العفــري..

السلام عليكم ورحمة الله وبركاته العفري ومساء الشعر رتق نور الصباح ويركض الباكر عتيمه ميل عديمه كل هالاشياء الين تشوف محتاجه تعملق من كرم معطي رذاذ البن ريح الهيل حمس كل الوجوه اللي شرت من باب مزلاجه ولا مره قسم كتفه عديم الحمل قبل يشيل يفت الصبر ل كبود العزاز ويقرع الصاجه غضى ما رمد الكلمه ولا دفى غياب سهيل نسل حظن اللحاف وبدد اقواسي لوهاجه انا وجه الكفاف وعفة الباغي ل بذل الكيل بلغت من العمر منهك يمد الموت لعلاجه رتيب يعلم الفوضى صخب ساكت حداثة جيل تخضرم مرحلة حسه يطير ويألف ادراجه شجن يكرب على اوتاره ندا فجر وسما تهليل من اللي بالدجى يقدر يجيب الصبح لسراجه؟ اذا باقي انا (معروف)(والمعروف)سدرة سيل كريمٍ يستحي انه يرد الضحك ل حجاجه يخوفني دبيب النمل والصخره سواد الليل مع اني اعرف ان اللي خلقها يقضي الحاجه

الليل موحش والمعادي فريسه واللي يعاتبني على سطوتي من؟ شلفا محاضيبه خطاوي نسيسه تبى تروضني على خارطة كن بين الجروح اللي تجري حسيسه شفت الحياه المبغضه كل ما جن ملفى موالينه و روحي نفيسه صفراً على جال الجمر غيضها بن ابوي وقفني على جال كيسه من قبل ينبت في جمايه ولا سن اصحابي الباقين فرصه تعيسه اللي يحبك القاف ما قيل له غن واللي توغل وسط صحن الكنيسه صارت نهاياته هوس عن عن عن يرسل على عوج الحنايا رسيسه لين ام تاج تثور به بعد ما ظن

يا رفيقي وقوفي من وقوفي تعب عظم ساقي واعرفه ينكسر ما انثنى يا غريبه جدودك كل مفلح رطب واعتراك البواسل واتضاح السنا ما يليق انهزامك لو حنينك خضب كف شكله ليان ومدته من قنا لا تعاتب عيونك لو شفاهك عتب من يقدر جنابك ما يروم الخنا حبي اللي يعدك في مطالع كسب لو تثاكل ربوعك بعد كلمة جنا ما زهاه الف نعمٍ لو زهاه الذهب جيد ورثه طمان و سمعته ل الظنا النسب ما شريته بس اعرب نسب يكفي اني اعده قبل ما اقول انا جدلي كل عنوه غطرفي من قصب وارقصي لين يزهى فوق جيدك عنا

هب الجروح وجلجل الصفح لعذار هندم يتيم الفقد فرصه سعيده من قال لك تعزف وانا سرب شعار وابلغ فجوج الحزن واطلق قصيده يفور دم الهم والشعر ما فار واطوع الفكره ولو هي عنيده تعطي مخابيه من الفقر تجار و تمد يمنايه و عيني بعيده ابوي ما شفته على كثر ما صار يحسب مخاسيره ويذخر رصيده تهلل يدينه ليا شب له نار و يلبس المعروف حلة جديده يوم الرجال تصير بالوقت تذكار ميت وذكره بالمواقف يعيده ودك تحجب النور والنور قد طار حط القمر سلسال من طول جيده انا نتيجة خوف واحزان واضرار والحزن تحت القلب فوقه حديده

يا بحر غض طرفك لين ما اقول سيل فوق خدك سحابه بس صبري زجى مقترف ذنب قلبي و اغتسل فيه نيل و اغلبه كان ديّن بأعتصامه نجى وش اسوي تراني مؤمن وفيه ميل اعوجاجي ل خلقه بس كلي رجا يمه الليل باكر قندليني فتيل علقي كل شرهه كبر حزمة آجا التقي كل لحظه سنبله ريح كيل واسمره كان ضاري فوق حلمي سجى سوط يكرب حزامه ضحك طرفه عويل اشرق بكل ضحكه في عيوني دجى باسقه لو تدلى دمعتي من نخيل تشبع الارض فرحه لين ترقص شجى كيف اعاتب يدينك لو بوجهي دليل بس وحده ودادك في ضلوعي حجى انظري لي بنظرة فم ما فيه حيل يمه ان مات صوتي في عيوني هجا

تخلى الليل عن سر الكلام و طاح منه ظل مسافر يجمع العتمه قبل ما يسرح الساري الا يا وجد هالكاتب الا يا عزتي يا مل غبار الرف ما سولف حزين الحرف للقاري الا يافزعة الله يا غناتي عن بعض من كل الا يا فزعة الله عن يدين القوس والباري ثلاث سنين وجروحي تمنيني تراك ب حل ثلاث سنين ما طارت مطاريشي مع الطاري توضاه السهر قلبي وانا اغني تعال و صل من اسبغ من طرف جوفي تخلل صدري الضاري واسافر كل ما عتم على الساقي رذاذ و فل واخيط ب الاسى جرحي واهندم ثوبه العاري رمق ما يلفظ انفاسه تنفس من صباحه غل يدين مغربل احساسه تحجب النور ل الداري و طل الماخذ اطماع الظنون و متقيني طل احد فيكم غدى مثلي اساومني على الشاري؟!!

الله حييهم الباحثين عن عثرات الآخرين إلى أين؟ تعريض الأسماء فالنصح قلة أدب وقلة مروءة وشيمة فالنصح له أداب وفضائل ومن أهمها: الإخلاص لله تعالى الإسرار بها ومما رأيت نتج أعتقاد فكري و أجزم أنه منطقي من يفعل ذلك يعاني من نقص ديني وأخلاقي وتربوي واعتلالات نفسية والكثير مما يطول شرحة حول الشخوص التي تقعقعت به وأرى أن إسداء النصح بذل وكرم فكيف للمتفوهين به فهم ذلك يقول الإمام الشافعي تَعَمَّدني بِنُصحِكَ في انفرادي .. وَجَنِّبني النَصيحَةَ في الجماعة فَإِنَّ النُصحَ بَينَ الناسِ نَوعٌ .. مِنَ التوبيخِ لا أَرضى استِماعه ملحوظة: إصلاح النفس أولوية دينية تربوية أخلاقية أجتماعية و الإنشغال بها عن غيرها مفازة كاركتر.. لا تَنهَ عن خلقٍ وتأتي مثله عارٌ عليك إذا فعلت عظيم ابدأ بنفسك وانهها عن غيّها فإذا انتهت عنه فأنت حكيم دمتم بود…