Грофот од Македонија

Еве која е Алта Банка која влегува во Македонија. Банката која Вучуќ ја користи за перење пари и финансирање нелегални активности ја купува Стопанска Банка Битола. Санкционирана во Австрија, под истрага на ЕЦБ, со еден куп дубиозни операции низ цел Балкан. Мицкоски и официјално му овозможува на Вучиќ да пере пари во Македонија. Боќи Американац од АНБ дома е? Гледа ли што му се случува пред очи? Стани Боќи, излези од кафана и направи нешто добро за државава.

🚨Од извори блиски до НБРМ ексклузивно дознаваме дека нов главен извршен директор на Алта Банка во Македонија се очекува да биде поранешниот член на ИК на ВМРО ДПМНЕ, поранешен вицегувернер и една од најблиските соработнички за економија и финансии на Мицкоски, Маја Кадиевска Војновиќ. Кадиевска Војновиќ неодамна беше разрешена од позицијата член на надзорниот одбор на КИБС, а причината е поврзана со нејзиното можно назначување во Алта Банка Македонија. Во банкарските кругови во Македонија се шпекулира дека лично Мицкоски лобирал кај Вучиќ, Кадиевска Војновиќ да биде прв човек на Алта Банка во Македонија. Покрај ова, се очекува место во банката да се најде и за Наташа Савова и луѓето на Орце Камчев, со што Камчев покрај милионите, ќе го задржи и влијанието во банката. Нашите извори од НБРМ тврдат дека една од причините зошто Трајко Славевски станал гувернер на НБРМ е токму ветувањето кое го дал дека ќе се погрижи да нема никакви пречки за влезот на Алта Банка во Македонија. Се очекува Трале наскоро да си го одржи зборот и покрај сугестиите на професионалците во НБРМ да не се брза со одлуката, а најдобро и да се запре аквизицијата со цел Македонија да не биде ставена под лупа на европските финансиски авторитети. Всушност поставувајќи ги на клучни позиции во Алта Банка, овие луѓе блиски до Мицкоски и Камчев, Србија сака дефинитивно да добие клучно влијание во банкарскиот сектор во Македонија, а со тоа и во многу други процеси во нашата држава. Преку банката се очекува да бидат финансирани бизниси блиски до ВМРО со што Србија ќе ги втурне во уште поголеми коруптивни шеми раководните лица во партијата и владата, за полесно да ја остварува својата деструктивна агенда во Македонија. Во меѓувреме Боќи од АНБ спие или е во кафана, или е инструиран да молчи, бидејќи структури на АНБ многу добро знаат што се случува и која е цената што ќе ја плати државата од оваа операција. АР, која е првоповикана во случајов да го информира државниот врв за каква Банка станува збор е фактички непостоечка во оваа ситуација, бидејќи таа организација секако ја водат кафекуварка и секретарка и се очекува наскоро да згасне. Претседателката Давкова е на одмор во Вилата Билјана и нема никаков интерес да си ја врши својата работа, особено во делот на безбедноста, додека Горан Момировски, нејзиниот заменик шеф на Кабинет веќе шири лажни вести преку неговиот портал Експрес дека во Македонија влегува Банка, која е лидер во иновативноста, наместо да прочепка и види како главниот лик Давор Мацура од обичен сопственик на менувачница, со помош на СНС и Вучиќ станува еден од главните српски олигарси. Нејасно е дали познатиот Момировац ова го прави од глупост или се офајдил со нешто ситно како за него. Не толку одамна за Македонија се интересираа банки како ИНГ и Рафајзен, влез оствари Сосиете Женерал, а сега спаднавме на банки контролирани од Српската Напредна Странка и криминалната банда кај нашиот северен сосед. Македонија е лесен плен за структурите на Вучиќ пред се заради немањето никаков осет на Мицкоски и неговата тендерашка екипа за безбедноста на државата и стратешките насоки кон кои треба да се движиме. По влезот на српскиот телеком, ова ќе биде втор голем пробив на српски корозивен капитал во Македонија. За сите овие работи нема да напише ниеден медиум во Македонија бидејќи медиумскиот простор кај е под силно српско влијание. Господ нека ја чува Македонија, бидејќи тие што треба да ја чуваат ја раскрчмуваат и распродаваат за грст златници.