من الخاص💰 السلام عليكم ايش تنصحوني بشي اسويه او احط اي مبلغ فيه. يجبلي اقل شي ٥٠ ريال يومياً

من الخاص 💰 انا فاتح متجر الكتروني ابيع فيه عطور والحمدلله الطلبات ماشيه الشهر اللي راح بعت بحدود 70,000 الف ريال تقريبا وكنت احسب اني بطلع بمبلغ حلو لكن يوم حسبت اللي دفعته على الاعلانات والشحن والمرتجعات وتكلفة العطور اكتشفت ان ربحي كله 10500 ريال بس المشكله اذا وقفت الاعلانات توقف البيع واذا شغلتها راحت اغلب الارباح صار لي 8 شهور على هالوضع وكل اللي يدخل ارجع اصرفه على المتجر الحين ودي اعرف من اصحاب المتاجر هل انا قاعد اشتغل غلط ولا هذا وضع التجاره الالكترونيه بالبدايه؟ وش الحل عشان تزيد ارباحي بدل ما اكون طول الشهر ابيع وبالاخير ما استفيد شي؟

من الخاص💰 عندي محل قطع غيار سيارات لي سنتين فاتحه والحمدلله البيع ماشي مبيعاتي بالشهر حول 180 الف واحيانا اكثر بس اللي مجنني ان اخر الشهر ما يبقى لي الا 11 الاف عندي 4 عمال رواتبهم 11 الف ايجار المحل 7 الاف مدري انا ما عرفت احسب ارباحي صح ولا فيه شي غلط بالمحل. اللي عنده محل قطع غيار يعلمني هل الصافي من المبيعات طبيعي او فيه خلل عندي؟

من الخاص💰 السلام عليكم حابة أتكلم عن موضوع مهم وآخذ آراءكم. أنا موظفة وراتبي 3500 ريال، وعقدي باقي فيه تقريبًا 6 شهور، وجاني عرض وظيفي من شركة ثانية براتب 10,000 ريال، ومستعدين يتحملون تعويض إنهاء عقدي الحالي. المشكلة إن شركتي الحالية رافضين خروجي ومتمسكين فيني، وكل ما طلبت أطلع يقولون إن الشركة ما تقدر تستغني عني، وصرت أعيش ضغوط كبيرة بسبب محاولاتهم إني أستمر معهم بالكلام العاطفي. أنا مقدّرة احتياجهم لي، لكن عندي مستقبلي والتزاماتي المادية، والفرق بالراتب كبير جدًا. سؤالي: لو أنتم مكاني، تختارون مصلحتكم وتنتقلون للوظيفة الجديدة، أو تراعون الشركة الحالية على حساب فرصة ممكن تغيّر وضعكم المادي؟ وهل أنا غلطانة إذا اخترت مستقبلي؟

من الخاص💰 عندي مليون و 500 الف بحطها باراضي وين تنصحوني او في شي افضل انصحوني جزاك الله خير

من الخاص💰 جاني عرض وظيفي بالجبيل براتب ١٥٥٠٠ غير بدل السكن والتأمين الطبي وانا حاليا موظف بالرياض من ٥ سنوات وراتبي ٨٤٠٠ ومرتاح بشغلي المشكله اني متزوج وعندي طفلين وزوجتي موظفه بالرياض وما تقدر تنقل معي والله من جاني العرض وانا محتار فرق الراتب كبير وبيغير وضعي المادي بس بنفس الوقت صعب علي اكون بعيد عن زوجتي وعيالي طول الاسبوع وش رايكم يا اخوان يستاهل الراتب اني اتغرب عن عيالي ولا اكنسل الموضوع من اساسه؟

من الخاص💰 عندي مطعم بخاري له سنتين والحمدلله الزباين ما يوقفون والمبيعات توصل باليوم من 3500 ريال الى 4000ريال بس والله مدري وين تروح الفلوس اخر الشهر ما يصفى لي الا حدود 7 الاف عندي 6 عمال رواتبهم 14 الف الايجار 6 الاف بالشهر يعني المبيعات بالشهر تتعدى 100 الف وبالاخير ما اشوف ربح يسوى يا اهل المطاعم هل هالشي طبيعي ولا عندي خلل بالمصاريف؟ وكم المفروض يصفى من مطعم مبيعاته كذا؟

من الخاص💰 السلام عليكم راتبي 15123 سويت شراء مديونيه لاكثر من منتج بمبلغ 266000 القسط 5040 هل بامكاني اخذ تمويل اخر حدود 15000 من بنك اخر بدون تحويل الراتب

من الخاص💰 هل يشملني القرار الأجر الأساسي : 3,000.00 ريال بدل السكن الشهري : 1,000.00 ريال العمولات الشهرية : 0.00 ريال بدلات أخرى : 0.00 ريال إجمالي الأجر : 4,000.00 ريال الأجر الخاضع للاشتراك الأجر الخاضع للاشتراك : 4,000.00 ريال تفاصيل الاشتراك الأخطار المهنية (0%) : 0.00 ريال التعطل عن العمل - ساند (0.75%) : 60.00 ريال المعاشات (9%) : 360.00 ريال للمعلوميه أنا يوم قدمت عليهم طلبو من شهادة ذوي الاعاقه وتقرير والخ هل يشملني القرار أتمنى احد يفيدني 🙏🏻❤️❤️