Al-Mutairi

ياوجه الصباح اللي شروقه بداية خير تحلّاه عيـنٍ مالها صدة عنّه حبيبٍ حضوره غير عادي وحبه غير احاتيه وابرّه واداريه واحنّه عليه اتلهّف يوم مال الظلال عصير مثل لهفة الزاهد على الحور والجنه تصير الفجوج الواسعه مثل عين الطير الى راح وانا ماسمح خاطري منه - جابر النشيرا

مطيح المطر بالارض يشبه مطيح خطاك على جرف جفني يا مطر ناظري مري أحبك واقول اني احبك ولا يخفاك انا المعجب المعلن و أنا المعجب السري -سعد علوش

وذاخر لك من أعماق الشعور الخايف المرتاب طمأنينة .. ثلاث سنين ما مرت على خوفي - عبدالملك الخربوش

ان غبت غيبة زوال الشمس يم الغروب رجعت صبحٍ جبال طويق ما تحجبه - عويد النجود

يا ليلٍ تقلط في عيوني سهر و سهاد متى أشوفك تقلط سكون وطمأنينه -عويّد النجود

ماعقب هذا المسا يامسلي القمرى الا عطش ضحكة ٍ تشرب من اعماقي ياصاحبي مابعد مسراي .. لك مسرى حس بتعب خطوتي واعذر مدى ساقي من يوم ماصرت لا تكتب ولا تقرى وانا الشعور الجميل استنكر اوراقي

"عسى ما لك ديارٍ في هواها يتعب العساس ياوجهٍ في تفاصيله .. لقت روحي مرابعها" -محمد السلطان

العمر مره و القلوب البيض ماتبغى دليل و الناس لاطابت نواياها تطيب حظوظها - ضيدان بن قضعان

الوصل واجب وأنا ما أقدر على صدّك ليتك مثل رمشك اللي يعرف الواجب ينزل على الهون ويسلّم على خدّك ويطلع على الهون ويسلّم على الحاجب حزمي بن سعد

ما تركته في حدود الممكنه و المستحيله كنت أداري خاطره لو خاطره، مدري علامه وكنت أوقّف له على ساق وقدم في كل ليله لين أعدّلها عقب .. ماهيب ميله و أستقامه - خالد العراك

ماعندي إلا القصيد يترجم أحزاني أصرف شعر وأعتصّم بالله و أشكي له - سفر الدغيلبي

«في غيبته لو عندك أفراد وجموع الدار من غيره خلين .. قطوعي» — عبدالله بن زويبن

مع غيرك من الناس قاسي وهرجي جلف و معك شايف لبيه لدعاك ، سبّاقه - مساعد الرشيدي

معاك أستطعم الدنيا ومقبوله معك وتزين ومن قبلك وسيعات الاراضي .. ما تناسبني — عبدالعزيز حمود

من يشوف اليأس و يدين الزمن طبَه و عوقه كل يوم، يوادع الأحلام بـ أحرّ التعازي - صالح البرازي

« الوكّاد إني سريّت العمّر و أعلنت أرتحالي وأسترحت بغربتي عن كل دربٍ كنت أهيمه » — سفر الدغيلبيّ

الزبدة انـك اغلا مخلوق واطيب شريك وجمعت طبع الحبيب ومغريات الخوي ياجعلني ماخسر حبك ولا اعتاض فيك ولا اخلا من غلاك وشوقك الفوضوي -صالح النشيرا

أحبك حسبي الله ليت مالك في سماي بروج ولا لك في البسيطة كود شيءٍ بينك وبيني - ضيدان بن قضعان

أحنك من الوداع ، ومن جروح الوداع مثل ما أحن الرفيق الطيّب من الردى – جابر النشيرا

بدايتها . . تراني معتبرها رحلة إستكشاف ولا أدري كيف وصّلنا الطريق لـ وضعنا الحالي تشوفين الحمول ثقال و أشوف الحمول خفاف عموماً يمكن إني مشتبه ولا يورّالي -صالح النشيرا