கார்த்திக்

அறிவுத் திருவிழா நடத்தி, எங்களைப் போன்ற வணிக நோக்கம் இல்லாத ஏராளமான பதிப்பகங்களைப் பங்கேற்க வைத்து, முற்போக்குப் பதிப்பகங்களின் புத்தகக் கண்காட்சியை நடத்தியது தி.மு.க. (2025 நவம்பர் 8) காலமெல்லாம் தி.மு.க.வுக்காகத் தெருத் தெருவாக வாக்கு சேகரிக்கிறோம். நூலகங்களுக்கு நூல்களைத் தேர்வு செய்யும் குழுக்களில் எமது தோழர்கள் சிலர் இடம் பெற்றும் உள்ளனர். 2000 ஆம் ஆண்டிலிருந்து தொடர்ந்து 26 ஆண்டுகளாக பெரியாரிய நூல்களை வெளியிட்டு வந்தாலும் இன்றுவரை ஒரு நூலைக் கூட கலைஞர் ஆட்சியிலோ, மு.க.ஸ்டாலின் ஆட்சியிலோ அரசு நூலகங்களுக்கு எந்த நூல்களையும் வாங்கியது இல்லை. எனது அப்பா 1949 ல் தி.மு.க. கிளையைத் தனது கிராமத்தில் தொடங்கியவர். அவர் ஒரு தமிழாசிரியர், பதிப்பாளர். எனது சித்தப்பா "கலைஞர் ஆற்றுப்படை", " அண்ணா பிள்ளைத் தமிழ்" எனும் சில நூல்களை எழுதி, பதிப்பித்தவர். இன்று வரை கலைஞர், அண்ணா பெயரில் வந்த அந்த மரபு இலக்கிய வகை நூல்களைக் கூட எந்த அரசும் வாங்கியதில்லை. தி.மு.க. ஆட்சியில் அக்கட்சி தொடங்கப்பட்ட 1949 லிருந்தே உழைத்துக் கொண்டிருக்கும் ஒரு OG தி.மு.க. குடும்பத்தின் நூல்கள் கடந்த 75 ஆண்டுகளில் ஒரு போதும் நூலகங்களுக்குப் போனதில்லை. ஊழல் என்பதைப் பிறகு பேசலாம். அரசு நூலக விதிகளுக்குப் பொருந்தாக எந்த நூலாக இருந்தாலும் - அது அண்ணா காலத்திலிருந்தே போராடிச் சிறைசெல்லும் தி.மு.க. காரனின் நூலாக இருந்தாலும் தி.மு.க. அரசு ஒரு சிறு சலுகை கூடக் காட்டாது, நேர்மையாகவே இயங்கும் என்பதற்கு நாங்களே சாட்சி. @Kaattaarru @Dravidarthalam @SFDravidians @dmk_youthwing