عازف حرف💙💙💙💙

قتلتني بأحرف اسمها الثلاثة اوله نارٌ تلهب الفؤاد وتشويه وأوسطه دارٌ اغلقت على القلب ِ فيه وآخره ألفٌ مقصرةٌ تقتل الأملَ وتفنيه 🌹صباحكم ندى الأزهار 🌹

لـيـل الـمـحـبـة فـيـه الأشـواق طـالـت والـغـيـم يـسـقـي بـالـمـطـر كـل غـابـه والـعـيـن مـن كـثـر الـسـهـر مـا تـمـالـت تـرجـي وصـال اللـي ذبـحـنـي غـيـابـه فـي خـافـقـي ذكـرى غـرامـه تـعـالـت حـتـى خـيـالـه صـار يـشـبـه سـرابـه ✍️عازف حرف

علمتني أقسى وأعيش بـلياك وأقفل بـوجه الـشوق بـابٍ وعـذر ما عاد لي رغبة ولا أرجي لـقاك طويت صفحة ماضيك وأصبحت حـر لا مر طـيفك بـالخيال وتـعداك مـا هز فـيني شـعور ولا مـر قـدر قـفلت بـاب الـود وأنهيت ذكراك وارتـاح بـالي مـن الـوله والـسهر ✍️عازف حرف

لا تشرهين إن وقف قلبي بوسط الدروب عينٍ تشوف الحلا.. وشلون ما تنفتن؟ إنتي مثل نسمةٍ مرت بوقت الغروب ترد روح الشقي.. وتطيب كل المحن لو يكتبون الشعر في وصفك بكل صوب تبقين بيت القصيد.. اللي عجز ينوزن ✍️عازف حرف

غاب طيفـك وانطفى ضيّ السواري والسهر في غـيبتـك يـعلن شراعـه أنت سبة حيرتي وأنت اختياري والخفوق اللي عشـقـك اعلن خضاعه كل ما هـبّ الهـوى يمّـك يـباري شوقـن اللي ما يطـيق أية قطـاعـة لا تـطوّل غيبـتـك داري وداري إن وصـلك للـغـلا أجمـل شـفاعـة ✍️عازف حرف

يا ليلٍ أمطر بالسحـاب وبروقـه زاد الحلا بـك يوم جيتـه وأنا ويّاك أحلى مسا والغيم ترعـد شروقـه وأحلى قـدوع وشايٍ يدفّي يمنـاك البرق يلمع في السما مـن فوقـه والنور وجهك يوم طـلت محيّـاك أنسى الشتا والـبرد وأنسى طروقـه دام الـدفـا في بسمتـك وفـي حـكاك عازف حرف

لولا العواصف ما ثبت عالي الطود ... ولولا الظلام النجم ما بان نوره ... ترى الذهب يصفى على النار ويزود ... ويبقى الصفر لو طال وقته وبوره ... وبعض العرب لامن قسى الوقت مفقود ... وبعض العرب وقت الشدايد حضوره . ✍️عازف حرف

تعودت عليك وصار قربك هو المرسى ،،، وصارت عيوني ما تشوف البشر غيرك ،،، أنا لو بغيت أسلى عن الوصل وأتنسى ،،، لقيت الحنايا كلها تطلبك خيرك . ✍️عازف حرف

سريت في ليل الشقا أندّهِلك والشوق باقٍ في الحنايا هَبُوب يا ليتني في المبتدا مِشْعِلِك نورٍ يضمّك في زوايا القُلُوب تغيب.. وأنفاس الغلا تِكْفِلِك لو غبت عن عيني، غرامك دِؤُوب أستسمحك في غيبتك، وأسألك: هو فيه مثلي في غيابك يِذُوب؟ ✍️عازف حرف

يا مسندٍ همّك على الصدر خافيه الوقت يظهر لك خفايا العجايب كم واحدٍ تضحك حجاجه وتغليه وتشوف فـ عيونه سموم ولهايب الخصم تبصر نيته قبل تاتيه مير البلا فـ اللي حسبته حبايب يا قلب خلّك فوق رجمٍ تعلّيه ولا تشتكي همّك لـ خطو القرايب ✍️عازف حرف

تـمـطـر بـلاد الله وتـنـبـت تـنـاهـيـت وأتـخـيـلـك والـغـيـم كـنّـه سـكـيـبـك مـرّتـنـي الـذكـرى وأنـا مـا تـعـافـيـت يـا هـاجـسٍ عـيّـا عـيـونـي تـسـيـبـك أقـول فـي نـفـسـي إلـى مـن تـمـنّـيـت عـسـى الـمـطـر يـا صـاحـبـي يـعـتـنـي بـك ✍️عازف حرف

غلاك نارٍ تولّع.. والوصل حدّه وقلبي من البعد صابه همّ وإخلاجه يا ليت لو كان لدموع الغلا ردّه ما كان دمعي جرى من جور هـ الحاجه ✍️عازف حرف

ودي بصدري عن عيون البشر أخفيك وأمحي أثر خطوتك وأقفل عليها وإن سألوا الناس وينك؟ أقول: "ضاع ونسيك" وأنت بـمحاني الحشا روحي تداريها أغار حتى من النسايم لا مـرّت تـحاكيك وشلون عين الخلائق لو تِلدّ فيـها؟ ✍️عازف حرف

ما عاد لك في وسط قلبي ملامه أقفيت والوجدان عاف التوجّد روحْ بْـ طريقك والوعد بالسلامه ما أكرهك.. لكن شعوري تجمّد بكره يدور الوقت وتبكّي غمامه وتهلّ دمعات الندم والتِنهّد وتعرف قدر ذاك الصدوق ومقامه لا صرت في ليل الهواجيس مِفرد ✍️عازف حرف

أنا الذي فوق السحاب اعتلى شوق نفسي لغير العز ماهي مطيعة ما ينحني راسي على أي مخلوق وشيمتي وسط الحشا لي شريعة طبعي وفاء وأموت ما أخون ميثاق واللي يبيع الود.. بالرخص نبيعه! ✍️عازف حرف

شفي من الدنيا كريمٍ بالنسب ما يلتفت للغير والـقـلـب يحويه إن كان ما صفا وداده واقترب عفنا طـريـقٍ كـل خـلـق الله تـبـيـه نـفـسي عـزيـزة في الـمـحـبـة والـعـتـب واللي يـمـنْ بـوصـلـهـا مـانـي بـرجـيـه ✍️عازف حرف

الـجـو يـبـرد والمـشـاعـر بـعـد عـاف أقـفـت مـثـل مـا أقـفـى زمان الـوصـالـي هـبّـت هـبـايب نـجـد والـخـاطـر عـيـاف تـمـطـر سـحـابـه.. والـمـحـانـي خـوالـي مـا عـاد يـدفـيـني مـن الـبـرد مـشـلاف مـادام بـرد الـشـوق جـمّـد ظـلالـي ✍️عازف حرف

يا عطر شوقٍ في سفوح الضماير يا من غرامك داخل القلب سلطان أجيك وعيوني ب حبك تخاير وألقى بعينك للهوى كل عنوان من زود حسنك جف حبر المحابر وضاعت حروفي في وصايفك ألوان ✍️عازف حرف

يا بنت أبها يا شبيه الغمامة يا اللي على عرش الجمال استويتي في "السودة" الخضرا لقيت السلامة ونسمة شذاك تفوح لا من طريتي بـ "أبو خيال" الغيم يرخي لثامه كنّه يغار إنْ سلهمتْ بالـمبيتي أبها مدينة عشق، وأنتِ وسامه تاج الجمال اللي بنبضي بنيتي ✍️عازف حرف

خميس الناس فـلّـة حَـجّـاج وسْـرور وأنا بْدونك خميسي ضاق صَـدْره تـمـرّ الـغـيـمـة وْيـتـبـاشـر الـنُّـور وقلبي يـحْـتِـرِي لـلـقَـاك بَـدْره تـعـال وْخَـلّ هـذا الـلـيـل مـعْـمُـور وصِلْـك فـرَحْ والـجِـفـا يـا شِـيْـن عِـذْره ✍️عازف حرف

الطب عاجز في عيونه وراضيه والقلب ماله عن غرامه مجيبه يا كيف أداوي جرح قلبي وأخليه وقلبي غدى رهين كفّ الحبيبه هو طبه وهو داه وهو مِعنّيه وهو العذاب اللي عيوني تريبه لو كان جرحي من غريبٍ تداريه مير البلا جرحي يجي من طبيبه! ✍️عازف حرف