رويال فيفا 💰

🚨🚨 🚨 🚨 🚨 🚨 🚨 🚨 🚨 🚨 أعلنت EA انها بتتدخل لإيقاف جنون تكتيك 95 عمق! 😱😱 التحديث القادم بيكون فيه تحسين الذكاء الاصطناعي الهجومي، لأن المشكلة الأساسية مع الضغط العالي ومصيدة التسلل المتكررة هي أن اللاعبين بالذكاء الاصطناعي ما يعرفون كيف يتصرفون ضدها! • وفيه اقتراحات إضافية بزيادة استنزاف اللياقة عند استخدام هذا الأسلوب. — لكن المثير للاهتمام ‼️ محلل عالمي يشوف أن تكتيك 95 عمق مو قوي أساسًا، ولا يستخدمه المحترفين التوب يعني ما يستخدمه الا الصيصان ! بمجرد ما تتقن تمريرات L1 + مثلث، تقدر تسجل 10 أهداف وأكثر ضد هذا التكتيك. المشكلة مو في قوته، المشكلة أنه يجبرك تلعب بطريقة معينة ويقتل متعة المباراة! لكن إلى أن تصلح EA المشكلة، هذا هو الحل الوحيد حاليًا.

🚨 أكبر غلطة في بناء الهجمة تخليك تخسر مباريات وأنت ما تدري! .. إذا تلعب بخطة ضيقة وتعتمد على تمريرات X بشكل متكرر، فأنت قاعد تصعّب الهجوم على نفسك! السر مو إنك تمرر من العمق طول الوقت.. السر إنك تستخدم الأطراف عشان تفتح العمق! ⚠️ هنا المدرب العالمي Venny يعلمك كيف تستغل المساحات وتفكك دفاع خصمك: 1️⃣ ابدأ بناء الهجمة من الظهير لا تستعجل وتكسر خطوط الخصم بتمريرة في العمق كل مرة. غالبًا الظهير هو خيارك الأكثر أمانًا للخروج بالكرة من الدفاع، ومنه تقدر تبني هجمة سريعة أو تمرر للأمام إذا كانت المساحة متاحة. 2️⃣ اسحب لاعبين الخصم وافتح المساحات بعد ما توصل الكرة للظهير، استخدم توجيه الاعب لتحريك لاعب الوسط باتجاه الطرف وسحب لاعب من الخصم . طريقة تنفيذها: • اضغط L1 باتجاه اللاعب. • حرّك الأنالوج الأيمن بالاتجاه اللي تبي اللاعب ينطلق فيه. كذا تفتح لك خيار التمرير على الطرف، وتجبر خصمك يغيّر تمركزه، وتقدر تتجاوز ضغطه لأن لاعبه صار خارج موقع التغطية. 3️⃣ هنا تبدأ الهجمة الحقيقية بعد ما تسحب لاعبي الوسط بعيدًا عن العمق، لا تستمر في التمرير الجانبي بدون فائدة ! راقب تحركات لاعبيك، وتحرك خصمك، واللاعب اللي يتحكم فيه. أول ما تلاحظ مدافع يتقدم من مكانه، استغل المساحة خلفه بتمريرة بينية للمهاجم وانطلق للمرمى . 4️⃣ لا ترتكب نفس غلطة خصمك ❌ شوف الفرق: خصمك يستلم الكرة ويحاول بالقوة يمرر من منتصف الملعب، بينما يقدر يلعب للظهير ويبدأ بناء هجمة منظمة وسريعة. لما تتوقع تمريرته وتقطعها، تقدر توصل الكرة مباشرة لمهاجمك وتصير فرصة خطيرة لك ؛ لأنه بنفسه حوّل الدفاع إلى مواجهات ثنائية صعبة. الخلاصة: لا تحاول تخترق العمق بالقوة كل هجمة. وسّع الملعب، اسحب لاعبي الخصم للأطراف، وبعدها اضرب من المساحة اللي تركوها . جرّبها في مباراتك الجاية، وبتفهم ليه بناء الهجمة أهم من مجرد كثرة التمريرات السلبية ! 🎮