إٓرم | Eram 🔝

يا عيال وش الحل مع الخوي اللي ينشب لك كل اسبوع ثلاث مرات يطلب فلوس مره ١٥ ومره ٢٠ وقبل امس طالب ريالين المشكلة يدري اني عاطل وما عندي مصدر دخل وهو تنزل له مكافاة الجامعه ٩٩٠ ولا قد طلبت منه ريال واحد والله تعبت من كثر ما احول له وودي اصارحه بس خايف يزعل وش تسوون لو انتم مكاني

مو شىرط نكون فاهمين بعض في كل التفاصيل عشان نبقى المهم ما نبيع بعض اول ما توقف الدنيا في وجيهنا العِشرة الطيبة والعيش والملح ما يهونون على اللىي أصله غالي واللي يحبك بصدق يمسك يدك وقت اللفة الطويلة مو بس يدور معك في الشوارع المزفلتة الحب الثابت هو اللي يتحمل الموقف ويطوي الزعل مو يدور الزلة عشان يشيل قشه ويروح الاصيل إذا شافك متضايق ما زاد الطين بلة ولا دور الغلطة هو يلمك من وسط عثرتك ويداري خاطرك لأن غلاك عنده فوق اي زعل مؤقت الموقف الصعب هو المحك الحقيقي اللي يفرز الطيب من اللي يسوي نفسه فاهم والىعمر قصير ما يستاهل نضيعه مع ناس وقت الشدة يبيعونك ببلاش