حكْمتيار retweeted
حسّ الفكاهه و الشغف و التونّاس
( جميعهم ) .. ما عنهم الطير خبّر
احيان يكسرني من النود ، نسناس
و احيان لا همّلت كسري .. تجبّر
في المجتمع فيني من عناد جسّاس
و في عزلتي .. مثل الفجيع المصبّر
احتاج ..و اقفّي .. وانا رافع الراس
كنّ السحايب من جبيني ..! تزبّر
ما احدً لمح في عيني الضعف والياس
على كثر ما اقبل زماني .. و دبّر
ان زانت اوضاعي تواضعت لـ الناس
و ان شانت اوضاعي .. بديت اتكبّر !
ياما جمعت النقايض حرص وجروّة
وانا على كف عفريت اتدرّاها
وياما تمظهرت عند الناس بالقوّة
واليا تخلويت جابت نفسي اقصاها
يا دنيةٍ من خلقها الله وهي لوّة
تضحك على الناس من يوم الله احياها
ضحكت منها .. وعنها الضحك تلهوّة
واغضيت مثل المهادي عن رزاياها
2
264
حكْمتيار retweeted
ليش ياقلبي ؟ تهزك هبوب الذكريات
لين تغمرني بحزنك وانا ماني حزين
خلك مواظب على الباقيات الصالحات
وابشر بنصرٍ من الله رب العالمين
لايغرك زيف الأحلام والدنياء شتات
حزن ضحك دموع فرحة وصل فرقا حنين
في كنفها لو تضايق بنا الأربع جهات
لاسلمنا من غثاها فحنا سالمين
كثر خوفي لا أنجرفّ مع طريق المُغريات
صرت أكافح بالهقاوي و أكافح باليدين
الحظوظ الماش تغتال حتى الامنيات
وطيحة الطيب كبيره وظلم النفس شين
وقربك من الله يعلمك وش معنى الثبات
ومسّت الحاجه تعلمك معنى الطيبين
علمتني كيف اكنسل صداقة خذ وهات
لين قيدت الصداقة على واحد ثنين
كل منعوتٍ فعولة على قوله ثبات
ناجدٍ يضحك حفاوة ومنطوقٍ ثمين
في حياتي "لـ الرديين " سلة مهملات
مثلما فَ النـار ( مثواً لكل الكافـرين )
ادفع ثمن تضحياتي ما قصر شبري
لو ان الايام ضحّاكه ودوّاره
قاويتها طفل وش عاد وهذا كبري
مانيب مختار شيٍ ما الله اختاره
-مشعل الضوي
705
عيب الرجل لاعاش هقواته انه
اقل من مقدار مثله وشرواه
ان عشت وانت ابن ادم اللي تظنه
بتموت وانت ابن ادم اللي تمناه
446
حكْمتيار retweeted
الرياجيل ما تقبل محلّ الريب
في مخاسيرها والا غنايمها
وانت محتار ما بين الردا والطيب
لا المروءه تبيك ولا خوارمها
بالشٍ لي في طموحات ٍاعلى مْن البخوت
وصارفتني غصب عن من عشقت ومن هويت
لكن الأقدار والخوف من هرج القتوت
كلها كانت تقول امش يوم اني مشيت
جعلني ما اصنع ثباتي بثبّت لي واشوت
وجعلني لا آخذت لي حاجه آخذت واعطيت
وجعلني ما أضيع واضيّع ابداع البيوت
وجعل رب البيت يرفع بيوتي بيت بيت
569
خل الكلام .. و وفّر عتابك
وش عاد باقي بينك وبيني؟
اللي بتقوله ! قاله غيابك
واللي بقوله ! قالته عيني
1
433
