أميرة

لو غبت عن جو التواصل وسجيت ،، ماغاب عن بالي ،، وقلبي غلاكم واليوم جيت اطرق لكم بيت مع بيت ، شعر وتواصل والھدف ھو رضاكم #بن_شعلان

لا تـدق صـدرك وصـدرك عليـل ولا تشيل السيف وعظمك ترف الشـوارب ع الرجــوله مـو دليـل الرجــــولة بالـمواقــــف تنــعرف . #بن_شعلان

لوجيه خلق الله على الروح تأثير تأثر على نفسي وضحكة حجاجي وجهٍ ليا شفته من الفرحه أطير و وجهٍ ليا شفته تعكر مزاجي .!! #بن_شعلان

لاهزك الشوق واختلت موازينك؟ تعال وأقرا شعوري وآخر اخباري وإذا اخذلوك البشر وأقرب محبينك؟ تذكر اني على عهد الوفاء باقي. #بن_شعلان

ياشَرف للمسلمِين و يافَخَـر على الدوَامْ ديرةٍ من حكم ربِّـي و الرسول موحَّـدَه #بن_شعلان هاني بن احمد الشعلان – at Ahsa, Kingdom of Saudi Arabia

واللي ماهو ابدويٍ في اصُولَه دام به اخلاق ابد ما شيّ عابَه اجودي من مدّته تزهى فعولَه وين ماصدّر على ارضٍ ياهلا به ومن فسيح الكون في عرضه وطوله معتلين و عـزنا فـوق السحـابه مجدنا بين العرب محدن يطوله دايميـن بخيـر ذكـر بـلا غـرَابَه #بن_شعلان هاني بن احمد الشعلان

حيّ هـزاع الـوفِي يـاحيّ زولَه واحد من صلبْ ابوي ومن جنابه و حيّ فالِح من تعلّى بالرّجولَه و الشجاعه والمكارم و المهابه ياعيـال العمّ ياسـاس البطوله ياعـدال الملتـوي يـاخيـر لابه مابخصنا بالخوي في اي جولَه ولا اعتدينا و كلنا يَعْرف زهابه #بن_شعلان هاني بن احمد الشعلان

اقدّم المعروف .. و آحبّه ما اتبع الناس .. وبلاويها فنجال بين اخواني آصبّه يسوى لي الدنيا وما فيها #بن_شعلان هاني بن احمد الشعلان

تعبت اداري خواطر ناس ولا لقيت شخصٍ يداريني درب المجَامَلْ ملاني ياس و شعُور بالهمّ يملِيني لو كنت بتريّح الانفاس اسمع كلامي بكل حينِي لا تصيرْ بين الاوادم راسْ يعرفك قاصي ودانيني #بن_شعلان هاني بن احمد الشعلان

متقلّبه بالعقل افكار و افكار والحال مايبقى على حال واحد اقنَع بما يكتبه ربي بالاقدار وبنعمة المنّان لا تكون جاحد #بن_شعلان هاني بن أحمد الشعلان

حبـنـا هـذا تـعـلّا بـالنـجـوم صـار للتّـايِـه وسامٍ يهتدا بَه انت ليّ و لك انا يارب دوم حبّنا طاهر و لا طاله معابَه عن عيونك بعّدالشك او سوء الحلوم صابني سهمِك محد حولي درابه #بن_شعلان هاني بن احمد الشعلان

طار نومِي و غيري متهنّي بنوم و بـعيـوني كـل ايـامي تشـابَه وانت كل الحبّ في صدرك يعوم لكن السـانِك ولا مره حكى به قول وانطقها و نسيني الهموم خلني افـرح يابعد ديـره و لابه شف خفوقي كيف من حولك يحوم يحرسِك خايف عليك من النصابه #بن_شعلان هاني بن احمد الشعلان

ادري انك لي متابع لو بصمت وادرِي انّه لي اخير من الحكِي الزّمن حدّك وصرت لماوِصَلتْ قِـلّ هرجْ مقـابله كثـر البـكِي #بن_شعلان هاني بن احمد الشعلان

دبت علينا همومنا والنواميس ماعاد به من يكظم الهم والحال تعرِف مكان السوس من دون تسويس و الله يجازي كل من خان رجّال دوّر على اهل الطيب لو بالفوانيس اللي بخصال الطيب مضرب للامثال #بن_شعلان هاني بن احمد الشعلان

الصاحب اللي شغلته بالجواسيس وقته يمرّ وهو على القيل والقال خبيث طبعْ و فيه للخبث تاسيس له منصِبٍ يحسبْهْ له خير منزال مادلّ درب المجد و لشرّه يسيس ماهو من الاجواد او طيب الفال صرنا مابين مجاملاتٍ و تلميس اتسوقنا الاقدار بيدين الانذال #بن_شعلان هاني بن احمد الشعلان

قلبي عليك ياغض الانهاد مَغلوق يومي لفيت الدار ماشفت زولك اتقلّـب بنـومي وكنّي بملـدوق محدن ينومسني سوا شوف زينك اشتقت لك والله ياعـز مخـلوق صبري نفذ وشلون ابنسى سنينك صعبن علي فرقاك والقلب مزنوق يحنّ لك ، ياصاحب القلب وينك #بن_شعلان هاني بن أحمد الشعلان

شكواي لله دام اقـدارنـا تعـوق تكسر جناحيني ، و تعلي ونينك العشق مرّ و كلّ عاشق له يذوق يسهّر جفونك و تدعي يدينك يالله ياللي سامع شكاي من فوق تـرجّعـه سـالم لنـا طـالبيـنـك #بن_شعلان هاني بن أحمد الشعلان

حبيت فيني وثوقِك حيل ياغالي ماني مخيّب رجَـاكْ و تنكسر منّي غلاك صنتَه و حبّك شاغلٍ بالي و قربـك تمنّيتَه و لك دوم متمنّي عشقك هو الهامْ عمرِي ، واكبر آمالي مجنونْ حبّك و عشقك بالرّغم عنّي #بن_شعلان هاني بن احمد الشعلان

أرسل لك أبيات وأنت تعيد أرسالها وبدون احسَاسْ ترسلـهَـا لانسان غير مشاعري من فؤادي خاطري قالها لجلك وخاطرِك يجفانِي وانا لك اسير #بن_شعلان هاني بن أحمد الشعلان

اصعب شعُورٍ بالتّعب آحس فيه لا صرت ماشُوفِك وعني تبتعد واللـي يتعّبـني بـلا حيـلة عـليه يـومٍ يمرّ و حسّ صوتك ينفقد #بن_شعلان هاني بن أحمد الشعلان