اصيل

🇶🇦❤️ الحمدلله على كل حال، وفخورين بمنتخبنا القطري 🇶🇦 في أول مشاركة لنا في بطولة كأس العالم المصغّرة، قدرنا نوصل للمركز الرابع، وهذا بحد ذاته إنجاز نفتخر فيه، خصوصًا إنها أول مشاركة لنا في البطولة. الحمدلله قدّمنا اللي علينا وما قصّرنا، ودخلنا البطولة باسم قطر وطلعنا منها رافعين راسنا، وشرّفنا اسم منتخب قطر بين المنتخبات المشاركة، وأثبتنا إن عيال قطر قدّها وقدود، وقادرين ينافسون ويتركون بصمتهم في أي بطولة. صحيح كان طموحنا نوصل لأبعد من جذي، لكن اللي حققناه يخلّينا نفتخر بكل خطوة مشيناها وبكل لحظة مثّلنا فيها ديرتنا الغالية. 🇶🇦 كل الشكر لعيالنا اللاعبين على تعبهم وجهودهم، ولكل من وقف معانا وشجّعنا وساندنا من بداية البطولة لين آخرها، بيّض الله وجيهكم وما قصّرتوا. فخرنا مو بس بالمركز الرابع، فخرنا إننا مثّلنا قطر وشرّفنا اسمها، وخلّينا لمنتخبنا بصمة في أول مشاركة له. ❤️🇶🇦 والقادم أفضل بإذن الله، وهذي مجرد بداية، وطموحنا دايم أكبر. دام اسم قطر على صدورنا، الفخر في قلوبنا. 🇶🇦🏆