ماشفت أقسى من هالمشهد ما حيييت
واحد حالتهم الماديه ضعيفه راح لقى اكل بالشارع واكل منه بعدها تسمم وحطوه بالمستشفى يوم سالته ليه ماقلت لي ليه سويت كذا ؟ قال عشان اكل بالمستشفى وبدون منه احد
قسم بالله بالرد كانه صافقني على وجهي
الله ياخذ الفقر يارب
دايم اي شي قبل النوم يصير يضحك
اختي الصغيره تقول في قرد وقرده طالعين البر وقالها زوجها تشوفين القمر والنجوم ؟ قالت اي
قال وش معناه قالت معناه الرومنسيه والحب
قالها زوجها قومي الله يأخذك معناه الخيمه انسرقت
بكل مرا الفجر اسمع من غرفه اخوي أغنيه
(طول اليل افكر بيك )، حاولت بكل الطرق وكل الأساليب اعرف منه وش السالفه
لين ضفته بحساب وهمي وطلع يقصد سنابه اللي تبند
اخوي الصغير يصيح وأزعجنا وأزعج الجيران بعد ساعات قال لنا بيضربون نووي وأموت وانا ماسددت حق البيسي الي ماخذه من تمارا
ياحبيبي انت تطمن حتى تمارا بتحلقك وقتها
من سنين طويله دايم أحلامي كلاب او شخص يلاحقني بيطخني او بعير يلحقني
وبكرا مرا أقوله لاامي تقول في بنات نفسهم فيك
وبديت افهم مثل( القرد في عين أمه غزال )
أنا اعرف اللي يسوي حساب وهمي ويراقب
بس سالفه اني ألقى أخوي فاتح حساب ومسميه بهار ام عيسى ويرسل كل يوم للشخص تبون يزأر !
هاذي أبدا ماتوقعت أشوفها
تعرفون شعور لما تكونون قاطعين هوايه كنتو تحبونها سنين طويله ؟ اليوم بعد سنوات مريت من ملعب كنت العب فيه كوره ولقيت نفس الاصحاب يلعبون بشغف والحياه ماشيه ، طلعت أنا الي موقف الحياه بس
جدتي كانت تدخن وجت اختي تركض تقول جدي جدي من الخرعه جدتي رمت الزقاره بحوش جيرانا اختي كملت وقالت جدي عطاني خمسه
