திகில் பாண்டி

அநீதிக்கு எதிராக போராடி ஷஹீதான இமாம் அலி என்ற பதிவை தடா ஜெ ரஹீமும் அவருடைய இயக்கத்தினர் இளைஞர்களின் எழுச்சி நாயகன் மாவீரர் அண்ணன் இமாம் அலி அவர்கள் விதைக்கப்பட்ட நாளில் என்று பதிவிட்டு இருந்ததை கண்டேன் . இந்த இமாம் அலி அநீதிக்கு எதிராக எப்படி போராடினான் என்பது கிட்டத்தட்ட நாம் மறந்திருப்போம். தமிழக மக்கள் நினைவுக்காக...... மதுரை மேலூர் அருகே உள்ள திருவாதவூர் மலைப்பகுதியில் IED வெடிகுண்டு சோதனை செய்து (வெடிக்க செய்ததால்) காவல்துறையால் பிடிக்கப்பட்டு தேசிய பாதுகாப்பு சட்டத்தில் சிறையில் அடைக்கப்பட்டான். 1993 ஆகஸ்ட் 8ம்தேதி சென்னை சேத்துப்பட்டு பகுதியில் இருந்த RSS அலுவலக குண்டுவெடிப்பை நிகழ்த்தி 11 அப்பாவிகளை கொன்றான். 1995 ஏப்ரல் 14ம் தேதி சென்னை சிந்தாதிரிப்பேட்டை இந்துமுன்னணி அலுவலகத்தில் குண்டு வைத்து இரண்டு அப்பாவிகளை கொன்றான். 1995ல் இந்துமுன்னணி நிறுவன தலைவர் ஐயா வீரத்துறவி இராமகோபாலன் ஜீ அவர்களை கொல்ல திட்டம் தீட்டீனான். மேலும் பல இந்து இயக்கத்தினரின் படுகொலைக்கு மூளையாக செயல்பட்டான் . இதற்கு பின் கைதுசெய்யப்பட்டு சிறையில் இருக்கும்போது பல்வேறு பயங்கரவாதிகளுடன் திட்டம் தீட்டி 2002 மார்ச் மாதம் 7 ம் தேதி நீதிமன்ற விசாரணைக்கு துப்பாக்கி ஏந்திய காவலர்களின் பாதுகாப்புடன் செல்லும்போது மதுரை திருமங்கலம் அருகே காவல்துறையினர் மீது நாட்டு வெடிகளைக்கொண்டு தாக்கி இமாம் அலியை தப்பிக்க வைக்கிறார்கள் சில பயங்கரவாதிகள் . தப்பிச் செல்லும் போது காவல்துறையின் AK47 ரக துப்பாக்கியையும் திருடி செல்கிறான் இமாம் அலி. அதற்கு பின் பல்வேறு கட்ட சோதனைகள் மற்றும் தேடுதல் வேட்டையின் காரணமாக இமாம் அலி மற்றும் கூட்டாளிகள் பெங்களூரில் இருப்பதாக கிடைத்த ரகசிய தகவலின் பேரில் அப்போதைய முதலமைச்சர் டாக்டர் ஜெ ஜெயலலிதா அம்மையார் அவர்களின் வழிகாட்டுதலின் பெயரில் தமிழ்நாடு காவல் துறையினர் பெங்களூரில் வைத்து இமாம் அலி மற்றும் முகமது இப்ராஹிம், சீனிமுகமது, சைபுல்லாவின் மனைவி, மங்கா பஷீர் என ஐந்து பயங்கரவாதிகளை பல்வேறு சவால்களை கடந்து என்கவுண்டர் செய்தனர் . இமாம் அலி கொல்லப்பட்ட பின் அந்த அறையில் இருந்து காவல்துறையில் இருந்து திருடி சென்ற AK47 துப்பாக்கி, நாட்டு துப்பாக்கிகள் , வெடி பொருட்களும் மிக முக்கியமான கடிதத்தையும் காவல்துறையினர் கைப்பற்றினர். அந்த முக்கியமான கடிதத்தில் மதுரை மீனாட்சியம்மன் கோவிலில் வெடிகுண்டு தாக்குதல் செய்வதாக இருந்தது. இமாம் அலியின் இந்த திட்டத்திற்கு உடந்தையாக சிமி,ISIS ஆதரவு குழுக்கள், லஷ்கர் இ தொய்பா ஆதரவு குழுக்களை சார்ந்த நபர்கள் பின் கைதுசெய்யப்பட்டனர். இப்படி பல்வேறு பயங்கரவாத தாக்குதல்களுக்கும் , தாக்குதல் சதி திட்டங்களுக்கும் மேலும் பல அப்பாவி உயிர்களை பறித்த பயங்கரவாதி இமாம் அலியின் நினைவு தினத்தை (செப்டம்பர் 29 ) தமிழகத்தில் பல இடங்களில் கொண்டாட திட்டமிட்டுள்ளனர். தமிழக அரசும் தமிழ்நாடு காவல்துறையும் இதுபோன்ற நிகழ்வுகள் நடத்த அனுமதி கொடுக்காமல் இந்த நிகழ்ச்சிகளை தடுக்க வேண்டும். மேலும் இந்த பயங்கரவாதி இமாம் அலியின் புகைப்படம் அச்சிடப்பட்ட போஸ்டர்கள் பொது இடங்களில் ஓட்டவோ,வைக்கவோ அனுமதிக்க கூடாது . அமைதியாக இருக்கும் தமிழகத்தில் மீண்டும் பயங்கரவாத செயல்களை செய்ய திட்டமிட்டுள்ளனரோ என்ற சந்தேகம் எழுகிறது. தற்போதுதான் மதுரை மீனாட்சி அம்மன் கோயில் கும்பாபிஷேகம் நடைபெற்றுள்ளது. தங்கள் தலைவரின் எண்ணத்தை நிறைவேற்ற - அதாவது மதுரை மீனாட்சி அம்மன் கோயிலை வெடிகுண்டு வைத்து தகர்க்க வேண்டும் என்ற இமாம் அலி எண்ணத்தை நிறைவேற்ற வெளிநாட்டு பயங்கரவாத அமைப்புகள் மூலம் இவர்கள் தூண்டப்படுகிறார்களா என்பதையும் தமிழக அரசு கண்காணிக்க வேண்டும்.