عبد الله عتيق العدوان

وين الطبول القديمة غـابوا ارجاله راحوا وصاروا عبق ماضي ومن دونه ياليت وقـت مضى يرجـع على حـاله ليت الفِرق تجـتهد وتطـبق أفـنـونه (عبدالله عتيق العدوان)

القصيم. عنيزة سوق الخياط بالقرب من بيزان الخياط في حارة المجلس قبل مفرق الحمد ———————— انا مشتاق للحارات وشوقي يشمل الجيران وانا منساك يالمجلس وكل اللي سكن جاله ولي ذكرى انا بالجـوز ولاني ناسي الوهـلان يحـن الشوق للماضي ولو حـنا بـها لحـالـه وكـل احـيـاء عنيــزة مابــها زود ٍ ولانقصان لــهـا بقلوبنـا كــل الــغـلا لطـالت القـاله (عبدالله عتيق العدوان)

مقطع خاص من برنامج مع الذكرى ———— انا مشتاق للحارات وشوقي يشمل الجيران وانا منساك يالمجلس وكل اللي سكن جاله ولي ذكرى انا بالجوز ولاني ناسي الوهلان يحن الشوق للماضي ولو حنا بها لحاله (عبدالله عتيق العدوان)

دام عزك ياوطن 🇸🇦💚

ياوجد حالي علا الموروث واحـواله وعلا الفنـون الأصيله ضاعـت أركونه وين الطبول القديمة غـابوا ارجـاله راحوا وصاروا عَبَق ماضي ومن دونه وجدي على السامري مقرون بأمثاله والعرضة اللي صفوف أبطال يحيونه الحـوطي اللي بلا تحـويط من شـاله ياويل حـالي من اللـي مايـعـرفـونه امـنـول ٍللـطـرب والـفـن شــيّـاله واليـوم مـا يـنـعرف ذوقـه ولا لـونه ياليت وقـت مضى يرجـع على حاله ليت الفرق تجتـهد وتطبـق أفـنونه (عبدالله عتيق العدوان)

يامنـايـا اليـوم هـاتي لـي قـماش خـام  ٍابيض ماعلى الدنيـا جلوس           (المقهور )

لعنيزة الفيحاء شموخ ٍ من سنين يشهد لها التاريخ مع كل الأجيال لاثارت الهـيـجاء وجاهم مغيرين اولاد علي إليا أنتـخو يوم الأهوال مرحوم يالخياط سـقم المعادين ياراعي البندق وحامي بهـا الجال لعنيزة أوقفت البنادق هاك الحين ومن السيوف سـلاح رجلي وخيال (عبدالله عتيق العدوان)

فن الكسرة 🗡️ طعنتن بسـيفك المسمـوم واربـع شـبـاري وجـنـبـيـة شنيت حرب ٍ على المظلوم وارسـلـت غـارات حـربـيـة (عبدالله عتيق العدوان)

ألعابنا في زمان ٍفات يازينه شوفوا هل الصين تلعبها تقلدها دنانةٍ نَلحقه والصـيخ لاويـنه والبَعّه الّي ضربها الحِدِل شدّدها والطـاق طاقيه امخباه ومخْفِينه والشاطر الّي يدورها وحـدّدها الله يازين وقت ٍفات وسنينه ألعابنا وسـط حـارتنا نردّدها عبدالله عتيق العدوان

لغز مطروح لعشاق الألغاز الشعرية

لغز مطروح لعشاق الألغاز الشعرية

قصيدة شموخ عنيزة للشاعر عبدالله عتيق العدوان

رسمة قديمة للرسام عبدالله عتيق العدوان تم تحريكها بالذكاء الإصطناعي

( رجال في تاريخ عنيزة ) مقطع فيديو (عنيزة شعاع الشمس ) يوضح تاريخ عنيزة بين الماضي والحاضر مع الشكر والتقدير لكل من ساهم بهذا العمل الرائع ——————————————— لعنيزة الفيحـاء شمـوخ ٍمن سنين يشهد لهـا التاريخ مع كل الأجـيال لاجـيـتـهـا تلـقى رجـال ٍ كريمـين اهـل المروءه والشهامه والأقـبال باريس نجـد ولقـبـوهـا المحـبين ام ٍلنـا وام ٍلنـجـد أرض الأبـطـال هي ديرة الفيحاءهل العلم والدين ارض الحـضارة والتقـدم بالأميـال الرائـده والـفـائـزه بالـمـيـايـديـن وقت البطوله والتنافـس بالأعمال (عبدالله عتيق العدوان)

( قصة وابيات ) لا تحـرج البايع المـسكين وقـت القوايل وهي حـرّاء هذي السنه جحنا يقطين النفس شينه وهي قشراء بالسوق فـيه الحلا والزّين وسط المباسط مهب براء لاتشـري إلا على السـكين ولاتاخذ اللي مهب حمراء (عبدالله عتيق العدوان)

لغز مطروح لعشاق الألغاز الشعرية