أنا احسب إني استرحت من المساري كل ليل
الين صارت الارض فوقي عقب ماني فوقها
سريت وانا اقول وش باقي لي من الويل ويل
مافي رحاب الارض ديرة ماني بمخنوقها
والله ما خترت الفراق ولا تساهلت الرحيل
لكن قلوب الطيبين تضيع مثل حقوقها .
المحبوب لا ينسى محبوبه حتى ولو حصل فراق الغالي يبقى غالي ولو طالت المسافات:
مايموت الود لومات الكلام
لك مكان وذكريات وشعور
ما انت عابر في حياتي والسلام
انت حتى في غيابك لك حضور
- بدر عبد المحسن
عن قبال يسرق الالباب .. ماني بـ متخلي
ناسل روحي على متنك مثل نسل الجديلة
فدوة الطرف الكحيل وفدوة الغمازه اللي :
ضاميه من مبسمك ولا روت من سلسبيله
من عرفك وما قضى عمره طروب ومسفهلي ؟
من لقاك وما لقى الدنيا مثل وجهك جميله ؟
لك الله لو برَد وجْه اللَّيَالي.. ما برَد بي حيْل
أشدّ لك الدروب.. وتسبق عيوني مدامِعها
تمادى قبل يكشفك القصيْد، ويَصغر التأوِيْل
أنا أعرف القصايد في عيونك من مطالعها
عسى دارٍ تضمّ خْطاك لحقوق الوَسم، وسهيْل
ثلاث شهور.. لين الأرض تضحك لك مرابعها .
مكافحة هذا البرد لاتصحّ إلا بما ذكره الشاعر فهد عافت :
خذني لحضنك وشتّتني وجمّعني
إدخل متاهات صدري و إحترق فيني
ضيع أنت فيني و أبي منك تضيّعني
في غابةٍ تحترق فيها .. عناويني
خذ ما بدا لك حلالك لا تراجعني
بعض الطلب ينهي اللذّه وينهيني .
الوقت و الناس يبلش فيهم الباصر
سلامة الشخص منهم تعتبر فيده
على كثر مـا تفاخت ناس و تقاصر
شخصً ما يلحقك منه شر يا جيده
و الوقت وجهه مكث وشاربه قاصر
و يهد هـدة صديعً في يده حيده