حضرة وزيرة التّربية ريما كرامي، حضرتك عايشة معنا ع نفس الكوكب أو بزُحَل مثلاً؟ كيف يعني مصرّة على إجراء الامتحانات الرّسميّة بظلّ وضع أمنيّ مرعب وخطير؟ كيف يعني مصرّة تعرّضي حياة التّلامذة للخطر فقط لتقويم كلامِك؟" (ولمعلوماتِك في عيلة مؤلّفة من بيّ وبنت وخيّها، من القليعة، استشهدت نتيجة قرارِك هيدا!) كيف يعني بتلغي إمتحانات البروفيه وبتتركي إمتحانات الباكالوريا؟ ليش مش الأسباب الموجبة لإلغاء البروفيه (من الحرب والخطر الأمنيّ للنّزوح واكتظاظ المدارس بالأهالي الهاربين من الموت والقصف) هيّي نفسها الأسباب والأخطار اللّي بتنطبق ع تلامذة الباكالوريا؟ قلتِ من كم يوم، بآخر إبداعاتِك الكلاميّة، إنّو خيِّك (مستشارك القانوني بوزارة التّربية) منّو خيِّك بسّ مساقب إنّو خيِّك ... يمكن بنفس المنطق تبع حضرتِك لازم قلِّك كمان إنّو يبدو إنّو حضرتِك مش وزيرة تربية ولكن مساقب إنِّك وزيرة تربية ... للأسف!