تطمني يا أعذب هوى وأطهر ثرى
في ظل قائدنا عسى الله ينصره
ولاؤنا ما فيه بيع ومشترى
في نفوسنا مزروع أعزّه وأندره
اليوم هذا يوم مردود البرا
ندك معقلهم ويصبح مقبره
من دون حد الدار يا الحوثي ترى
ما نعترف بالعفو عند المقدرة💚🇸🇦
اللي حمى البيت من جيش ابرهه قادر
يحميه بامره من الحوثي ومن غيره
والبيت دونه رجالٍ تردع الغادر
صولاتها بين تهليله ... وتكبيره🇸🇦💚
صحت نجد على صوت العويل ولجة الغربان
عوافي قربي منك الوسادة وأدخلي لحافك
كأنك ما تعودتي على التجريح والنكران
من اللي زادهم فيما مضى، من لحم أكتافك
متى يا قبلة الدنيا عرفتي الذل والحقران؟
ومنهو اللي تجرا يقهرك أو يكتف أكتافك
عليتي يا عماد الدين وجمرة شيمة الفرسان
كثير الظلم ما ضرك ولا هو سرنا إنصافك🇸🇦
19
2,141
إحذر تغش الناس لوكان غشوك
غادر بصمت وخل خاطرك صافي
والدرب خله سمح لاتزرعه شوك
يمكن يجيبك يوم .. وتمر حافي
1
27
3,506
الجو غيم وخابرك تعشق الغيم
ودايم تقول إن المطر لمة أحباب
غيرت بغيابك جميع المفاهيم
صار المطر يبكي على لحظة غياب
سلّيت سيفي في نحر كل لوّام
لأجل اكسبك .. لكن سلّيت سيفك
على الذي عنده على وصلك هيام
كنك تمنّى قلبه إنه يعيفك
تجي مثل الزحام وما تخلّي لضحكتي سيرة
سوى وجهك ليا منّه نفض برضاه تقصيري
تغيب و يستوي العالم معاي بشرّه وخيره
وأحس إن الهوى كذبة فضاها ملّ تأطيري
21
3,824
في السراجيف له عرشٍ وثيق متعلّي
فوق جال الضلوع العوج قلب مهايف
ناعسات العيون اللي هدبها مظلّي
لوّعت قلبي المبلي عذاب وحسايف
1
10
4,028
لك غيمي وصفوي وسلمي وحربي
ولي بال مثقل بين حجة وتخمين
وشلون تنشد عن علامات حبي؟
وأنت أمسي وباكر وبعده والحين
طاحت من عيون الليال طموحات
واشتد برد .. ولاح للشوق بارق
كن الشتا مخلوق للحب بالذات
وكن الفصول الباقية للمفارق
21
3,889
راجع شتاك .. وراجعه معه الأيام
اللي دفاها يستحق المعيشة
قد قلت لك مرة أبنساك .. وأنام
بنسى ليال الحب وأهدّ طيشه
لكن أنا يا صاحبي لي خمسة اعوام
كل برد أفتح لإنتظارك دريشة
38
5,828
















