الغايب اللي ماهـو متعمد أهمـالي
لكن ظروف الزمن عني يحدونه
أن جابـني له قصيـد وقـام يقـرا لي
ياخذ من الصبر مايكحل به جفونه
وأنـا اليـا جابـه الطـاري وانـا سالي
ودي لا نادوا سميه ما يسمونه
- حمد السعيد
يقولون لا طال الجفا بالحبيب انساه
وانا وين ابنسى صاحبن ما تناساني
تغربت بالدنيا وهو ما بخل بخطاه
يسوق القدم في يمتي لين يلقاني
الا يابعد من ينقش الكف في حناه
اذا مل من خل لقاء صاحبن ثاني
والا يابعد منهو حضوره مثل فرقاه
حشا ما شغل فكري ولا حرك اشجاني
- حمد السعيد
ذبحني غلآك الله لآ يجزي البعاد بخير
وأنا كنت أحسب البعد للعاشق الخيره
يا ليت الزمن يرجع معي يوم كنت صغير
الأحلام محدودة و الأيام تقزيره
- محمد بن مريبد
لاطلبت البعد مال الصدود الا الصدود
كلمتي عيب علي كان ماني قدها
ㅤㅤ
لاتظاهر بالجفا ماعلي من البرود
لاضناك الشوق نفسك تبيح سدها
ㅤㅤ
ولاخنقتني عبرتي كل شي وله حدود
عـزتي ماتنحـني للعيون .. وودها
ㅤㅤ
خلهـا للجـرح للنوح للحظ اللدود
للتجافي حسبي الله على من حدها