Sama-sama tayo sa ating Kusina na bukas araw-araw mula 6:00 AM hanggang 3:00 PM! #BawatBuhayMahalagaSaDSWD ❤️#DSWDWalangGutomKitchen

Mga Persons with Disabilities sa GenSan, Nakatanggap ng Tulong-Pinansyal mula sa DSWD 🫂 Bahagi ng isang inklusibong pagtugon sa kalamidad ng DSWD ang pagkilala sa pangangailangan, karapatan at kakayahan ng bawat sektor. Kaya pinangunahan ng DSWD Field Office (FO) 12 - SOCCSKSARGEN ang pamamahagi ng UPLIFT Assistance - emergency cash transfer (ECT) for disaster victims sa General Santos City. Kung saan binigyang prayoridad ang mga kababayan nating persons with disabilites na dumanas ng malakas na lindol na gumimbal sa ilang bahagi ng Mindanao. Kabuuang 1,022 persons with disabilities ang tumanggap ng tig-Php 5,175 na may partially-damaged houses. Sa inisyatiba ni Pangulong Ferdinand R. Marcos Jr., layon ng tulong-pinansyal na ito na magampanan kahit papaano ang kanilang pangangailangan pagdating sa pagkain gayundin ang kani-kanilang gamutin sa araw-araw. (AL) #BawatBuhayMahalagaSaDSWD ❤️ #UPLIFT @rex_gatchalian

Karagdagang Hakbang Kontra-Gutom sa Caraga 🍲 Umabot na sa 4,223 sa kabuuang 9,011 potensyal na benepisyaryong pamilya mula sa limang lalawigan ng Caraga ang sumailalim sa beripikasyon at pagpaparehistro para sa Walang Gutom Program noong Nobyembre 3–7. Kabilang sa mga lalawigang ito ang Agusan del Norte, Agusan del Sur, Surigao del Norte, Surigao del Sur at Dinagat Islands. Sa prosesong ito, maingat na sinusuri ang impormasyon ng bawat pamilya para matukoy ng DSWD Field Office (FO) Caraga kung sino ang kwalipikadong makakatanggap ng buwanang food credits at iba pang karagdagang tulong sa ilalim ng programa. Patuloy na pinalalawak ng DSWD ang pagpapatupad ng Walang Gutom Program para mas maraming pamilyang nakakaranas ng kagutuman ang makinabang. Layunin nitong matugunan ang pangangailangan sa pagkain, mapabuti ang nutrisyon at mapatatag ang seguridad sa pagkain ng mga pamilyang Pilipino. (MAL) #BawatBuhayMahalagaSaDSWD ❤️ #DSWDWalangGutomProgram

Rainwater Collection Facility ng DSWD KALAHI-CIDSS, Hatid ang Dagdag Suplay ng Tubig sa Bukidnon 💧🚰 Mas naging magaan ang pagpapanatili ng kalinisan sa Barangay Hall at Health Center ng Barangay Aludas, Damulog, Bukidnon sa tulong ng rainwater collection facility na itinayo noong 2022 sa ilalim ng DSWD KALAHI-CIDSS. Bago naitayo ang pasilidad, nahihirapan ang barangay na makakuha ng sapat na tubig matapos tumigil sa operasyon ang dating gravity-fed water system. Sa pamamagitan ng stainless steel tank water collector, nagkaroon ang komunidad ng karagdagang suplay ng tubig na ginagamit sa paghuhugas ng mga kagamitan, paglilinis ng sahig at pagpapanatili ng sanitasyon sa mga pampublikong pasilidad. Pinag-aaralan din ang posibilidad na mapagkunan din ang rainwater collection system ng tubig mula sa umiiral na Level II water system para makatulong sa panahon ng tagtuyot. Patuloy na isinusulong ng DSWD ang mga proyektong nagpapalakas sa kakayahan ng mga komunidad na matugunan ang kanilang pangangailangan sa tubig at maging handa sa epekto ng Super El Nino at climate change, alinsunod sa direktiba ni Pangulong Ferdinand R. Marcos Jr. (CC) #BawatBuhayMahalagaSaDSWD ❤️ #DSWDKALAHICIDSS

DSWD TRAVEL CLEARANCE REQUIREMENTS CHECKLIST ✈️📋 Alamin ang mga kinakailangang dokumento para sa pag-aapply ng DSWD Travel Clearance para sa mga menor de edad na bibiyahe nang mag-isa o may kasamang guardian. Tingnan ang checklist sa ibaba at ihanda ang mga kinakailangang dokumento para maging maayos at mabilis ang inyong aplikasyon! #BawatBuhayMahalagaSaDSWD ❤️ #DSWD_MTA #DontFallinLineGoOnline #DSWDTravelClearance

Walang Gutom Kitchen 🤝 Tara, Basa! Reading Corner Bukod sa libreng mainit at masustansyang pagkain na inihahain sa Walang Gutom Kitchen sa Catbalogan, Samar, may pagkakataon din ang mga kabataan na matuto at magsanay sa pagbasa sa Tara, Basa! Reading Corner. Sa pamamagitan ng inisyatibang ito, nabibigyan ng suporta ang mga pamilya hindi lamang sa pangangailangan sa pagkain kundi maging sa pagkatuto ng kanilang mga anak. Sabay na isinusulong ng DSWD ang nutrisyon at edukasyon bilang hakbang sa mas magandang kinabukasan para sa kabataan. (MAL) #BawatBuhayMahalagaSaDSWD ❤️ #TaraBasaPH #DSWDWalangGutomKitchen

📢 PABATID SA PUBLIKO Mananatiling bukas ang DSWD Commonwealth Satellite Office sa mga sumusunod na Sabado: Nobyembre 7, 21 at 28, 2026 para maipagpatuloy ang pagproseso ng assistance para sa mga kliyenteng may kumpirmadong schedule. Ang operasyon sa mga araw na ito ay bahagi ng hakbang ng Kagawaran para matiyak ang tuloy-tuloy na paghahatid ng serbisyo sa kabila ng pansamantalang suspensyon ng operasyon ng mga tanggapan ng pamahalaan sa National Capital Region (NCR) mula Nobyembre 16 hanggang 18, 2026. Paalala: Tatanggapin lamang ang mga kliyenteng may kumpirmadong schedule para sa pagproseso ng kanilang assistance. Maraming salamat sa inyong pang-unawa! #BawatBuhayMahalagaSaDSWD ❤️

38 Katutubong Badjao, Ligtas na Nakabalik ng Zamboanga City sa Tulong ng DSWD Pag-abot Program Ligtas na naihatid sa Zamboanga City ang 38 katutubong Badjao noong Nobyembre 5 matapos silang maabot ng mga kawani ng DSWD Field Office (FO) 11 – Davao Region sa isinagawang reach-out activities sa ilalim ng DSWD Pag-abot Program. Bago ang kanilang pagbabalik, sumailalim ang mga benepisyaryo sa profiling at assessment para matukoy ang kanilang mga pangangailangan at mapaghandaan ang kanilang pag-uwi sa kani-kanilang komunidad. Inasikaso rin ng mga kawani ang mga kinakailangang paghahanda at suporta para matiyak ang ligtas nilang pag-uwi. Alinsunod sa direktiba ni Pangulong Ferdinand R. Marcos Jr., patuloy na isinusulong ng DSWD ang pagtulong sa mga indibidwal at pamilyang naninirahan sa lansangan na makabalik sa kanilang mga komunidad at makatanggap ng mga kinakailangang serbisyong panlipunan mula sa pamahalaan. (AL) #BawatBuhayMahalagaSaDSWD ❤️ #DSWDPagAbotProgram

DSWD PRESS RELEASE: DSWD reminds beneficiaries to use availed assistance responsibly The Department of Social Welfare and Development (DSWD) has reminded the public that the cash assistance provided by the DSWD is intended to help qualified beneficiaries address their basic necessities amid the rising prices of commodities. The DSWD issued the statement following the posts of some beneficiaries in social media showing them using the UPLIFT cash assistance in buying gadgets instead of using the financial aid for their basic necessities. (AU) READ MORE: facebook.com/share/1MFmLEiFR… #BawatBuhayMahalagaSaDSWD ❤️

Pagkilala sa Bawat Boses at Pagtataguyod sa Pantay na Karapatan 🤟 Sa pagdiriwang ng Deaf Awareness Week na may temang “Deaf and Proud: Celebrating Identity, Sign Language, Culture and Human Rights,” nakikiisa ang DSWD sa pagkilala sa mga karapatan, pagkakakilanlan at kultura ng Deaf community, alinsunod sa Proclamation No. 829, s. 1991. Kinikilala ng Kagawaran na may sariling paraan ng pakikipag-ugnayan at pagpapahayag ang bawat tao. Kaya mahalagang igalang at kilalanin ang Filipino Sign Language (FSL), kultura at mga karanasan ng Deaf community bilang bahagi ng pagsusulong ng pagkakaunawaan at isang tunay na inklusibong lipunan. Sa pagdiriwang na ito, hinihikayat ang lahat na higit pang kilalanin at igalang ang mga karapatan, kakayahan at mahalagang ambag ng Deaf community tungo sa isang lipunang walang naiiwan. #BawatBuhayMahalagaSaDSWD ❤️ #NationalDeafAwarenessWeek2026