محتاجلي موقف يتوبني واتوب ؟
ماهي بحاله كل ما ضقت .. خربت
من يوم ما صار السفر باب الهروب
ما عاد اخلي شنطتي فوق الكبت ؟
كيف الأيام .. تنصفني من الراحلين
اللي أخذوا شبابي من يدي ورحلوا
صاير أشتاق للماضي ، لو أنه حزين
وصاير أخاف حتى من الكلام الحلو
مامعي عقل يوم ابكي على الغايبين
ليتني .. يوم نزلّت الدموع ، نزلو
يطول الوقت بـ غيابك بدون قياس
يا ليت الوقت يقصر مثل تقصيرك
تركت القلب عايش بين هم و ياس
ولا تقدر !.. تبرّر لي ( معاذيرك ) ؟
لاتجبرني آشوفك مثل : كل الناس
و أنا ماودي آشوفك .. مثل غيرك
على ابتساماتك وطاريك الرحيب
على مهل لا جيتني .. على مهل
احب وصلك وإن غدا وصلك صعيب
حنا نحب الصعب ونعيف السهل
من كثر تقديري لـ طلّتك : يا بنت أبوك
أشعر إني واصل آخر . . محطّات الغلو
أزعلي مره . . و مره أبي وجهك ضحوك
أنتي وجهك فـ الزعل و الرضا دايم حلو
اغليك والكون كله فدوة اقدامك
ياقِل هـالناس بـعيوني وياكثرك
ماقلت احبك عبث او بس قدّامك
انا اكثر انسان حبك من ورا ظهرك"
لاتعذّر عن الغيبات .. دمعة عيونك
خلّها بالمحاجر ... ماتجبّ الذنوب
ودي آقول ماني قادر آعيش دونك
بس عايش ، وانا والله ماني كذوب .
سمي ونامي . . دام ودك تنامين
لايشغلك وضعي وسهري لحالي
ماني بـ نايم قبل وحده وثنتين
اذا ماحولك نوم مثلي . . تعالي
بيني وبين الليل دين وعما عين
وعلوم واجد . . مالها اول وتالي
اي والله ان ودي احاكيه وابعث له
لكن بعض الرسايل تبحث اوجاعي
هو خايف اني معاد ارجع وانا مثله
خايف من الرجعه اللي مالها داعي
يا ( معلقة ) قلب من حبك عليك السلام
اللي ترفرف على كبد السما .. رايته
إن كان جيتي ؟ مجيك فوق صدري وسام
و إن كان رحتي ؟ فمان الله ورعايته»
حتى - القمر - فـ اقبال وجهك سَيّ
و إن قلتي لي : مجنون ؟ قلت : أدري
أنت أبيض ، و صافي وشابع رَيّ
و هو أبيض / و مرثع به الجدري !
يعني كذا ولا كذا ، “ هيّ هيّ
بدري عليهم كلهم بدري :)
فيني من الحزن .. صمت اكبر من البوح
واوحش من المقبره في نظرة الحي
محتاجلك .. وان بغيت تروح .. مسموح
ما عاد عندي ورى "محتاجلك شي
ينصفني الوقت منك .. والليالي تدور
وأرد لك كل حاجه لك ، ماهي بـ لي
بعطيك صمت السنين ، ودمعتين ، وشعور
وعطني قسى قلبك .. اللي كان قاسي علي
انا ماعمري دون واجبك قصرت
الماضي يشهد والمقابيل خرسى
لاعاد تفقدني لا ضقت وتكدرت
انت ان لقيت الي يسليك تنسى
إكسر جدار الغرور وعايد احبابك
أنا إن تصبرت لين الصبح يا طيبي
فطرت قلبي في عيد الفطر بغيابك
أرجوك في عيد الأضحى لا تضحي بي
تقوّي ترى الخاطر لـ هالحين باقي فيه !
تعابير وجهك " قاطعتني " … و أنا توّي
تزبر ( دموعك ) في محاجر عيونك ليه ؟
أوآسيك ؟ والا أجرحك ؟ والا وش أسوي
ياقلبي مالنا حيله لا تسالني من الغلطان
انا اصغر ظنوني لو تبي تخطيه بتصيبه
اجيه من الزعل راضي يروح من الرضا زعلان
غريب الحب مهما صار ما تصفى مشاريبهه
الليله الحزن من حزنك بنفسه حزين
حتى القسا .. مدّ لك كفّينه الحانيـه
بس أنتي الله يخليك إللي ما تفهمين
لاا عاد أشوفك [ حزينه ] مرةٍ ثانيـه )
«لاتنخدع، والناس موّاتت ضمير
غير المصالح مايمْر في بالها
"أحبِّك" إللي كنت تسمعها كثير
هو واحد إللي حبك وما قالها»
