رتو

أنا وزوجي تهاوشنا هوشة كبيرة قبل النوم وقال لي كلام وجع قلبي ولما نمنا ما حاول يراضيني ولا حتى قال لي إنه ما كان يقصد يجرحني. ثاني يوم الصباح قمت قبله وكعادتي جهزت له ملابسه وكويت قميصه وحضرت له الشاي والفطور بس هالمرة ما رحت اصحيه مثل كل يوم. صحى ولبس وطلع من الغرفه ولقاني احط الفطور على السفره بدون ما اطالع فيه. جلس وقال لي: ما بتفطرين معي؟ قلت له بهدوء وانا اطالع بالأرض: عندي شغل بالمطبخ. كان ودي اسمع منه كلمه تراضيني بس واضح إن كبرياءه كان مانعه يعتذر فاكتفى بشرب الشاي وسكت. وهو طالع يبي ياخذ مفاتيحه انتبه إن قميصه اللي كويته امس معلق على الكرسي وفوقه ورقة صغيرة كتبت له فيها: يمكن اكون زعلانه منك ويمكن كلامك وجعني اكثر مما تتخيل بس زعلي منك ما منعني إني اهتم فيك انا بس كنت محتاجه احس إن زعلي يفرق معك وإن قلبي اللي تجرحه كل مره للحين غالي عليك. وقف يقرأ الورقة اكثر من مره وطالع جهه المطبخ ولقاني اغسل المواعين واحاول اخفي دموعي. دخل علي ووقف جنبي وسكت شوي وبعدين قال بصوت مكسور: أنا آسف حقك علي والله ما كان قصدي احسسك إنك لحالك وانا زوجك انا غلطت واعتذاري منك ما ينقص من قدري بالعكس انا اخاف اخسرك لأنك غاليه علي. طالعته ودموعي بعيني وقلت: أنا مو محتاجه منك هدايا ولا كلام كبير انا بس ابيك إذا زعلتني تتذكر إني حبيبتك قبل لا اكون زوجتك. مسك يدي وباسها وقال: