فراغ

لا إله إلا الله وحده لا شريك له

دريت، بـ إن فراقنا مسألة وقت من يوم صرنا نستحي من بعضنا

لا إله إلا الله وحده لا شريك له

من صان الودّ وقت الخصام، فقد بلغ من الفضل منزلة لا يبلغها الكلام

لـ الروح صوت ولـ المشاعر نبض وأدراك وكلام يـ اللي تحسبون القصيد اللي نقوله موهبه والله مايعرف مستواه الّا مطيّرة المنام عوبًا يقلّطها القصيد العذب بـ أعلى مرتبه لا ماتت الخمس الحواس وزاد منسوب الهيام رحت أسبحه غي ورهاوه وان تماديت اشربه الشعر نوع مّن الخمر لاهو حلال ولا حرام يضيع فيه السطحي ويدمن عليه المنتبه أكبر من علوم العباد وفوق تعليل النظام يْشرّق الموهوب شيخ المفرده ويغربّه عليه وردّت الهقاوي مثل ميراد الحيام الين ما أبصر به كفيف وسمْع الأصقه بـ سببه جاني على آخر عقدي الثاني ونطحّني الملام ولْا يروق الين أرد البيت فيها و أكتبه غيدًا خطاويها زهور وملمس يْديها رخام تاطى صحاري نجد وتعود فياضً معشبه فيها صحيح الأستقامه غير عودًا ما استقام الفوضوي ماهوب شرط بـ كل حال ترتبّه من شاف زين أم اللثام وشاف ريميّ العدام عرف وش تكون التباريح وعرف وجه الشبه مخمورة الاعيان ، عذبة ريق ، منصهرة قوام بنتً عن الترفات راويةٍ حسن و معربّه في زينها الصبح يْتغطرس ويتسلى بـ الظلام اللي تناثر حول سلساله و غطّى منكبه والله ياسحر الناعسات و قو مفعول الغرام تستاهل اقدّم لها قافي و معلوقي هبه واللي مورّدني على الأهمال عقب الأهتمام يمكنّي أمّل الحياة أن قلت : يا قلبي تبه لكن على أيّة حال انا ممنون لـ العذبه مادام اللي محبتها عذاب تجيب لـ الشعر أعذبه

بقى لي ثلث ليل وزلّ من عمر المسا ثلثين تحت غدراه عقرب ساعتي مايمشي، يحوبي دعيت، من إبتهالات الدعاء الى آخر الـ آمين وذكرت الله وأنا خطوبي كبار وهانت خطوبي ياربّي وان ذكرتك حنّ لك خافق ورفّت عين وطاحت دمعتينٍ ما سترها الَّا طرف ثوبي يحرّضني هوى نفسي الين اغوي مع الغاوين وأعوّد لك ! وتغفر لي خطاي ، وتستر عيوبي أحبك وان عصيتك من هوى دنيا وقلّة دين تمثناني شعور الخوف من راسي لعرقوبي دخيلك لا تخليني لحالي ، لـ الزمان الشين أنا مالي صبر عن رحمتك، لو صبري ايوبي تولّاني بـ عفوٍ ، ( يعتق رقبتي ) بـ يوم الدين وهب لي من لدُنك اللي يبدّد وحشة دروبي دعيتك والكفوف المستغيثة خاليات يدين يا ربّي لا تعوّد خاليات الَّا من ذنوبي

اللهم صلّ و سلّم على نبينا محمد 💙

أصبحنا وأصبح الملك لله.. لا إله إلا الله وحده لا شريك له.. سبحان الله وبحمده سبحان الله العظيم أستغفر الله العلي العظيم وأتوب إليه

مَن يَفعَلِ الخَيرَ لا يَعدَم جَوازِيَهُ لا يَذهَبُ العُرفُ بَينَ اللَهِ وَالناسِ – الحطيئة

تمهّل لاتعّجل خطوتك يـ الخايف المرتاب انا لي فيك يومًا حيّته تاكل ثعابينه مع أنّك ماتمر الّا بـ جرح وكلمتين عتاب لكّنّك سيّد أبداع القصيد وسر تكوينه عرفتك وانت عودًا ما لقا من شتمهم مجناب على أدنى عارض تهوزه عباد الله وتهينه بريً من صفا قلبه يشوف ان الجميع أحباب لاضاق مْن الكلام المر صد ودمعّت عينه عطاك الله من وافر عطاه وفضله السكّاب لسانٍ ينطق أخيار الكلام وينطق الشينه على دورتك يستاق الربيع الماطر الصبّاب ومعك المنتبه يصلح خطاه ويدرك سنينه يا مطول ساعتك لاجاتني بنت الدهر تغتاب لياليك الملاح الحافله بالضحكه الزينه تمر الداله أسرع من مرور المترف الجّذاب وتبطي بالحزين الين تصبح من محبينه يلومونك زباينة الفشل وتعلّل الأسباب تقول الفاشلين الوقت ماتنصف موازينه أشرّ الناس ، فارغ ماطرق لـ الكايدات أبواب يضيّع ثروته لهو الحياة ، ويشتري دينه على أن الوقت مضمون الحياة وسالب الألباب عجزت أحب زهّاده وأحارب مستغّلينه يهملّه الغشيم و يغتنمْه المصلح التوّاب لاحطه في مساعيه الكرام ومصلحة دينه

تمهَّل قبل لا تَطرقك: نَفحة النسناس ورا ليلةٍ فيها التعب مسْرِج جْياده معك ما يخلي خاطري للهوى حسَّاس.. معك ما يخلِّي عاصي الخيْل.. منقاده! أحبَّك ليالي، وأختلي بك رضا، وإحساس وأعاوَد ضميرك، وأعشقه، وأعشق عناده! أبي مِن غياهب ليلتك لو قليْل نْعاس: على شان أداعب جادله، وأسرق شْداده! حبيبي ترى ما لك ورا صفحتي مقياس تغنَّيت بك.. وأثر المخاليْق نقَّادة! إذا قلبي احتالَت سنينه معك، لا باس! أنا أشوف في ضحكتك موْته، وميلاده ذبحني الجَفاف، وجِيْت لك بَيْن يَاس، وياس أعرْفِك ظمأ.. لو في طوارِفك ميراده يكفِّيني إن طالَ الزعل: طلَّة، ومجَلاس وأسوْلف لوَجهك عن غثى الوَقت، وجهاده تمادَى على صدرٍ عروْقه عليك يْبَاس.. أبي غفلةٍ بَيْن أسوَد الرمش، وسهاده! وش الجِيد لولا عقدك اللي بدون ألماس؟ عساي أنتهي له؛ كلَّ ما ذابت قلادة.. أحنَّك مثل ما أحنّ نفسي: من الوَسواس وأحبَّك محبَّة «شايبٍ لأوَّل أحفاده..» أمانتك لا تنسى اسمي إن غابوا الجلَّاس أنا طالبك -لا طوَّل غيابنا- نَاده ترى الحَلَّ لا خابَت مع الرامي الأقواس: مرور الغزال اللي على غفلته، صادَه! حبيبك لو إنه في ديار الهوَى عسَّاس يشوف الدروب اللي تودي لك؛ بلاده! وش أسوي إن زاد الحكي في عيون الناس وأنا كلّ يوم.. أحبَّك أكثر من العادة!

* ما طاح من فمّ الفهّد للحصيني *

انفض البشت ، واشهر يا حفيد الامام يا سمي المؤسس ، يا كعام الخصيم فيك الابصار تشخص والمواقف جسام مالها الا انت في وجه البسيطه زعيم ان تكلمت تصغي لك قلوب الانام مثل ما يصغي لـ قول النديم النديم وان فعلت اخضعت عندك كبار المهام و الضعيفه تقوّى ،، و العوج يستقيم كنت حلم(ن) يراود " غارقين المنام " واشرقت شمس وجهك يوم الانفس تهيم خضت حرب الوجود اللي غشاه الظلام واحتميت المواقف بالجناب الكريم جيّتك مثل برق الوسم في كل عام يتباشر بشوفه كل مسني محيم بشّروا بالربيع ، اللي ترزّم رزام وبشّروا بالمساقي كل غرسً مقيم وين ما حلّت ضعونك علي الحرام كن فالارض قطعة من جنان النعيم يا ولي العهد ،، منّا عليك السلام والفدا و المحبّه والولاء من قديم يوم الارقاب توخذ من شباة الحسام معكم اسلافنا فالمنهج المستقيم روّحوا فوق هجن(ن) مثل ربد النعام لا تقطّع على ساق الظّليم ،، الظّليم ذروة امجاد " شعبك " في بلوغ المرام يوم عاشوا وفازوا بـ " الامير العظيم "

طال الهجر يابنت الارياف طلّي على الضلوع الممحلة يامليحه روفي مضارب مقلتينك وخلّي المستهيم اللي دنا من ضريحه انا فدى للعنق والشامة اللّي خلّت مقاريد الهوى مستريحه ماهيب والله سالفة طير ياللّي ولا بعد قصّة لسان الذبيحه جيتك مجلا وفـ بهاك متجلّي شعرٍ تخالط قحويانه وشيحه ينبي عن الموضوع واللي حصلّي كبا الجواد وما نهض من مطيحه واللي بقى عقب الغلا والتغلّي قلبٍ تفرّد بك شعور و قريحه اثريت ساحتهم وانا في محلّي حتى مسيلمها يقرّ بصحيحه ترحالي اعمى والمظاليل حلّي والجرح منها في مقام النصيحه لا صار منتي لي من الغيد من لي ؟ لا والله الا قـام سـهـم القبـيـحـه ردي لي بـ لبيه واجيك كلي لبايّة المحبوب دايم

جازني ياعديل الروح فيما ترى واغفر الذنب للي معترف في خطاه" ( صار قلبي وعيني بالعذاب اخشرى كل ماحـن قلبـي هـل دمعـي وراه )

اللهم صلّ و سلّم على نبينا محمد

يارفيقي ليت ماهي بدايات اكتئاب عقب ماكنت اجتماعي نشوفك منطوي لك سنه ما جيت مجلس ولا فكيت باب مامعك لمقابل الناس دافع معنوي ادري ان الهم في صفحة المؤمن ثواب مير انا يوجعني الضعف في وجه القوي كانها من مال يفداك مالٍ فالحساب وكانها من حِمل ف ارمه على متن الخوي .

على شي مايسوى لقيتك حبيب وخلّ مثل ما تفارقنا على شي ما يسوى .

اللهم صلّ و سلّم على نبينا محمد

جَاءَتْ مُعَذِّبَتِي فِي غَيْهَبِ الغَسَقِ كَأنَّهَا الكَوْكَبُ الدُرِيُّ فِي الأُفُقِ فَقُلْتُ نَوَّرْتِنِي يَا خَيْرَ زَائِرَةٍ أمَا خَشِيتِ مِنَ الحُرَّاسِ فِي الطُّرُقِ فَجَاوَبَتْنِي وَ دَمْعُ العَيْنِ يَسْبِقُهَا مَنْ يَرْكَبِ البَحْرَ لا يَخْشَى الغَرَقِ