عبدالله 🇸🇦

لن يعود أبي ، ولكن أرجو من الله آن أراه في الجنة ضاحكًا مستبشرًا سعيدًا بما آتاه الله من فضله ، فاللهم ربي ورب أبي ارحمه واغفرله ما تقدم وما تأخر من ذنبه وافسح له قبره مد بصره.

يق صج

هزيت غصن الذاكرة والورق طاح وعيني لقت بين التفاصيل صوره احسب جروحي نامت وهمي انزاح وأثر الحنين يفضّح خفايا شعوره في صورتك عطر اللقا والوصل فاح وفي واقعي دار المحبين مهجوره إضم وجهك في يدي والصبر باح وأبكي على دنيا من الحلم مكسوره ياغايب طيفك مع الفجر لواح وعروق قلبي من جفا البعد مفطوره أكتم ونين الشوق والدمع فضاح وأخفي هموم بالأضلاع محفوره أقسي من طعون الخناجر والأرماح إن المشاعر بالبراويز ماسوره

أنا ماخاوي غير روس المطاليق روس الرجال الي تعز الصداقه الرفقة الي تجلي الهم والضيق الي يعشقون المراجل عشاقة وصدورنا للسر مثل الصناديق ماهيب حسب المصلحة والعلاقة وترى الجمايل للنشاما توافيق والكفو يتعب للمهمات ساقه

صبرك على الدنيا ولو كنت مهموم كثر الزعل ماجاب للنفس راحه تزعل وترضى والقدر شي محتوم والعبد يلقى بالتوكل فلاحه والله كتب للخلق ماكان مقسوم ماضاقت الدنيا وفيها مساحه سامح وبايح واترك الحقد واللوم خلك كريم وفيك عفوا وسماحه

هذا عضيتك يا اسود الوجه ينخاك ضاعت عزومك يالردي والحميه يزهمك باسمك وانت لاهي ببلوك سلط عليك ابليس وانت الضحيه وابو علي يضحك على مثلك شرواك باعك بشربت ماء والنفس حيه ليتك سمعته يا محمد يوم ناداك وليتك ذكرت انه في بيتك وصيه ليتك رحمة اللي على العز رباك جرحت قلبه يوم عيد الضحية

حسسيني بـقربك قـد ما تقدرين واكـبري في عيون ضنوني الخايبه من برودك معِي ما اخاف لو ترحلين انتي اصلاً كـذا ولا كـذا غـايبه ما افترقنا ولكن شبه متفارقين مدري إهمال ولا نفوسنا طايبه بس تدرين ليت القلب ياسع ثنين لأجل لا غاب واحد يستلم نايبه المهم ان خذاك الطيش لا ترجعي انا قد الفراق .. ولاني ب هايبه

تحسبين اللي بقلبي لك شـوي لا تحسبينك زول مر ونــــسيته أنتِ لي الدنيا ولعيوني الضـي وأنتِ غناتي والرجا اللي رجـــيته حلفت أنا منساك مادامني حـي حتى السهر من شان عينك هويـته كن الثرى رمضا وقربك هو الــفـي قربك رخيص ولو بعمري شريـته اخطي وردك للخطى وماحصل شي أنشهد إنك درب ضاع ولقيــتـه ولاتحسبين اللي بقلبي لك شـوي درب الغلا توي بعد مابديـتــه

فصل الشتا حالف يشرّع لك البال يحرق تفاصيل الحنين ويجيبك أسرق من صدوف الليالي والآمال ليله من ايام العمر واهتني بك كنت المحك ما بين حلٍ وترحال عسى سهام الشوق مثلي تصيبك يمرني ذكرك وللحين مازال يضمني طيفك ولوما التقي بك لو طول غيابك على كل الاحوال يجيبك اصلك يا حبيبي وطيبك الحال من بعدك تراما هو بحال خل الشتاعذر.. لواصل حبيبك

ماطاب جرحي بس خاطري طاب وماعاد باقي شي اضحي عشانه دخلت من باب المحبه والاعجاب وطلعت من باب الجفا والندامه

لا تخشى خسارة الأشخاص، ولكن عليك أن تخشى خسارة نفسك وأنت تحاول إسعاد الجميع

لي اخو ما بيني وبينه قرابه الله يرحم والديي والدينه دايماً طاريه يحضر في غيابه إن حضر وإن غاب يرهق حاسدينه أذكره لا صار في الوقت أنقلابه وأذكره لا طاحت أسعار الثمينه الفخامه فيه خلقه والمهابه فالله أكبر بالفعول وعارفينه الرجوله والطناخه والذرابه كلبوها فيه والهقوه سمينه @top_040

دع نسمات الصباح تمحو كل ألم يسكن قلبك وأبدا صباحك بابتسامة  دع الحياة تشرق بألوانها الزاهية لتفتح لك نافذة الأمل و لأجل أن تكون بخير عش يومك متناسياً أمسك.متفائلاً غداً اللحظات التي لا تقدرها الأن قد تجدها غداً وقد أضعتها في القلق والتفكير فلا تساهم في فشلك صباحكم سعادة

عط الاوادم حقوق قدها وبقياسها لاتنقص او تزيد ونفسك عليهم دايم بدها ولاتذل نفسك لهم مثل العبيد للطيب كف وكفك مدها وكف الردى لاتمده مايفيد بعض الاوادم تكسب ودها وبعض الاوادم ليته بس بعيد وبعض الاوادم ملعون جدها مافيه نخوه ولا بشي يجيد وبعض الاوادم دوم تعدها في الطيب دايم تلقاله رصيد والبعض لاجاك ليت تصدها به شين زول وعقل ماهو رشيد والبعض لاجاك تقبل خدها يروح عنك الغثا وتصبح سعيد وعط الاوادم حقوق وأدها حقوق هالناس في حبل الوريد

صد وتغلى واحرق اعصاب مغليك وش قيمة الغالي اذا ما تغلا ابعد وطنشني واذا قلت وش فيك قول الهوى لعبة وحنا انتسلا ابيك بارد دم تقهر محاكيك وانا ابتظاهر بالصبر واتحلا وان جيت يمك مد عني خطاويك من شيمة المقفي خطاويه عجلا لا تلتفت لي لو اصوت واناديك وان طاحت الدمعه ترا العين خجلا

ماني ضعيف إيمان لكني انسان تجر حني الكلمة ويقتلني الظن قصة مشاعر خلفها الف خذلان عاشت وكبرت مثل ما يكبر السن انا ضحية صمت في ظلم الأزمان صابر واقول الجاي يارب احسن ياكثر شرهاتي على ماضي كان وياكبر هقواتي على احلام ماجن

يامنبع الثلج كيف تصب لي جمره وأنت السحايب بكفك الضما فيني ياشين هالليل كنه طايل عمّره أحس وجهه تعلق في شراييني من حجة العام جرحي ماقويت امره لاقلت هانت رفع صوته يناديني البارحه من طعونك كانت السمره مابين نزف القصيد وفركة ايديني

انا سلاح في يدينك وانا اخوك وانا حزامك لو تجور الليالي وان دارت الدنيا وراحوا وخلوك ارخص لك الدنيا بحالي ومالي محبتك عندي لها عهد وصكوك موثقة بالـدم عـمً وخـالي وانا عضيدك في الزمن كان غشوك ارمي على متني واشيل الثقالي