فيصل عطـا

كل الذي مديـن(ن) لنا يوم معروف مسمـوح لو رد الجمـايـل منــاصيف مـار البلـى عن ردهـا دايـم حسوف صـرنــا نتكفّـى شـر رد المعـــاريف

كُلَ مَن تخلّى عنْك لَم يَكُن مَعكْ مِنذُ البدايه.

يا عيد لو تدري بجمر المواقيد ما لمتني وتصير مثلي تعاني اشكي ألم ذكرى وفرقى مواديد ما للفرح بين المخافق مكاني اشبه نفس ميّت رجاه التناهيد عقب شهقه صكّت عليه المحاني ضاعت حلولي والزمن زاد تعقيد وضاع الامل في مبهمات الاماني هلّت هلالك بالسما لـي تناكيد تشبـه امقدم بـالتعازي تهاني

اللي برا بالحال يا صاح وادمِر شوفة عزيزٍ ذله الوقت وادوى يا زايد القهـوه على مرهـا مِر لو كان بيدي ما تقهوي تقهوى

اثــر القــدر مـا دون حتفـــه منبــه مشيـت دربٍ للمهـــــــالـك يـــــودي جـرح المحبـه كثــر عمــق المحبـه غلطـه حفـرت اعمـاق جرحي بيـدي

كالعبـره اللي بيــن الأنفــاس شـــرقــا لا سيّـلـت دمعــــه ولا طـاب لـه حـــال صعب الرحيــل ان كـان بالـود تبقــــا وأصعب بقـــاك إن كـان بالـود رحّــال #فيصل_العطـا

تعبت ابيّـن مقصدي للمفـاهيم بتفسير مقصودي على طبع فاهم أصدّر نـوايــا وضح تورد مجاهيم وأعذر خبيث الطبع واقـول واهم #فيصل_العطـا

سلــم علـى وقـت الشـدايـــــد وقلّــه لــولاك مـا بــان الـرخـى بـالمخـاليــق سيـفٍ ينـومـس بالمـلاقــــات سلّــه وسيـفٍ ما بيـن اثنيـن عرضـه وتعليـق #فيصل_العطـا

محاولات النسيان تجديد للذكرى ووفاء فطري نبيل .. !