Б.Батболд

С.Будрагчаа: БНХАУ-ын иргэн Ли Сяомин нэг ч төгрөгийн хөрөнгө оруулалт хийгээгүй гэж удаа дараа худал донгосоод байх юм‼️ Хэрвээ та бүхэн миний нэвтрүүлгийг анхааралтай ажигласан бол БОЛД ТӨМӨР ЕРӨӨ ГОЛ ХХК-ийн Голомт банкин дахь 1102793381 дугаартай данс руу 1,830,000$ -ийн хөрөнгө оруулалт орж буй баримтын дүрс гарч байгаа биз дээ‼️

Монгол Улсын төмрийн хүдрийн ордод эзэн сууж, үе үеийн ЗГ-т дархлагдсан нэгэн сайд байдаг нь Зам тээврийн сайд Дэлгэрсайхан. Алтан нөж атгаж төрсөн мэт хур баян Дэлгэрсайханыг чухам ямар замаар Сэлэнгэ аймгийн Хүдэр суманд байрлах төмрийн хүдрийн ордод эзэн суусныг олон нийт тэр бүр мэддэггүй. Монгол Улсын төсвийн хөрөнгөөр Монгол Улсын геологичдын илрүүлж байсан төмрийн хүрдийн ордыг овжин сэргэлэн Дэлгэрсайхан өөрийн болгоод өнөөдрийн түвшинд хүрсэн. Компаниа байгуулахдаа хятад хөрөнгө оруулагчаа замаасаа зайлуулж, хулхидсан гэдэг мэдээлэл шуугиан тарьж байна. Түүнд итгэж хөрөнгө оруулаад хохирсон гэх Ли Шо Мин Монголын төрд хандаж, өмгөөлөгчөөрөө дамжуулан ХМХ-ээр асуудлыг дэлгээд байна аа. Нэгэн цагт Дэлгэрсайханы бизнесийн хамтрагч байсан Ли Шо Мин 2006 онд Болд Төмөр ерөө гол компанийн үйлдвэр, төмөр замын бүтээн байгуулалтыг дайн босоход хөрөнгө оруулж эхэлсэн бөгөөд нэг л өдөр хөрөнгө оруулагчийн статусаа алдаж, Дэлгэрсайхан шахагдсанаар олон жил үргэлжилсэн шүүхийн маргаан эхэлжээ.

Б.ДЭЛГЭРСАЙХАН САЙД АА, ИРГЭДЭД ИЛ ТОД ХАРИУЛТ ӨГНӨ ҮҮ! Бээжингийн арбитрын шүүх дээр ялсан, 3000 вагоныг өөрийн хөрөнгөөр худалдаж авсан гэж та ярьлаа. Тэгвэл олон нийтийн өмнө дараах асуултад тодорхой хариулна уу! 1. 3000 вагон хаанаас гарч ирсэн бэ? Нэг бүрийн үнэ, нийт худалдан авалтын өртөг хэд байсан бэ? Хувийн хөрөнгөөр авсан гэдгээ банкны шилжүүлэг, худалдан авах гэрээгээр нотолж чадах уу? Хувийн хөрөнгө гэдэг нь яг ямар эх үүсвэртэй мөнгө вэ? 2. Хятадын хөрөнгө оруулагчтай холбоотой маргаан юу болсон бэ? Ли Шаомин болон Хятадын санхүүгийн байгууллагуудтай холбоотой маргааны бодит нөхцөл юу вэ? Нэхэмжилсэн мөнгө, арбитрын шийдвэр, төлбөрийн үүргийн талаар баримттай тайлбар өгнө үү! 3. “Арбитрт ялсан” гэдэг нь яг юу гэсэн үг вэ? Та өөрийнхөө амаар 2 хоногийн өмнө Бээжингийн арбитрын шүүх дээр 3 удаа ялсан гэж хэлсэн. Гэтэл өнөөдөр 2 удаа ялсан гэж хэллээ. Арбитрын байгууллагын нэр, хэргийн дугаар, шийдвэрийн огноо, шийдвэрийн бүрэн эхийг нийтэд ил болгоно уу. Ямар шаардлагыг бүрэн, ямар шаардлагыг хэсэгчлэн хэрэгсэхгүй болгосон бэ? 4. Таны хөрөнгийн эх үүсвэрийг иргэд яагаад асууж болохгүй гэж? Төрийн өндөр албан тушаал хашиж байгаа хүн бизнесийн хөрөнгө, хувьцаа эзэмшил, зээл, өр төлбөрийнхөө талаар хуульд нийцүүлэн тайлбарлах ёстой. Хөрөнгө орлогын мэдүүлэг болон компанийн санхүүгийн мэдээллээ хооронд нь тулгаж шалгуулахад бэлэн үү??? 5. Хамгийн гол нь баримтаа гаргаж тавина уу! “Би ялсан”, “би өөрийн мөнгөөр авсан” гэж бардамнах чинь хангалтгүй мэдээлэл. Шүүхийн шийдвэр, худалдан авалтын гэрээ, санхүүжилтийн эх үүсвэр, өмчлөлийн бүртгэл зэргээр баталж өгнө үү! Төрийн албан тушаал бол хувийн халдашгүй байдал биш. Төрийн өндөр албан тушаалтнаас асуулт асуух нь иргэдийн эрх, ил тод хариулт өгөх нь олон нийтийн өмнө хүлээх хариуцлага шүү!!! Б.Дэлгэрсайхан сайд аа, та тийм цэвэр ариун хөдөлмөрч хүн юм бол дээрх асуултад тодорхой, баримттай хариулчихаарай!!! Бас төрийн сайд ухаантай юм бол ажлаа хийж яваа сэтгүүлчийг п.зда-гаар нь дуудаж харааж, шоронд хийнэ гэж заналхийлж, эрх мэдлээ урвуулан ашиглах, өш хонзонгийн сэдлээр сэтгүүлчийг яллуулах чинь өөрөө асар том ёс зүйгүй үйлдэл бөгөөд гэмт хэрэг гэдгийг хатуу санаарай!!!