Fahad

عندي راي حول فابريغاس واريد اقوله الان في عز التشكيك في فليك ومطالبة تعويضه بسيسك اللي يقدم مستويات قوية مع كومو.. محليا مع فليك برشلونة مكتسح الدنيا والسؤال اللي لازم ينطرح هل فابريغاس المدرب اللي راح يستمر بهذا التفوق المحلي ويعمل النقلة النوعية اللي نطمح لها اوروبيا ؟ شخصيا ما اعتقد، فابريغاس راح يكون نسخة مشابهة لـ تشافي ومواسم تشافي مش هو المدرب اللي راح يعطيك التفوق الاوروبي اللي تطمحله، لكن ممكن يخليك تفقد التفوق المحلي اللي عند برشلونة الان سيسك مدرب ممتاز لكن اشوف تعزيز الفريق بمهاجم ومدافع سوبر راح يعملك نقلة كبيرة مع فليك اوروبيا اكثر عن استقطاب سيسك والبدأ من الصفر كومو ثاني اكثر فريق تابعته هذا الموسم، فريق فنيا قوي لكن ببساطة فابريغاس ما راح يعطيك عمل افضل عن فليك.

سياسة النادي واضحة بالنسبة للموسم الاولوية هي المحافظة على بطولة الدوري واستثمار جهد اللاعبين الأكبر في هذي البطولة والوصول لابعد نقطة ممكنة في الابطال. انا اعلم كثير من الكوليز يتمنون عكس هالامر ويتمنون إعطاء الأبطال الاولوية بالرغم من ان كثير منهم ايضا يعلمون بأن الفريق غير جاهز لها، وهذي نتايجها ممكن تكون موسم صفري. لذلك النادي يعمل بواقعية أكبر من عواطف الجماهير، الفكرة نضمن الدوري ونحاول في الأبطال، ومتى ما توفر فريق جاهز فعلا لتحقيقها راح نذهب لها بجنون.

المدعو بالدي فوق ان سيء، هو ايضا لاعب خبيث ونواياه سيئة بالدي رفض يطلع علشان النادي ما يتعاقد مع لاعب يغطي مركزه ويثبت ان هو كان الفاشل فليك معاه حق في استبعاده بديت اشك ان هذا اللاعب يتعمد الخطأ علشان يثبت فشل النظام، لان مو طبيعي كثير كرات تستغرب كيف يكون متراخي في الضغط والركض على الخصم وتكون سبب تلقينا هدف في النهاية

كلام بوسهيل مردود عليه بصراحة مافي شي اسمه انا اسجل الاهداف وسويت اللي علي وخلاص هذا دوري غوميز في موسم 2011/2012 سجل 41 هدف وما فاز البايرن في ولا بطولة. مانزوكج في 2012/2013 سجل 22 هدف فاز البايرن في 4 بطولات. سبب رئيسي في النقلة اللي صارت في البايرن فنيا هي الادوار اللي عملها مانزوكج ونفس الامر في باريس قبل وبعد مبابي، ديمبيلي يسجل اقل لكن الفريق صار افضل فنيا تسجيل الاهداف مو كل شي، وشي كثير امثلة مو بس هذي.

مثل ما ذكرت من فترة ريال مدريد قرر يفعل خيار شراء رامون. كانت واضحة، لكن الجميل ريال مدريد ما عندهم فكرة واضحة عن حجم موهبته هم يشوفونه كقيمة اقتصادية نشتريه بـ9 مليون نبيعه بـ40-50 مليون. لاعب مجال التطور عنده كبير جداً واذا تواجدت ظروف مناسبة ممكن يصير من افضل المدافعين في اوروبا

اراوخو هذا مستواه الفعلي ما تغير شي، اللي تابع تدريبات الفريق، لاحظ كيف اراخو فارق بدنيا بشكل كبير عن باقي لاعبي برشلونة. كان يلعب ند للند مع فينيسيوس في مستواه البرايم وقلة كانو قادرين على هالشي. ولهذا السبب فليك كان متمسك فيه كثير، هو يقدس اللاعب اللي يشد حيله في التمارين. مشكلة اراوخو هي ان ما قدر يستوعب اسلوب لعب فليك، وتراكمت اللحظات السلبية عليه وكان محتاج هالتغيير.

انا تعبت بصراحة مع اللي اسمه بالدي، لاحظو تحركه في الهدف الثاني، هو شو يبي بالضبط و وين رايح وتارك هذي المساحة خلفه ؟ الناس تقول وين جيرارد مارتن، مارتن رايح يغطي الفراغ اللي تركه بالدي، وبطبيع الحال يروح كوبارسي يغطي مارتن تحرك لا مسؤول كلفنا خسارة المباراة وفتح كل ذي الشوارع بسبب انهم كلهم صارو خارج مراكزهم. اللي يصدمك اكثر اللي قاعد يمدحه في تويتر انتم تابعتم المباراة معنا ولا كيف

صديقنا نيكولاس يقول كلام جميل جداً يقول بأن وضع الفريق الحالي هو نتيجة الهوس ببطولة دوري ابطال اوروبا وان التاريخ يقول المرات اللي قرر الفريق يتخلى فيها عن هويته تلقى نتائج مثل 8-2 و الـ 4 ضد ليفربول و روما ويستذكر تصريح غوارديولا عن بارسا فليك هذي السنة لما قال: دوري الابطال بطولة تهدم المشاريع ومقياس النجاح الحقيقي وتطور الفريق هو تحقيق بطولة الدوري والاستمرار في ذلك وانه لا يجب ان نعتقد لمجرد عدم الفوز بالابطال بأن الفريق في مسار خاطئ لذلك لا يمكن نحط تحقيق الابطال مقياس لنجاح الفريق أو اسلوبه لانها بطولة لحظات وحالة بدنية جيدة واحيانا قرارات تحكيم ممكن تأثر على مشوارك فيها.

مباراة باريس والكلاسيكو اليوم دليل واضح ليش الاراء اللي تنكتب في تويتر حدها تويتر ولا حد يسوي علينا فني وتكتيكي بزيادة. من يوم ما فليك رجع الدفاع خطوتين ورا وصار يقلل الاعتماد على مصيدة التسلل وضغط الفريق ضايع تماما. كنت افضل العب بمصيدة التسلل وفريقي يخلق مليون فرصة ولا اشوفه يلعب بالمنظر السيء هذا. اتمنى فليك يرجع لافكاره والشغل اللي كان يعمل عليه اول موسمين ويشيل من راسه اراء محللين الغفلة.

اتمنى اللاعبين بعد المباراة ما يطرقون لاي شي يخص التحكيم ويراجعون مستواهم السيء تحديدا من مباراة بيتيس والمستوى في انخفاض.

خيسوس خطأ تافه في المنتصف تسبب بالخسارة

المباراة محتاجة مهاجم في الصندوق، رافينها مش في افضل احواله

دخول بالدي معناته الجهة اليسرى صارت شارع، كل فرص الريال راح تجي من هناك

بيدري لاعب وسط حقيقي يعرف يدير وسط كامل لحاله حتى مع سوء الخيارات اللي جنبه، لكن تنصدم لما تدخل تويتر تشوف الناس تقول والله مختفي. كثير مشجعين يفهمون تألق لاعب الوسط يكون بالركض في المساحات مع الكرة لكن اللي يسويه بيدري اصعب من ذي الامور بكثير وقلة قليلة اليوم ممكن تعمل هالادوار بهذي الكفاءة

يا شيخ ما نبحث عن اعذار ولا زلنا نثق فيك، الاراء اللحظية وتقييم الموقف على مباراة هاي عادة عند الكوليز واعتدنا عليها. انت اللي رفعت سقف التوقعات عالي عندهم بعد ما كانو يطمحون للتأهل للابطال بعد ليالي اليوروباليغ، والان يريدون يعلمونك كيف تدير مباريات الابطال. الكلام سهل والمدرب ادرى باللي يحتاجه الفريق، هو ما يشوف مباراة وحدة يشوف مسار موسم كامل. نفسهم اللي طالبو باشراك رودري، لو ان انصاب امس وغاب فترة طويلة كان عطونا محاضرة في كيفية ادارة الدقائق.

لو شخص قالي قبل التوقف راح نلعب كل هذي المباريات، كل 3 ايام، و 3 منها خارج الارض بشكل متتالي مع اصابة كوندي، ايريك، رافينها و كريستنسن والمباراة الوحيدة اللي راح تخسرها هي لقاء باريس كان ما صدقته. المفروض المطالب تكون واقعية ياخوان، لا نبالغ بردات الفعل ونقصف ابو الفريق علشان اول خسارة في الموسم. قابلنا بطل اوروبا مرتين بشكل متتالي من وين جايبين كل ذي الثقة بأننا قادرين نكتسحهم في ملعبهم ؟ باريس فنيا افضل والكل يدري بهذا الشي، مو عيب تعترف بهذا الامر. خسارة في المجموعات ممكن تعوضها مستقبلا الاهم الان التأهل في الابطال والحفاظ على الصدارة في الدوري مع توسيع الفارق وممكن مستقبلا نقابلهم في الاقصائيات، وقتها ممكن تلوم فليك ليش اشرك هذا وما اشرك هذاك اما الان ادارة دقايق اللاعبين هو الخيار الافضل مع هالجدولة.

خسارة مستحقة، الفريق ككل قدم اداء سيء وخاصة لاعبي الوسط معاهم غوردون واديمي الحسنة الوحيدة شفنا اسبارت يلعب في مستوى عالي ويتألق وكذلك غارسيا ما عدا ذلك كل شيء سيء، اتمنى فقط اصابة اولمو ما تكون قوية ويلحق الكلاسيكو.

خط الهجوم بالكامل سيء اليوم مو فقط في الحركية حتى تمريراتهم تفتقد للحدة

ذيباااااااان ياماااال