كل ما صليت تايب عن الذنب الوحيد
اعرف ان اللي يروحون عنك يعودون
مد وصلك بين الإبداع و النوع الفريد
يا بعد خط الرساله و صوت التيلفون
أنا عمري من زجاجه و عمرك من حديد
ليش تحذفني بـ فرقاك جعلك ما تهون
منك يهذرون الأوادم عن الحسن الأكيد
ولك يسوون القصايد وفيك يسولفون
لا تلوم الشاعر اللي يدوّر له رصيد
ياخذ عيون القصايد من أهداب العيون
في عيونك مال الإبداع فضل ولا جديد
و الهوى واللي يقولون مالا يفعلون
أنت مخلوق على شكل بيت من القصيد
ولا أنا ما نيب شاعر ولا هم يحزنون
و الغزل في غير حسنك وزينك ما يفيد
لو بداه ابن زويبن وثنّاه ابن عون .
_ مطرب بن دحيم




