حساب متخصص في تحليل مشاريع الكريبتو وشرح تقنيات البلوكتشين. محلل معتمد @cryptoquant_com
Egypt
Joined August 2022
- Tweets8.8K
- Following21
- Followers38.4K
- Likes4.9K
مفيش حد اتكلم عن اللي حصل في البتكوين!؟
بالأمس كان ميعاد تفعيل مقترح تطوير البتكوين (BIP-110)، واللي سببه انقسام على طبيعة شبكة البتكوين، هل هي شبكة لازم تكون للمعاملات المالية حصرًا [يعني تحويلات بتكوين فقط]، ولا هي شبكة لكل أنواع المعاملات ما دام صاحب المعاملة بيدفع رسوم [يعني معاملات البتكوين وغيرها زي النقوش وخلافه].
الفريق الأول قدّم مقترح BIP-110 اللي قدم تعديلات برمجية لحظر المعاملات غير المالية من على الشبكة من خلال معالجة الثغرة في الكود اللي بتعتمد عليها المعاملات دي، وعشان التعديلات دي تصبح فعّالة لازم يحصل لها تبني من عُقد الشبكة، والأهم معدني الشبكة.
كما كان متوقع معدني الشبكة بالإجماع رفضوا التحديث لأنه طبعا بيأثر على أرباحهم، لأنه بيمنع معاملات بتدفع رسوم هما اللي بيحصلوا عليها، بغض النظر بقى عن الجدال الفلسفي بتاع نوع المعاملة.
نتيجة لعدم التبني حصل انقسام (Fork) للشبكة لعدة كتل، وطبعا ده لم يؤثر في شيء على السلسلة الأصلية للبتكوين اللي استمرت بدعم 99.5% من قوة الهاش على الشبكة.
6 أشخاص بالأمس هما اللي قرروا مصير البتكوين بالمناسبة.
هما بيقولوا سوفت فورك لكنه مش سوفت فورك، والتحديث ده (BIP-110) مش هيكون Backward Compatible، يعني هيتم رفض أي كتل / معاملات مش بتتوافق مع التعديلات الجديدة، خصوصا أحجام Outputs & OP_RETURN.
بما إن البتكوين كور بيسيطر على 77% من عُقد الشبكة؛ صعب أشوف التحديث بيحصل على دعم كافي من المُعدنين، فغالبا هيحصل Split للشبكة.
أوقات مثيرة في الانتظار 🍿
مشروع Near عاملين حاجة عظمة وهي إنك تقدر تعمل Staking لرصيد من عملة NEAR وتاخد نقط أو Credits تقدر تستخدمها كـ Tokens لاستخدام أفضل نماذج AI زي Fable 5 والنماذج الصينية مفتوحة المصدر زي Kimi | Qwen | GLM وغيرهم.
يعني انت هتاخد عوائد الـStaking على شكل استهلاك نماذج AI. كدة انت بتاخد استهلاك مجاني للنماذج، ومشروع Near بياخد أرباح من عوائد الـ Staking.
المميز كمان إن التعامل مع النماذج عن طريقة Near بيوفر ميزة الخصوصية للمستخدم ❤️
واحدة من الثغرات المُكتشفة في خدمة BTCPay بيجري استغلالها حاليا لسرقة بتكوين المستخدمين!
There is a critical vulnerability being actively exploited on BTCPay Server, which can result in the loss of funds.
Please update your BTCPayServer to 2.4.2 by going to Admin Dashboard -> Server -> Maintenance -> Update & verify the 2.4.2 version string in the footer.
If you are unable to update right away, turn off your BTCPay Server to prevent unauthorized access until you can update.
بعد الاختراق الضخم لمحافظ Coldcard.. فريق من المتطوعين بدأوا حملة لفحص مشاريع البتكوين أمنيًا باستخدام نماذج الذكاء الاصطناعي..
بعد أقل من 3 أيام من الحملة اكتشفوا 6700 ثغرة منها 1029 ثغرة حرجة في 425 مشروع بتكوين!
1029 ثغرة حرجة؟!
قوم اطمن على فلوسك..
عملات ساتوشي موجودة في محافظ من نوع P2PK أو (Pay-To-Public-Key)، ودي كانت أول نسخة من محافظ البتكوين. نسخة رديئة ضعيفة الحماية.
عنوان المحفظة كان بيكون المفتاح العام، اللي هو حرفيا معلومة كان لازم تكون مخفية ومشفرة، لأن المفتاح ده هو الثغرة اللي تقدر من خلالها الحواسيب الكمومية (بقوة كافية) استخلاص المفتاح الخاص للمحفظة وسرقة أرصدتها.
المشكلة إن ده كان معروف قبل إطلاق البتكوين بـ 15 سنة، ومعروف إن خوارزمية Shor باستخدام حاسوب كمي قوي قادرة على كسر تقنيات التشفير / التوقيعات الخاصّة بالبتكوين:
[RSA - Elliptic Curve]
عشان كدة كل عملات ساتوشي هتتسرق بمجرد الوصول لحاسوب كمومي بقدرة كافية.
ده بخلاف المحافظ بالعناوين الأحدث "P2PKH" واللي حل جزء من مشكلة كشف المفتاح العام من خلال عمل Hashing له، لكن بسبب جهل بعض المستخدمين بالمشكلة دي بيكشفوا مفتاح المحفظة العام من خلال إعادة استخدام نفس عنوان محفظة البتكوين أكثر من مرّة، وده غلط. عشان كدة معظم المحافظ الحديثة بتولّد عنوان جديد للمحفظة تلقائيًا لتلافي المشكلة دي.
أكثر من 6 مليون عملة بتكوين حاليا عُرضة للسرقة بتهديد من الحوسبة الكمومية.
لأول مرة من 2023 يكون عندنا صافي تدفقات سلبية للعملات المستقرة لمدة 3 أشهر على التوالي (-13 مليار دولار)!
بركات البومة الصيني..
بينانس قررت تحذف عملة PYR من منصتها.. العملة عملت بامب على الخبر!
المهم يعني دي من العملات اللي محتاجين المجتمع العربي يدفنها ويبطل يتكلم عنها تاني..
في مقترح مُقدم حاليا لحرق نسبة من عوائد المدققين من الإيثريوم (EIP-8361). النسبة دي مرتبطة طرديًا مع نسبة الـ Staking الخاصّة بالمدقق.
كل ما نسبة المدقق من إجمالي قوة التدقيق على الشبكة (الإيثريوم المكدّس) زادت، كل ما نصيبه من العوائد قل. نسبة الحرق تصل إلى 100% لو نسبة الـ Staking وصلت 50%.
مقترح زي ده هيساهم في خفض معدل تضخم الإيثريوم، وزيادة لا مركزية الشبكة.
طبعا عملات بروتوكولات التكديس زي LDO هبطت على الخبر، وعموما يعني هي عملات مفيش ليها أهمية.
إجمالي خسائر اختراق محفظة Coldcard تجاوز 130 مليون دولار من البتكوين، وحوالي 7,700 ضحية.
السنة اللي فاتت عبيد البتكوين ضحكوا على صاحب نموذج التنبؤ بالحركة السعرية للبتكوين (Stock-to-Flow) لما أعلن إنه تخلى عن الحيازة الذاتية للبتكوين بتاعه واتحول لاستخدام صناديق المؤشرات ETFs.
طبعا بعد ما اختراق Coldcard أصبحت فكرة الحيازة الذاتية لأصولك، اللي هي في نفسها أحد أهم المزايا اللي بيوفرها البتكوين، فكرة لا قيمة لها، بعد ما ثبت فشلها أكتر من مرّة:
1. إما بسبب ضعف تقني في البروتوكول، زي ما حصل مع عملات ساتوشي والعملات اللي ما زالت في المحافظ القديمة.
2. أو بسبب الأخطاء التقنية من خارج البروتوكول، زي الخطأ اللي حصل في Coldcard، واللي هو بردو جزء منه راجع لمشكلة في على مستوى معمارية البروتوكول.
3. أو استمرار زيادة مركزية تعدين البتكوين اللي بيهدد حرية تحريك العملات على الشبكة.
4. أو طبعا الاقتراب من الحوسبة الكمومية.
جزء كبير من الموهمين بالأفكار دي بدأوا يراجعوها بعد اختراق Coldcard، واللي للأسف جزء كبير منهم كانوا من صغار المستثمرين. ناس عادية بتجمع ساتوشيات باستمرار على أمل "تأمين مستقبلها المادي"، وطبعا حلمهم اتسرق.
أعتقد أي حد لسه ما زال مؤمن بالأفكار دي حتى لو استمر في الاستثمار في البتكوين فهو هيعتمد على الأسواق الثانية، بمعنى الاستثمار في أسهم شركات البتكوين أو من خلال صناديق الـ ETFs، بعد ما أصبحت الحيازة الذاتية للبتكوين خطر في حد ذاته.
أزيدك من الشعر بيت؟
صناديق الـ ETFs هي كمان غير آمنة للاستثمار في البتكوين.
ليه صناديق الـ ETFs مكان غير آمن للاستثمار في البتكوين؟
كل صناديق الـETFs بعتمد على وصي "Custodian" واحد وهو منصة Coinbase.
كل المليارات دي معتمدة على نقطة فشل واحدة وهي منصة Coinbase، الوصي اللي في حيازته كل بتكوين صناديق الـ ETFs.
المنصة دي سبق واتعرضت لاختراق غير مباشر بأكثر من شكل، كان منها موظفين بيسربوا بيانات المستخدمين لهاكرز، والهاكرز دول يعملوا هجمات تصيد للعملاء باستخدام بياناتهم المسروقة، ده بخلاف إن المنصة بتعتمد على خدمات التعهيد من الخارج، يعني جزء من وظائف الشركة بيعمله موظفين من بلدان أخرى، طبعا عشان يوفروا فلوس. وأخيرا الشركة في الفترة الأخيرة سرّحت جزء كبير من موظفيها والـ CEO بتاعهم حرفيا قال إن الموظفين اللي مفيش عندهم خلفية تقنية بيساهموا في الجزء البرمجي للمنصة. طبعا شغل vibe coding.
هل لو لا قدر الله Coinbase اتعرضت لاختراق إيه هيكون وضع صناديق الـ ETFs دي؟ أنا مفيش عندي علم هل الشركات هتكون مسئولة عن تغطية الخسائر، ولا هتلوم الوصي على العملات ولا الوضع القانوني إيه.. أيا كان أنا عمري ما أحط فلوس في الصناديق دي.
في الوقت اللي شركة Strategy مستمرة في بيع البتكوين لتمويل عملياتها، شركة Bitmine مستمرة في شراء الإيثريوم.
إجمالي رصيد الشركة من الإيثريوم بعد مشتريات الأسبوع الماضي وصل حتى الآن إلى 5.8 مليون عملة ETH.
استمرار Bitmine في شراء الإيثريوم من المستويات الحالية يعني استمرار انخفاض متوسط شرائها المرتفع، واقترابها من قلب خسائرها الغير محققة لربح.
في الربع الماضي أرباح الشركة بلغت 47 مليون دولار من عوائد تكديس الإيثريوم، والإجمالي السنوي متوقع يكون حوالي 284 مليون دولار. 284 مليون دولار عائد صافي من امتلاك الإيثريوم فقط.
على الرغم من عدم اهتمامي بالنشاط ده كشيء إيجابي للإيثريوم، لكن النموذج ده لو حقق نجاح جيد، ده هيكون شيء كافي لاتباع المزيد من الشركات للنوع ده من الاستثمار، خصوصًا مع الأداء السيء للبتكوين، وعدم وجود عائد على الاستثمار مثل عائد الإيثريوم من الـ Staking.
مع العلم إن بالإضافة لتحول شركة Strategy لبيع البتكوين، واللي نوعًا ما كان مفاجئ لناس كتير، فيه شركات أخرى كانت بتتبع نفس سلوك شركة Strategy خرجت جزئيًا أو كليًا من النشاط ده وباعت رصيدها من البتكوين أبرزها:
Satsuma Technology
GD Culture Group
Empery Digital
Sequans Communications
MARA Holdings
في وقت الهبوط الحاد، الشركات تكون مجبرة على بيع البتكوين بسب عدم وجود أي عائد من امتلاكه، على عكس الإيثريوم.
النقطة دي تحديدًا قد تكون سبب كافي لدخول شركات أكثر وسيولة ضخمة للإيثريوم في حالة نجاح استراتيجية Bitmine.
حوالي 90 مليون دولار من البتكوين تم سرقتهم من محافظ الهاردوير Coldcard. أكثر من 4,000 شخص من صغار المستثمرين في البتكوين تم سرقتهم.
للأسف الثغرة اللي تسببت في الاختراق مش جديدة، وهي ضعف درجة العشوائية أثناء توليد معلومات المحفظة، وبالتالي إمكانية تخمين عبارات المحفظة وسرقة أرصدتها.
المشكلة دي كنت اتكلمت عنها من حوالي 3 سنين، وفي ثريد تاني ذكرت إن ده عيب على مستوى معمارية بلوكتشين البتكوين، ومعظم الشبكات الحديثة تلافت العيب ده.
🤖 Made with AI
معلومات إضافية عن الموضوع
xitter.cf/EgyHashX/status/199449…
مهم 🔻
هل ممكن اختراق محافظ الكريبتو بدون معرفة كلمات المحفظة / المفتاح الخاص؟
من 10 أيام تحديدا كنت بتكلم في النقطة دي كفرضية خاصّة بالبتكوين، وقولت إن "تقنيًا" فيه إمكانية لمعرفة المفتاح الخاص لبعض محافظ البتكوين حتى لو المحافظ دي لم تنفق عملاتها، يعني مفيش أي تحويل تم منها، هي مجرد استقبلت العملات فقط، لكن لازم المحافظ دي تكون عملت على الأقل توقيع واحد Signature لأي سبب آخر.
النقطة اللي كنت بتكلم فيها باختصار، وهي حاجة متقدمة تقنيًا نوعًا ما في عالم الـCryptography، إن المعلومات العامّة اللي بتكون موجودة على البلوكتشين ويقدر أي حد يوصلها، زي التوقيعات، ممكن يتم استغلالها "رياضيًا" لاستنباط معلومات غير عامة، زي المفتاح الخاصّ "Private Key".
بعد كلامي ده بأيام.. منصة الكريبتو الكورية Upbit اتعرضت لاختراق وسرقة 39 مليون دولار من المنصة.
النهاردة المنصة بتكشف عن الطريقة اللي تم بيها الاختراق بعد التحليل الجنائي، واكتشفوا وجود ثغرة في نظام توليد عناوين المحافظ الخاصّ بالمنصة، والثغرة دي باختصار (حسب تحليلي لأن مفيش تفاصيل كافية) إن عملية توليد المحافظ الجديدة واللي بيتم توليدها من المفتاح الخاص الرئيسي "Master Private Key" كانت غير عشوائية بما فيه الكفاية لدرجة إن نمط التوليد نفسه كان هش، وقابل للتنبؤ.
فاللي حصل باختصار إن المخترق، باستخدام البيانات العامّة الموجودة على البلوكتشين، قدر يتنبأ بنمط توليد المحافظ، وبالتالي قدر يوصل للمفتاح الخاصّ الرئيسي ويسرق كل الأصول الموجودة.
هنا عندنا مشكلتين:
1. اللي حصل ده تم على معمارية بلوكتشين حديثة (Solana). فحتى لو كان فيه مشكلة في السوفتوير المستخدم في عملية توليد العناوين، المفروض يكون فيه وسائل حماية ذاتية على مستوى معمارية البلوكتشين نفسها تمنع الخطأ اللي حصل. فهل في شبكات تانية بتعاني من نفس الخلل؟
2. الاختراق ده حصل بدون استخدام حوسبة كمومية، وده معناه إن درجة الخطر أسوأ.
المستوى المتقدم في الاختراق ده في عالم الكريبتو بيقول إن الاختراق تم من هاكرز كوريا الشمالية Lazarus.
الأسبوع ده مشروع تخزين البيانات Storj قدمت طلب لإعلان الإفلاس.
مشاريع تخزين البيانات كنت حذرت منها في مساحة من عدة شهور لسببين:
1. معظم مشاريع البلوكتشين (خصوصا المشاريع الحديثة) نجحت في خلق حلول عملية لمشاكل تخزين البيانات على الشبكة.
2. مشاريع تخزين البيانات فشلت في إيجاد سوق ليها خارج مجال الكريبتو، بالرغم أهمية التقنية والارتفاع الهائل في مجال تخزين البيانات. يكفي بس تشوف حركة سهم شركة Sandisk وارتفاعه الضخم.
في مشاريع زي حاولت تعالج المشكلة دي بالتوجه للحوسبة زي مشروع Arweave، لكنهم عملوا توكن تانية (AO) والاتنين استمروا في الهبوط!
هل في أمل في عملات المشاريع دي زي FIL & AR؟
بالوضع الحالي لا.
العملات دي لو مشاريع كملت هتفضل تتحرك مع حركة السوق عادي زيها زي LTC كدة. عملات زومبي.
الوضع الحالي في مجال التقنية هو قمّة السوق بالنسبة لتقنيات تخزين البيانات، وكون إن المشاريع دي تفشل في الاستفادة منه، فأكيد مش هتستفيد في أي وقت تاني.
من اكثر النقاط في المساحه الماضي الي تمنيت لو كنت موجود و شاركت بسببها هي لما ذكرت ان مشاريع البلوكشين حاليا اطور وسائل تخزين خاصه فيها.
بالتالي الطلب راح يقل على مشاريع التخزين مثل Fil ,Arweave
كنت متأمل خير في هالمشاريع و لكن الحين عرفت ليش قلت اسعارها بشكل كبير و صارت تركز على ال computing مثل AR لما اصدرت مشروع AO
شبكة Aptos خسرت 42% من الـ TVL بتاعها في آخر 7 أيام، وقربت تخرج من قائمة أكبر 100 شبكة من حيث حجم الـ TVL!
من سنة تقريبًا كان الـ TVL على Aptos حوالي مليار دولار. اليوم الـ TVL على الشبكة 64 مليون دولار فقط. خسارة حوالي 94%!
منصات BitMEX و BitMart صمدوا في كل بير ماركت تقريبا مر بسوق الكريبتو..
جه الخنزير ده ودمر السوق في تصفيات أكتوبر وقفلهم!
*خربها وقعد على تلّها*
Tough times (again)! At least, it appears to be an orderly wind down where users can withdraw their assets.
Pro tip:
Self custody if you know how to keep your seedphrase safe (@trustwallet)
Or use the largest exchange (@binance) with staying power.
راجع الكلام ده اللي ما زال بيتحقق حتى الآن ولسه أثره النهائي لم يكتمل.
xitter.cf/EgyHashX/status/197887…
كنت كتبت رد بالأمس على الكلام ده، وبعدين مسحته وقررت أرد وأنا هادي شوية.
الكلام اللي هو كاتبه ده كله أكاذيب:
1. وصف أي شخص أي حد بيهاجم بينانس إنه بيعمل كدة عشان "عدو" وعنده "مصلحة شخصية" وبيروج "لمنصات تانية".
2. محاولة وصف اللي حدث على بينانس بإنه "خطأ تقني"، وده كذب وتضليل متعمد.
الخطأ التقني تصادف إنه يحصل مع خبر سلبي، وتم تنفيذه بطريقة تخسر متداولي الفيوتشر (الشورت واللونج) ومتداولي السبوت، وفي نفس الوقت عدم تنفيذ أوامر البيع والشراء؟
مفيش واحد عاقل ممكن يصدق الكذب ده.
3. باينانس أعادت 400 مليون دولار، وده كذب. المنصة أعلنت عن صندوق بالقيمة دي، لكن مفيش أي تصريح رسمي بإنهم ردو المبالغ دي بالفعل، ومفيش أي وسيلة للتأكد حتى لو أعلنوا ده.
4. مبلغ 400 مليون دولار هو رقم لا يذكر مقارنة بخسائر المتداولين. أقل رقم لتقدير الخسائر دي لا يقل عن 30 مليار دولار.
5. بينانس مستحيل تقدر تعوض كل اللي خسر سبوت وفيوتشر، مش بس على منصتها، ولكن على باقي المنصات، لأنها كانت الفاعل الرئيسي لانهيار السوق بعد وصول أسعار العملات عليها للصفر، ووقفها للتداول.
محاولة التدليس وحصر الخلاف مع بينانس في إنه مجرد صراع بين مؤيدين لبينانس ومؤيدين لمنصات أخرى، زي ما الأخ ده بيعمل، خطاب جاهل لا يخرج من شخص أمين.
بينانس اتسببت (بشكل متعمد) في أسوأ حدث تصفية في تاريخ الكريبتو.. تجاوز أحداث انهيار FTX - إفلاس Luna - كوفيد 19 إلخ..
1.66 مليون متداول حساباتهم اتصفرت، و+30 مليار دولار اتمسحت من سوق الفيوتشر.
مفيش متداول سبوت على أي منصة حسابه مش خسران من 20%~50% بسبب بينانس.
كل ده بخلاف الكوارث السابقة، وانهيار أسعار العملات بعد إدراجها على المنصة، والهجوم المستمر على Hyperliquid اللي بيضر بالسوق، وعملات الميمز اللي غرقوا بيها السوق واللي كلها حاليا -99%، وقبلها قفل حسابات الفلسطينيين وسرقة أموالهم إلخ..
أنا مش عاوز أكون متشائم وأقولكم إن نسبة 99% من المتداولين مش متخيلين اللي بينانس عملته في السوق ده هيأثر عليه ازاي لسنين قادمة.
انتوا شايفين دلوقتي إن أسعار العملات ارتدت بعد انهيارها، لكن اللي معظمكم مش هيعرفوا إن سيولة العملات (Liquidity) دي ودفتر الأوامر (Order Book) وصلت لحالة من الهشاشة إن أي أخبار أو أحداث هتحصل في المستقبل هيكون تأثيرها السلبي أضعاف، بسبب السيولة الضخمة اللي فقدها السوق. سيولة هتحتاج سنين عشان يتم إعادة بنائها بالنظر لوضع الاقتصاد العام حاليا.
العملات ارتدت، وممكن تشوف عملات بتعمل صعود كويس، لكن ده سببه مش قوة السوق، ولكن ضعفه.
انخفاض سُمك دفتر الأوامر بيمكّن شركات صناعة الأسواق (Market Makers) من تحريك أسعار العملات بحجم منخفض من السيولة.
يعني العملة اللي كنت بتحتاج 50 مليون دولار عشان تحركها، دلوقتي ممكن تحركها بـ 5 مليون فقط.
وبالرغم من إن ده شيء قد يبدو من الظاهر إنه إيجابي، إلا إنه نموذج غير مستدام، وغير صالح لاستثمار طويل الأجل. وعاجلا أم آجلا لازم السعر يتحدد بناءً على كثافة دفتر الأوامر (Order Book Depth).
الضرر اللي اتسببت فيه بينانس هيظهر أثره الأسوأ على المدى البعيد.
أي حد واعي وفاهم الكلام اللي بقوله ده هيعرف إن أي شخص لسه بيدافع عن بينانس ما هو إلا شخص مضلل، نفعي وغير أمين.