˼ ᷂سّـياف retweeted
لاطرى فالبال شخصٍ ماقدرت أشوفه
قلت هذا الطاري اللي يستحق المسرى
الوصل ممنوع وأسباب الجفا معروفه
ليه يوم اشرح لك اسباب الجفا وانت ادرى
وش تغيّر في جمال الطلّه المألوفه
لين صار الأسر المعروف ضمن الأسرى
جعلني فدوة عيون الفارع المكسوفه
حزنها في وجهها الفتّان فتنه أُخرى
˼ ᷂سّـياف retweeted
ما عاد عندي من سمان المعاذير
غير الخطوط اللي على بطن كفّي
دربك شفوف و درب غيرك مقادير
و أنا ماعَرف اعاتب .. أعرف اقفّي
باقي عشان أنساك عمر و مشاوير
و الخطوتين اللي معي ما تكفّي ..
˼ ᷂سّـياف retweeted
لك منزل بالروح ما حل به حي
عرش الغلا لك بالمحبه لحالك
ان قلت احبك قلت لك ما بها شي
حقك تبيع وتشتري في حلالك
˼ ᷂سّـياف retweeted
ما يقدر لثامك يغطي ضياك الأصيل
الزين ما ينحجب ياللي جديلك ضفى
شف فوقك الشمس في هذا الصباح الجميل
تلثّمت بــ الغيوم و نورها ما اختفى
˼ ᷂سّـياف retweeted
الشوق ، يثعّى في صدور المناعير
و يخلي الصدر الشمالي ، جنوبي
اطاّول الحرمان ، طول المشاوّير
و احّث رجلي ، لين طالت دروبي
اجي لها و انا أتغنّى و انا اسير ؟
بالهوّن ضمه ، يا لطيف الهبوبي
في مذهب العشاق وقت اللقى غير
لدّي لي بـ وجهش ، و هاتيه صوبي
ما يشعّف المشتاق ، كثر المعاذير !
خل العذر دوب السعه و انت دوبي
أما اعتقيني عتق أبن عون لـ الطير
ولا أقربي لي قرب زرّي لـ ثوبي ؛)
˼ ᷂سّـياف retweeted
ليت عيني من سهر ليلي بدونك مستريحة
كل فجرٍ ما يشعشع به سناك الغضّ باير
وكلَّ ليلٍ ما يجيبك؟ يدفن بصدر الجريحة
شوق حار ودمعتين وضيق صدر وحزن غاير
ووالله أنَّ الأرض عقبك ضيَّقة لو هي فسيحة
ولو اعدَّ العمر دونك؟ راحت أيَّامه خساير
˼ ᷂سّـياف retweeted
حنايا نحر زين الوصايف نحيل العود
سوافي نفودٍ لاهب القيض راسمها .
ومن زاوية اُخرى:
دلني لا همت في نحرك وضيعت القلادة
كيف ادور سبحةٍ ضيعتها في ربع خالي .
˼ ᷂سّـياف retweeted
ذبحك الزعل ، ولا ذبحك الغرام مقيط
ولا عاد عندي / كون سحبه وتطنيشه
َ
انا / في مواضيع العلاقات والتضبيط
ما انا اضبّط / الا اللي على راسها ريشه :)
˼ ᷂سّـياف retweeted
ذولا هم اللي يستحقون الامداح
درب الفخر والمجد ماهو سياحة
من حولهم موت وغرابيل وسلاح
ويسولفون .. وكنهم بإستراحة
#نايف_اباالعون
˼ ᷂سّـياف retweeted
وجهك يسّر الحزين وراس مال و غناة
اشوف فيه الحياة اللي عليها الكلام
مسيتوء بالخير 💕
˼ ᷂سّـياف retweeted
ياصباح الخير واشواق الغلا الممتنه
لـ الحبيب اللي على كل العباد مبدا
َ
والصباح اللي بدونك ياحبيبي كنه
حاجة لا اقدر اوصفها و توجع جدا
˼ ᷂سّـياف retweeted
ليلٍ طويل وخطٍ أطوّل من الليل
وطواريٍ تبسط على الصدر يدها
بعض الظروف اللي تمر الرياجيل
ماني معلمكم وش اللي بعدها
˼ ᷂سّـياف retweeted
يدور الزمان . . وفيه كاره . . وفيه محب
مثل ما حصل لين اصبح الوضع كله سي
.
مفاهيم بعض الناس . . ما عاد فيها طب
شف اللي ضميره مات ياللي ضميرك حي
.
تهاون خطا حسادك . . . اللي تسبك سب
ليا سبك . . . اللي ما بعد جاه . . منك شي


















