𝙉𝙏𝘼𝙒𝙐𝙍𝙐𝙃𝙐𝙉𝙂𝘼 𝘼𝘽𝘿𝙐𝙇 𝙈𝘼𝘿𝙅𝙄D

Ibiganiro k’ubumwe n’ubudaheranwa by’abanyarwanda bigeze mu Karere ka Huye hahuriye Uturere twa Huye, Nyanza na Gisagara. Ni Uturere dufite amateka ashaririye yanagaragariye mu bukana bwa jenoside yahakorewe. 1) Utu Turere nitwo twiganjemo ubwinshi bw’abahamijwe n’inkiko Gacaca uruhare muri jenoside yakorewe Abatutsi. Huye ni iya 1 mu gihugu ifite 81.126, Nyanza ni iya 2 ifite 68.566, Gisagara ni iya 3 ifite 63.200. 2) Mu bushakashatsi ku bumwe n’ubudaheranwa bwakozwe na MINUBUMWE (2025) Nyanza ihiga utu Turere ku mwanya wa 4. Gisagara iza kua 26 naho Huye kuwa 28. 3) Mu 1959: Huye, Gisagara na Nyanza ni Uturere twatangirijwemo politiki itanya Abanyarwanda hatangazwa na Kayibanda ishingwa rya PARMEHUTU tariki 25 nzeri 1959. Kayibanda yari yahuye na Yozefu Habyarimana Gitera muri Hôtel Faucon, ahava ajya muri mitingi ya APROSOMA i Ngoma atangaza uburozi yise « Amategeko 10 y’Abahutu ». Jenoside ya rurangiza yakorewe Abatutsi muri mata - nyakanga 1994 ni umusaruro mubisha w’imbuto y’irondabwoko ryatangijwe kandi ryigishwa na PARMEHUTU, APROSOMA, MRND, CDR mu myaka 35 (1959-1994). Mu myaka 32 ishize jenoside yakorewe Abatutsi ihagaritswe u Rwanda tugeze ku gipimo cyiza cyane cy’ubumwe n’ubudaheranwa cya 95,3%. Tugomba guhora dusuzuma ahabi u Rwanda rwakuwe na FPR-INKOTANYI rukaba u Rwanda rwa Twese aho kuba u Rwanda rwa Gahutu nkuko PARMEHUTU, APROSOMA, MRND, CDR na Hutu pawa yose yabyamamazaga. Tugomba kumenya ibyashenye u Rwanda, tugahora tubyirinda kugira ngo hatazagira utinyuka kurota kurusenya hari abareba n’ababarebera. Tugomba guhora turutetesha, rugahora rurese. Murakabaho.