Enas Elbitar

قلبوا علي بعض.ولاد. ال النتنياهو بعد ما اتسحب منه البساط ولقى نفسه برا الحكومة رسميا، قرر يرفع شعار "علي وعلى أعدائي" ويهدد قادة تل أبيب وش لوش إنه لو هيقع مش هيقع لوحده، وإن كل اللي عمله في غزة ولبنان وسوريا كان بأوامر الكنيست والمؤسسة الأمنية مش من دماغه لوحده. الحالة الهستيرية دي بدأت بعد ما كلف الرئيس الإسرائيلي إسحاق هرتسوغ رئيس الأركان الأسبق غادي آيزنكوت بتشكيل الحكومة الجديدة، بعد نجاحه في جمع 67 نائب، في الوقت اللي وقف فيه نتنياهو لوحده بـ 46 نائب بس، بعد ما تخلت عنه الأحزاب الدينية "الحريديم" بسبب أزمة تجنيد المتدينين. نتنياهو اختفى أسبوع من الصدمة، ولما خرج يتحايل على آيزنكوت لتشكيل حكومة وحدة وطنية بحجة مواجهة إيران، رفض آيزنكوت بحسم ووصف كلامه بالمناورة المثيرة للشفقة، وأكد إن بقاء نتنياهو ليوم إضافي بقى خطر على إسرائيل. لكن الضربة القاضية جت من حليفه دونالد ترامب. القناة 12 الإسرائيلية كشفت إن مقربين من ترامب طلبوا من معسكر آيزنكوت سرعة استبدال نتنياهو. والأخطر إن ترامب نفسه فجر قنبلة قلبت الجيش والشاباك على نتنياهو، لما أعلن عن اتفاق سري بينهم لوقف المساعدات العسكرية الأمريكية لإسرائيل واللي قيمتها 3.8 مليار دولار سنويا، عشان يكتشف قادة الجيش إنه فرط في أهم دعم عسكري من ورا ظهرهم. نتنياهو حاليا مستعد يحرق المعبد باللي فيه خلال الـ 28 يوم اللي آيزنكوت بيشكل فيهم الحكومة، لأنه عارف إن خروجه معناه تشكيل لجنة تحقيق رسمية تحاسبه على إخفاقات 7 أكتوبر. وفوق ده كله، كابوس السجن بقى بيطارده بعد ما خلص 98 جلسة استجواب في قضايا الفساد التلاتة، ورفض هرتسوغ منحه عفو رئاسي. الأسابيع الجاية في تل أبيب مش هتكون مجرد تسليم سلطة، دي حرب وفضائح متبادلة بيقودها راجل باعوه حلفاءه في الداخل والخارج، ومحاصر بالسجن والمحاكمات، فقرر يفتح الصندوق الأسود ويشد الكل معاه.

فيديو توثيق سرقة بلنجات خط سكة حديد الإسماعيلية -السويس والذي تسبب في خروج القطار🤨🤔 🚨 أهل الشر ولاد الجزمة الكفرة مش هاممهم ارواح الناس، وكانوا هيتسببوا فى كارثة النهاردة في قطار ركاب الإسماعيلية السويس لما سرقوا عدد 8 بلنجات خاصة بربط وتثبيت القضبان ببعضها وخلت عربات القطار تخرج عن القضبان. لكن ربنا ستر الحمد لله ومحصلش أى إصابات ببن الركاب وتم فصل العربة عن القطار واستكمل القطار رحلته والدفع بفرق الطوارئ لاستعدال العربة. - الله يكون فى عونك يا كامل الوزير - لك الله يا مصر