ياغاية الحُب عين الحُب طمّاعه
بالوسط وعيون شوقي ما تخالفها
والقلب لا غبت عنّي يصعب إقناعه
بأسباب بُعدك وحتى ان كان شايفها
يا أجمل حكايات شعري وقمة ابداعه
ياكل مشاعر حروف الشعر توصفها
واروى حكايه عيون القلب والساعه
يا أغلى وأحلى ثواني العمر والطفها🤍
معك بالدنيا وأبيع البشر وأشريك
أنا يمينك لو الدنيا وأهلها يخلونك
أحبك ولا ياخذك عن حبي التشكيك
ألا يا كبر حبك ويا مصغر طعونك
لا يطري على بالك ولا تفكر أخليك
لو الوقت يجبرنا وعني يحدونك
لك حبيب من كبر قدرك ما يسمع فيك
ما يبي يعيش هالحياة من دونك🤍
محبتك لو هي على حافة الموت
والله ماضيعها ولا يضيع حبك
اسمك بوسط القلب غالي ومنحوت
والروح ماتبغى هوا غير قربك
روحك جميله كنها صيف بيروت
وروحي ما تبغى درب الا دربك
انا ماشوفك غير نجمه وياقوت
وانت الذي ماغير قلبي يحبك🤍
أشوفك سحابٍ في مجيّه حيا وأمطار
وأشوفك مجي القوم والحرب والسلّه
و أشوفك نهارٍ ما توارى عن الأنظار
ياعنّك إني أفضّل شموسه على ظلّه
تعال إن بدا لك في دروبي ضحى وديار
هذا الصدر مرتع و أنت خابره و تدله
وخذ أول شبابي عمر لا شحّت الاعمار
و إذا كان مايكفي ؟ فداك العمر كله🤍
لا ياخذك بيّ الظن والشكّ والريبه
وأنا أسمى من على هالدنيا مرّك
أنا اللي لو أحتالت دنيتك الغريبه
شرّعت حضني وقلت قلبي مقرّك
أحبك وأحبك لو هي علي ضريبه
مستعد أضم فيك خيرك وشرّك🤍
يا شعور السكينة في صلاة المصلي
يا طمأنينة الأنفس .. وما تحتويها
يا أعذب من البراءة وأطهر من التسلي
صدفةٍ جابتك ودّي أقبل يديها
كيف أخليك ؟ وأنت وهبة المعطي اللي
لا عطى ما يهمه حمد من يقتنيها
لو تولّي السنين ،، مُحبّتك ما تولّي
لين ما الله يرث الأرض واللي عليها :)
اللهم عوّض أخي عن كل أمنيةٍ لم يبلغها في الدنيا، وعن كل طريقٍ لم يُكمله
وعن كل فرحةٍ توقفت قبله — نعيمٍ لا ينقطع
ورضوانٍ لا يزُول وفردوسٍ أعلى من كل ما تمنيناه له و جميع المُسلمين .