AhmadAA

لن نسمح ابداً بظهور عبدول الأوروبي   اجتمع ممثلي آلهة الاجرام الشرق اوسطيين في ام ظبي ،، ممثل مصر وممثل إسرائيل والمستضيف طبعاً ممثل شيطان العرب ،، عنوان وحيد كان مطروحاً لشدة خطورته : لن نسمح ابداً بظهور عبدول الأوروبي ،، يجب ان نتحرك سريعاً في اوروبا ،، المشكلة فين ،، سمعة إسرائيل في الحضيض ومفيش حد قابل يسمع منها حاجة ولا ينفذلهاطلب خوفاً من الشعوب اللي بتتحكم في صندوق الانتخابات ،، والامارات قطعت الطريق ده لسنوات طويلة اوروبياً وصرفت مئات الملايين في اوروبا ،، اشترت برلمانيين وصحفيين ومراكز أبحاث لتحاصر المسلمين في أوروبا وتشوههم وتلصق بهم تهم الإرهاب لكن اللعبة الإماراتية اتفضحت اوروبياً بعد عناء شديد ،، فخلينا نبدأ بالأقل تشويهاً ،، مصر السيسي ،، أي نعم مصر السيسي انكشفت في بريطانيا وهولندا لكن تبقى سمعتها احسن بالمقارنة بالامارات وإسرائيل ،، فكان القرار محكمة الجنايات المصرية بأدراج 35 كيان إسلامي في أوروبا و 36 شخص على قائمتي الكيانات الإرهابية والإرهابيين ،، ايه الهدف الخبيث ،، نكون سابقين بخطوة لمحاولة قطع الطريق على المسلمين في أوروبا في ترشحهم للمجالس النيابية او المناصب السياسية ،، تم رصد الجمعيات الأكثر نشاطاً والأشخاص الأكثر حضوراً وادراجها مصرياً في حملة تقف خلفها إسرائيل وظلها الاماراتي ،، قوم لما شخص يترشح نبقى مستعدين بالحملة الممنهجة لوصمه بالإرهاب وارتباطه بمؤسسات إرهابية إسلامية ،، وحتى لو الشخص من خارج الدائرة التي تم تصنيفها ،، مش هيبقى صعب ان احنا نجد خيط او خيوط تربطه بتلك المؤسسات التي يتفاعل معها الغالبية العظمى من المهاجرين المسلمين   وهنا بيت القصيد ،، المعركة دي مش معركة أسماء ولا قوائم،، المعركة الحقيقية على حق المسلم الأوروبي إنه يقف في الصف زي أي مواطن، ويترشح، وينتخب، ويتكلم بصوته هو، مش بصوت حد قرر مسبقاً إنه يكتم صوته ،، اللي بيتحرك بالشكل ده في الظلام بيخاف من حاجة واحدة بس،، الوعي ،، بيخاف من جيل أوروبي مسلم عارف حقوقه وعارف إيه اللي بيتحاك ضده وفاهم إن الورقة اللي بتتحط في صندوق الانتخابات أقوى من ملايين اتصرفت على سماسرة وإعلام وأبحاث مدفوعة ،،    الحملات الممنهجة ممكن تنجح مع ناس نايمة ،، لكنهابتفشل أمام ناس صاحية ،، وكل خطة بتتفضح قبل ماتتنفذ بتفقد نصف قوتها ،، ولذلك دورنا النهارده إننا نفضح اللعبة قبل ما تبدأ ،، ونقول بصوت واضح ،، لعبتكم مفضوحة ،، والقطار غادر المحطة وبالمناسبة ،، مفيهوش فرامل   الله غالب