أبو وسام 🎶

للأسف أسهل شي عم يستخدموه بعض الفنانين المصريين هو اللعب على وتر جهل العامة لكسب التعاطف والشعبية، بس يلي أثبتته التجارب إن هالطريقة حتى لو بتنجح بالبداية، غالبا بتعود بنتائج سلبية جدا على صاحبها على المدى البعيد! مثلا قبل فترة الفنان محمد سلام (انا بحبه كتير على فكرة) عمل قلق كبير واعتذر عن المشاركة بمسرحية في المملكة العربية السعودية بفيديو نشره قبل يوم ونصف فقط من موعد العرض، بحجة التضامن مع غزة، وما اهتم إنه رح يخرب عمل فني مدفوع عليه ملايين ومشارك فيه كل زملائه وأصدقائه. طيب التضامن ما بيصير إلا لما الناس توقف أشغالها؟ واللي ما بيوقف شغله بصير خاين؟ طبعا نتيجة هالتصرف الناس هاجمت بقوة كل زملاء محمد سلام اللي ما اعتذروا متله، وخونوهم وشتموهم وحاربوهم، وحاليا نفس الناس زعلانة لأنه ليه محمد سلام عم يحاربوه وما حدا عم يرضى يشغله لأنه شريف؟ 😁 مع العلم إن إخواننا بغزة لسا وضعهم متل ما كان ويمكن أسوأ، طيب شو اللي تغير؟ ليه بده يرجع يشتغل هلأ؟ أو ليه صار الشغل حلال هلأ بعد ما كان غلط من قبل؟ نفس الأمر عم يكرره هالأيام الفنان أحمد فلوكس، اللي سبق وانسجن بقضية مخدرات، بعد ما دعاه محمد رمضان للمشاركة كضيف بمسلسله الجديد. فصرح أحمد فلوكس على السوشيال ميديا إنه بده 100 مليون جنيه أجر عن المشهد، ورح يتبرع بالمبلغ لضحايا حادثة القطار الأخيرة بمصر. وللأسف بدل ما المصريين يمسحوا فيه الأرض بسبب محاولته استغلال دماء الضحايا لكسب التعاطف والشهرة، صاروا يطبلوله ويقولوا عنه راجل وابن راجل 🤣 ظاهرة اللعب على جهل العامة ما بتفشل أبدا في مصر! نحنا عنا بسوريا ماكتير بتنجح هي الظاهرة في فنان درجة رابعة ب . د 😁 حاول يستغل هي النظرية بسوريا ويلعب على قصة جهل العامة قبل مايسقط النظام كان يطلع يقول الفن عيب ووسط سيء وفي بلاوي ومن هالحكي ، وبعد ماسقط النظام عمل حاله اكبر ثائر بالبلد مع انه هو اكبر كتّيب تقارير بالبلد 🤣 ، بس عنا الشعب ( وهاد الغريب الحقيقة ) لفظه سابقا وماتقبل كلامه ولفظه حالياً وايضا ماتقبله.