فيصل العضياني

لا تغرك .. زمّة ( ضعاف الراوبع ) الضعافه .. جرحها .. ماينتداوى من يشوف الفرق فـ الخمس الاصابع مايشوف ان .. ( الرياجيل ) .. تْساوى

كل ماشفتك تنشد عن القاف الجديد استثير الشوق .. واطلق عنان القافيه التعب مع بنت فكرٍ يقص بْها الحديد يعتبر لا اجلك .. يابنت النشاما عافيه

خصمنا فـ الحروب القاسيه ماتجرّا يْتبيّن ويظهر من ( بطون الخنادق ) لو يحاول يطلع .. خشمه اليوم برّا بتسابق على خشمه خشوم البنادق

الله الله بما يرضي غرور القريحه ياضميرٍ تفرد بـ القصيد وتساما الحزن ضك صدري لكن الله يبيحه مثل ماضكت العبره حلوق اليتاما اتضايق واسج بْقاع الارض الفسيحه لين ماقامت اللهفه بـ صدري تناما ياحبيبي نشرت الشعر لا اكبر شريحه لكن عْن اكثر الاوصاف قمت اتعاما المليحه .. تليق بْها البيوت المليحه وكم كتبت المشاعر فيك ياما وياما عودك اللي مع الغربي يامسرع مطيحه مثل غصنٍ .. لاهب الريح .. قام يتواما يقصر الشعر عن ورده ولونه وشيحه لكن اللي ماقصّر في .. نحرك الخزاما انتبه لي .. مادام ان المشاعر جريحه والمخاوف على الصدر الحزين اتراما ( الظغوطات واجد ) والليالي شحيحه كيف ماجادت بـ مثل .. الليال القداما المحبه ماتغشى العالم المستريحه الحبايب تعذّب .. والعواذل .. نياما لكن لـ عينك اللي فـ الموادع صريحه طحت من شانها لكن ( طيحة نشاما )

جاري البحث عن طاقة شغف لـ الضمير عقب قلّ الشغف والصبر اخذ منحنى من دعم قوة الادراك .. رايٍ بصير مايصل لـ الطموح الا بجهد وعنا ان تجرع من هموم الزمان المرير يذكر ان تالي هموم الليالي .. هنا تمشي الليال عمري مثل مشي الضرير والعجل .. لو يعامل بالركاده فنا يانصير الحبيب اللي فقد له نصير لا يطوّل .. غيابك ويهدم مابنا حاول يْترجم الاحساس عبر الاثير لكن الخوف بعدك من شعوره دنا من خذا رغبة الجاهل وطيش الصغير لو تقف له .. تقاليد العرب ما انثنى ومن ملك .. قلبٍ رهيّف وعقلٍ كبير ودي انه بـ هذا الوقت ماهوب ( انا )

الجديد : youtu.be/U1_ScgD8aw0?si=XxKW…

نرخص الاموال لـ عيون نابية الفقار الطفاح .. اللي بعيد الثرى عن زارها والله ان اغلا المواريث حب ام الحوار اللي تشوف اكثر اهل الشعر شعارها صار راع البل ينافس هوامير العقار قيمة الفلة .. شناحٍ تعضد حوارها