Andy Samir

لما بسمع حوارات فنانين زمان. كم الثقافة والرقى والرؤية والاراء فى كل ما يخص المجتمع. على سبيل المثال لا الحصر لان حرفيا ماكنش فى فنان واحد مش مثقف. الناس تعمل سيرش عن حوار دار بين عبدالوارث عسر والاديب العالمى نجيب محفوظ. مناقشة بين تحويل الرواية لعمل سينمائي وان احياناً الافلام مش بتعبر بشكل كافى عنّ رؤية الكاتب فى الروايات. تبص على اتنين مفترض يقال عنهم انهم فنانين حاليا وهما الاعلى اجر. تشوف شكل الشرشحة والسوقية للاتنين على السوشيال ميديا وتسال نفسك ازاى وامتى. نفس بلد عبدالوارث عسر ونجيب محفوظ اتحولت لكدة؟ الانحدار الرهيب ده سببه ايه بالظبط وازاى البلد اتبدلت كدة فى كل المجالات

لسة متفرج على squid game

تصريح محترم من على ماهر واتمنى يبعد عن لجان ناديه وربنا يوفقك

بحسب البيان فى عروض اتقدمت فعلاً لنادى الزمالك فى الاستثمار بشركة الكورة وده عكس المتداول إعلاميا طول الفترة إلى فاتت كويس البيان ومخاطبة الجمهور فى خطوة تاريخية زى شركة الكورة ضرورة.

إعلام / لجان الاهلى ولا فارق ليهم حسام حسن ولا فارق ليهم منتخب. وهما نفسهم متاكدين ان صلاح مش سبب رحيل حسام حسن عن المنتخب وعلى فكرة جزء كبير منهم أصلا ماكنش عنده مشكلة مع رحيل حسام عن المنتخب بعد تصريحاته عن الشناوى هما عندهم مشكلة مع صلاح حقيقية ان اهم نجم فى تاريخ البلد مش اهلاوى. دى حقيقى مسببة ليهم مشكلة كبيرة. الموضوع مش وليد اليوم لكن هما بيتعمدوا اختلاق معارك وهمية عشان يخرجوا شحنة الغضب دى. والموضوع مش مقتصر على اعلامهم ولجانهم. مدير الكورة الحالى بالاهلى وقت وجوده فى بين سبورت كان دايماً بيصرح ان تريزيجيه هو نجم المنتخب الاول مش صلاح. فالعقدة شبه طايلة كل عناصر النادى ده. والهجمة "المنظمة" بتعليمات ليهم ضد محمد صلاح مش على سبيل الصدفة لكن هما عارفين ان صلاح اكبر من ناديهم فى كل شىء. اكبر شعبية وقيمة ونجاح. صلاح بالنسبة للمصرى العادى هو الشاب إلى حقق نجاح بدون اى واسطة. على طموح الشباب فى حتى مجالات مختلفة بعيد عن الرياضة. المصريين حتى غير المعنين بالرياضة عندهم صلاح حاجة كبيرة جداً طبعاً ناهيك عن شعبية صلاح واسمه على مستوى العالم. وهو بدون ادنى شك اشهر مصرى فى التاريخ الحديث فى كل المجالات كل ده يعرفك ان لو استمروا فى النباح من هنا لاخر العمر فالمحصلة واحدة. هما اقل من انهم يهزوا شعرة فى راس الاسطورة محمد صلاح وده كمان إلى مسبب ليهم تعب اضافى.

لسة حد عنده شك ان الحملات إلى بتحصل على صلاح من الاهلى وإعلامه سببها ان اعظم لاعب فى تاريخ البلد مش اهلاوى وده إلى مسبب ليهم جنان وان كل فترة هيستغلوا اى حدث عشان يطلعوا غلهم بالشكل إلى احنا شايفينه ده

صلاح ميعملش خير ويشترى الاهلى ويعمله مساكن للشباب او اى حاجة مفيدة ويكسب فينا خير انه يرحمنا من الاشكال دى وفى نفس الوقت يشوفوا شغلانة محترمة

المضحك فى الموضوع ان طمان واصحابه والعيال بتاعت جمال جبر مفكرين ان صلاح شايفهم اساسا وفى موقف انه يرد ويبرر عليهم ميعرفوش ان صلاح لو عايز يقفل ناديهم نفسه وهو سايب ايده هيعمل كدة

صفقة الحلم غير المكتمل

والله حصل ده لو الواحد بقى بيشوف مورستان على السوشيال ميديا

اعتقد على ماهر اقل cv درب منتخب مصر سواء مصريين او اجانب يعنى لما تبص على حسام حسن. حسام كلاعب كان نجم تاريخى لمنتخب مصر ومدرب درب الزمالك وقدم موسمين افضل ما يكون رغم انه محققش بطولة لكن انتشل الزمالك من مراكز الهبوط ونافس اقوى نسخة للاهلى فى تاريخه وكان اقرب لدورى على الاقل فى الموسمين لولا تحكيم مشبوه بامتياز. درب الاسماعيلى ودرب المصرى وحقق مع المصرى افضل سنواته لدرجة انه صعدهم للكونفدرالية ووصلهم سيمى فاينال كمان وفرض المصرى كواحد من رباعى القمة فى مصر ودرب منتخب الاردن ولعب ماتش فاصل ع التاهل لكاس العالم لولا حظه انه وقع ضد أوروجواى فى اقوى أوقاتها كمان وقت كافانى حسام البدرى يمكن من افضل المدربين الى دربوا الاهلى والراجل حتى معظم رحلاته نجاح اخرها حاليا فى ليبيا ايهاب جلال الله يرحمه وصل المقاصة دورى ابطال أفريقيا فى انجاز مش هيتحقق تانى. درب الزمالك ودرب الاسماعيلى شوقى غريب له ارث كبير مع منتخب الشباب وكراجل تانى مع حسن شحاتة المدرب المصرى الانجح مع الجوهرى الله يرحمه فلما تبص على مشوار على ماهر هتلاقيه حرفياً اقل من اى مصرى تولى منتخب مصر مش هتكلم على الاجانب. اكبر ناديين دربهم المصرى وسيراميكا لم يتولى تدريب نادى قمة كمدير فنى وهو لاعب ماكنش لاعب كبير ولا يتصنف دولى اختيار عجيب جداً يدل ان الرياضة بتدار بالعلاقات فقط لا غير لان بعيد عن اى انتماء او مشاعر مفيش شخص بالcv ده يتولى تدريب منتخب مصر إلا لو الموضوع بشكل موقت وده بعيد عن انى شايف ان حسام حسن هو الى وصل نفسه للنقطة دى ولم يظلم بالرحيل

الواحد نفسه رايحة يرجع يتابع هارى بوتر زى زمان