يا عينْ هِلّي سَبْعَةَ ارْضاف على زِمانٍ مَرْ مامون

يوم المَلا هِيّاعي جِفني حارَب كَراه ما هَوَّنَت الاوياعي قلبي زايِد وِزاه يوم اْنصحَه ما طاعي عن وِدِّه لي بَغاه كنه فطيم رضاعي ما يصبر عن غِذاه يوم القِدَر به صاعي وارمى به في حِماه فِيِّه فَعَل الاشناعي وِدٍّ باخِصْ غَلاه كِلْ غالي لِهْ مطاعي ما تنحمل فرقاه

قصر الشيخ زايد في العين

بْيوت البدو مِنْقاده كل يوم إِلْهُم لَف عِنْدُهم إنْس وسعاده وفيهم طيب وشرَف فيهم صَبْر وجَلاده وشوفُم يبري الحسَف ويكثّرون اعتاده البن يوم تحِف

نهار ما نوّوا بيبدون طوّوا دعون العرش عيلات صدّيت وايلاهم يسوقون واعتقت عوقٍ ما له انعات وين الحمايا لي يثيبون أهل اليمايل والمروّات آنس أعواقٍ ما بي تهون صويب ويْروحي طريّات ياحد ولا بي الناس يدرون أونّ ونّاتٍ خفيّات قفّوا وخلّوا القلب محزون حزنٍ ترضّف لي وليعات