ألِف

فيه وحده اعرفها حياتها كلها عباره عن دوام بيت مافي ولاشيء غيره تسويه ما اكذب بس هالشيئين حياتها ولا عندها صديقات ولا نشاطات ولا تدرس ولا متزوجه ولاشيء قسم بالله اخاف منها وشردت منها لان مستحيل انسان طبيعي يقدر يعيش كذا يا ان عنده عالم اخر او انه جني مو انسان

بعيد عن المخيمات والاستراحات وجمعات الحمولة الأسبوعية .. عطونا اقتراحات فعالة لكيفية اجتماع الاخوان والاخوات المتزوجين بدون زعل زوجات العيال ❓❓❓❓❓❓❓❓❓❓❓❓

من الخاص📩 السلام عليكم أنا بيني وبين زوجتي خلاف وهي الغلطانه نزلتها عند أهلها وبعد أسبوع الأم ارسلت لي تبغى تعرف الموضوع رديت عليها ابغى عمي يتواصل معي ويعرف غلط بنته ، للاسف ماتواصل معي وبعد شهر أخذت أبوي ورحت لهم على البيت وعلمته بكل شي غلط بنته وغلطه في تجاهلي انه مرسل عمتي تتواصل معي لحل مشكلتي ، المهم لقى كلامي كله صح ما قال الحق علينا وخذ زوجتك وروح للاسف طلب رضاوة ، رفضت الرضاوة ورحت وبعد شهر أرسلت شخص قريب له يتفاوض أني أبغى زوجتي بدون شروط " رضاوة " للاسف رد على الشخص برفع مبلغ الرضاوة دبل المبلغ الاول . س/ الأن ما ابغاهم أبغى مهري منهم كيف ؟ س/ هل اذا اتجهت للمحكمه أقدر اطلع بشي مفيد منهم ؟ ياليت تساعدوني .

وش الصفة اللي لو شفتها باللي قدامك تعرف ان طفولته كانت سيئة؟ انا احس اللي يعتمد دايم على نفسه و يرفض المساعدة💔

السلام عليكم ايش العبادات الي تخفف الحزن ؟ ايش الذكر الي ممكن اقوله ويخفف حزني ؟ بعيداً عن الدعاء والصلاه طبعاً هذول اجباري الصدقات ؟ او الزكاه؟ ايش ممكن اسويه يخفف حزني ؟

قد لا يعجب كلامي هذا كثيراً من الناس.. لكن سأقول رأيي بكل وضوح، وقد أكون مخطئاً. يحدثني بعض الآباء عن قلقهم على مستقبل بناتهم، خاصة مع انتشار حالات الطلاق من حولنا. ويكون ردي المباشر: تأكد من أن ابنتك قادرة على العيش بشكل مستقل مع الزواج او بدونه. وعندما أسمع عن فتاة تمت خطبتها وهي في بداية دراستها الجامعية، أشعر بشيء من القلق. دعونا نتفق أن لكل مرحلة استحقاقاتها. ومن أهم استحقاقات المرحلة الجامعية البناء المعرفي والمهاري، والاستعداد لدخول سوق العمل. وأي قرار قد يعيق تحقيق هذه الاستحقاقات يستحق أن نتوقف عنده ونسأل: من سيدفع ثمن هذا القرار؟ بعد 10 سنوات؟ الاستقلال المادي لا يعني أن نجعل الطلاق أسهل كما يعتقد بعض الناس بل هو مثل حزام الأمان: تضعه في كل رحلة، ولا تتمنى الحادث أبداً. أقول هذا وأنا أستحضر عشرات القصص التي مرت عليّ شخصياً، حين كنت أعمل طبيباً نفسياً، ثم مرشداً مهنياً. قصص لنساء وجدن أنفسهن فجأة أمام سوق عمل صعب، وبدون مؤهلات أو مهارات أو خبرات تساعدهن على تأمين دخل يكفيهن سؤال الآخرين والحاجة لهم. وما سمعته من بعضهن أمر يشيب له الولدان. لذا سأسألك سؤالاً واحداً: - هل ابنتك قادرة اليوم على أن تعيش مستقلة، دون الاعتماد على زوجها؟ إذا كانت الإجابة نعم، فقد قدمت لها واحداً من أهم أشكال الرعاية الأبوية. وإن كانت لا، فهذا هو الملف الذي يستحق قلقك فعلاً #الإرشاد_المهني #ياسر_بكار #مهنيات

من الخاص أنا تطلّقت من زوجي من 5 سنين، وكان الطلاق بطلب مني لأسباب كثيرة، أهمها إنه كان يخونني، وللحين مو ندمانة على قراري. بعد الطلاق سافر، وانقطعت أخباره عني، حتى مصاريف بناتي يحوّلونها لي من حساب أخته، وإذا احتجت أي شي أتواصل معها. ومن يوم ما سافر، إخوانه متعودين ياخذون البنات كل يوم جمعة ويطلعون فيهم معهم ومع بناتهم، ويشترون لهم ملابس واحتياجاتهم. ودخّلوهم نفس مدرسة بناتهم، واشتركوا لهم في نفس النادي، وحتى وقت الاختبارات ياخذونهم يذاكرون مع بناتهم ويوفّرون لهم مدرسين. أنا مقدّرة جدًا إنهم يحبون بناتي وموفّرين لهم كل شي، وما قد شفت منهم أي إساءة لي أو للبنات، بالعكس، هم ناس طيبين جدًا وما قصّروا معنا أبدًا. لكن مشكلتي إني صرت أحس إن كل شي في حياة بناتي يصير من دون رأيي أو اختياري، حتى لو كان الشي في مصلحتهم. بناتي نفسهم تعلّقوا بعمّاتهم وجدّهم وبناتهم بشكل كبير، وصاروا ينتظرون يوم الجمعة بفارغ الصبر، وإذا مرّ اليوم وما راحوا لهم يزعلون. وأنا صرت أحس إني أفقد دوري كأم، وإن وجودي في حياتهم صار مقتصر على الأكل والشرب ورعايتهم وبس، بينما كل القرارات والطلعات والذكريات الحلوة يشاركون فيها أهل أبوهم أكثر مني. وصلت لمرحلة صرت أتعصّب على بناتي من دون سبب، وهم مو فاهمين وش فيني، وأنا عارفة إنهم ما لهم ذنب، وإن المشكلة في مشاعري أنا. أنا ما أبي أظلم عمّاتهم ولا أحرم بناتي من حبهم واهتمامهم، وبنفس الوقت مو عارفة كيف أرجّع لي دوري الحقيقي في حياتهم، وأحس إن لي كلمة ورأي في تربيتهم وقراراتهم، من دون ما أخسرهم أو أسبّب مشكلة بيني وبين أهل أبوهم. وش تنصحوني أسوي؟ وكيف أقدر أوازن بين إني أخلي بناتي يستمتعون بحب أهل أبوهم واهتمامهم، وبين إني أحافظ على مكاني ودوري كأم في حياتهم؟ أبي أسمع آراءكم، خصوصًا من اللي مرّوا بتجربة مشابهة ❤️