عثمان الظفيري

الإمتنان يولّد الراحة ، كل ما حمدت ربي و عددت النعم و استشعرت أنه فضّلني على كثير من خلقه و الله أحس أن معدل الرضا و الراحة يزيد و فعلاً تمتلي عيني أكثر و أشعر بالإكتفاء ، بالسلام ، بالطمأنينة ، اللهمَّ لك الحمد كما ينبغي لجلال وجهك و عظيم سلطانك عدد ماخلقت و ملىء كل شيء ❤️

جحدت الغلا لين امتلا بالخفوق وثار قصايد عساها اليوم تطرق مسامعها . يقولون ماودعّك؟! قلت الفراق وصار الإنسان روحه تنسلب .. ما يودعها !

بين ميراد الهقاوي و مصدار الظنون صار في نفسي قناعه ، وفي سمعي ثقل العرب والله ما عاد ندري وش يبون والصدور من المشاريه صارت مُعتقل تغلط العقّال و نقول لـ الطيّب يمون و تغلط الجهّال و نقول .. تكبر و تعقل

مثل مايمر الطيف في سجة الساهين تمر أجمل أحدآث العمر دايماً عجلة .

تحس الليالي تستفزك ما تدري ليه من ظروفها وطبوعها تاره وتاره يجيك الغلا من واحدٍ ما تبي طاريه ويجيك الجفا من غاليٍٍ كنت مختاره !

"وإن جات من دون العشم ما علينا يمكن عشمنا فوق طاقات الإنسان"

لا ترتكي كلك .. على النقص والزود والجاه والمنصب والاسم المعرّب يمكن تثوّر فـ الخبا وانت « بارود » ولا تصدّي وانت « سيفٍ مجرّب »

يوم جيت ديار ابو سوداً مظّلة للقدم وقفة وللقلب التفاته ما اختصرها فالسلام ورحمة الله السلام ورحمة الله وبْركاته ودي اخذ عندهم فنجال دلة ونفسي اول من كلاني بالشماتة يرفع الرجال صبراً في محله وترخص الرجال كثر محاولاته

لو في يدي شي، ما قلت الوعد بكره حزمت حِدب الضلوع وقلت لك هيَّا ولو كل غالي يجي دايم على ذِكره ؟ ما كنت أشوفك هناك، وحبّك هنيّا

لا شال همّه .. شال همّه لحاله وإليا فرح وزّع على اللي حواليه

لاتعطي الدنيا استراحة محارب حارب ترى الدنيا مافيها استراحه.! - سعد بن جدلان

لا تلوم الملتزم بـ الصمت لا شحّ بـ كلامه وش يقول الساكت اللي كلّ ما فيه يتكلم. - عبدالله السراهيد

وصلت لمرحلة ما أقدر أعبّر أنا كل الكلام اللي بدون لسان..! - سعد علوش

وان كان قفت بي مقادير الايام اما اذكروني بخير ولا اتركوني -سعد بن جدلان

إن طغت سود اللّيالي على وجه الظّروف عاد لِيّ شيمة . . ومبدأ على وجه الثّرى - سعد علوش

الحياه .. " تغيّر قلوب وتغير وجيه " الا من ربي يعينه على درب الهدى ينقل الطيّب جروحه بكلمة ( ماعليه ) اصلاً الطيّب مبرمج على قولة ( فدى ) والله ان ابوي معطيني الراي الوجيه عاد للي قاله ابوي في راسي .. صدى لا طرا لك طاري الطيب لاتحتار فيه افعله وان راح ماراح عند الله سدى

اما تجي حكمه وتغلب على الصمت ولا التزم بالصمت والصمت حكمه - سعد بن جدلان

نستحي من جيتٍ تسبق .. " تعال " الكريم بدفق ماء وجهه .. بخيل

عَفى الله عن كلامٍ في حنايا الصدر ماينقال تركته للزمن لو هو ثقيل و جمرته حيّه وعَفى الله عن همومٍ ما تخلي مستريح البال يعيش أيام عمره في صفا ذهن وصفا نيّه وعَفى الله هواجيسٍ توقف بي على الإطلال تعيد الذكريات اللي مع الأيام منسيه

" قبل الموادع نحسب .. إنّا قويين وعند الوداع أثر أضعف الناس حنّا " - عبدالله بن عون

«ما زيّن أخلاقي الطب بعقاقيره لولا عقاقيرها- ما زانت أخلاقي» -مدغم أبو شيبه