🔵 شروط النشر : 1🔴 يكون الموضوع واضح ومباشر. 2🔴 الإبتعاد عن الدراما والتأليف. 3🔴 الإبتعاد عن قضايا السياسة والعنصرية. 4🔴 متابعة الحساب. 5🔴 التأكد من تعديل الأخطاء الإملائية قبل الإرسال. 🟠 نعتذر عن الحذف بعد النشر. 📩 الفضفضه يتم إرسالها لنا عبر صندوق الرسائل الخاصة.

#فضفضه الحمدلله ربي رازقني ومنعم علي لكن واحد من خوالي حاسدني وكل مانجتمع عينه علي ويدق بالكلام ما ادري وش اسوي معه الصراحه اعطوني حل تكفون.

#فضفضه تكفون دلوني على مستشفى مجاني بالقصيم للعيون احتاج عمليه ازاله الماء الأبيض لابوي الله يحفظه وماعندنا قدره مالية وظروفنا صعبه الله يجزاكم خير ياليت تساعدوني بطلبي.

#فضفضه عمري ٢٢ شغال على نفسي الحمدلله ومتوظف من عمري ١٨ وجمعت لي مبلغ يقارب ٦٠٠ الف هل تنصحون اتزوج فيها ولا اشتري سياره غاليه ولا استثمره ؟

#فضفضه متخرج من دفعة كورونا ولا لقيت وظيفه تليق فيني وقبل ثلاث سنين قالي احد الاقارب تعال تزوج بنتي واسكنو بجنبي وانا رفضت بحجة اني مالقيت وظيفه ولا اقدر اصرف على بيت وانا نادم على هالقرار لاني احس اني تسرعت سؤالي لو اجيه الان واطلب يد بنته هل ممكن يوافق ؟

#فضفضه جاني اكتئاب بعد الولاده وصار له 5 شهور ويحتاج علاج وماقدرت اخذ الدواء النفسي خفت منه وزوجي اخر فتره متغير علي وتخاصم معي لاني مكتئبة وهالشيء ماهو ذنبي ولا حتى يشجعني اتعالج تعبانه نفسياً واحس حياتي تدمرت لا قادره اخذ الدواء ولا قادره اعيش طبيعي وش اسوي هل الدواء يعالج فعلاً ؟

#فضفضه كنت احب شخص لمدة كم سنة وبيوم صحيت على رسالة منه وكلللي لهفه لكلامه وانصدمت يوم قريت انه يبي البعد عشان رضى امه باليوم الوطني 23 سبتمبر بنكمل سنه منفصلين وكل العالم تنتظر اليوم الوطني بكل حب وحماس وانا قلبي يوجعني بكل ثانيه يقرب فيها اليوم الوطني .. انا تقدم لي شخص والحين انا بين نارين اخاف ارفضه واندم واخاف اوافق ويجيني اللي قلبي يبغاه بعدين استنى اللّٰه يستجيب دعواتي وانا كلي امل واحترت ولا ودي اظلم ولد الناس معي.

#فضفضه انخطبت ومرتاحه بشكل مبدئي بس شايله هم جسمي واسمرار الاندر ارم عندي والمنطقة الحساسه هو اكثر سبب يخليني افقد ثقتي بنفسي ممكن نصايح تكفون.

#فضفضه بستفسر عن منصة فهيم التعليمية عند التسجيل طلب مني ارفاق بطاقه الهويه ! هل هذا مخالف أو عادي ؟ واللي جرب هالمنصة كمعلم ياليت يفيدنا عنها.

#فضفضه ايش الحل لانقطاع الدورة لاني رحت لدكتورة وسويت تحاليل وسونار بقى شهرين ويصير لها سنه ماجتني عمري ٢٢ حتى العلاجات الشعبية جربت ومافاد شورو علي.

#فضفضه عمري ٢٤ واهلي بالرياض وقت كان عمري ١٥ تقدم لي واحد من الجماعه وانا كنت رافضه حتى ابوي كان رافض بس امي اقنعت ابوي ووافق وتزوجت هو من الديره وتزوجت هناك ما احكي لكم كمية الفرق الي حسيته من مدينه لديره هذا غير ان سكني كان مع اهله بغرفه وحمام بس بدون شقه وبعد زواجي بكم شهر في واحد يقرب لزوجي تقدم لبنت خالتي وهي بعمر ١٧ الغريب ان خالتي رفضت وامي جلست تشجع خالتي ترفض وان بنتك صغيره وهو من ديره لاتزوجين بنتك وقتها جلست مصدومه طيب وانا ليش وافقتي والان وبعد ٩ سنوات من زواجي في واحد تقدم لاختي الصغيره عمرها ٢١ بس امي ما أجبرتها بالعكس قالت براحتك حاولت احط اعذار لتصرفات امي بس ماقدرت الان وبعد كل هذي السنوات كل مره احاول اسامح امي ومقدر كرهتها كره مايعلم فيه الا الله وقفت تعليمي وكرهت نفسي وزوجي هذا غير تعامل امه معي كأني خدامه أحتاج رأيكم.

#فضفضه انا بنت ساكنه في قريه وفرص الوظائف قليله جداً ولا اقدر اطلع برا ديرتي ابغى شغل اسويه عن طريق الجوال يجيب لي دخل لو بسيط ارجو منكم الاقتراحات الي تساعدني على الوظيفة وجزاكم الله خير.

#فضفضه اخوي تعرف على بنت وخلاني اتعرف عليها واقابلها مرتين وافتح معها موضوع الزواج والحمد لله ربي تمم لهم على خير والحين متزوجين صديقتي فتحت معي موضوع انها تبيني لاخوها وكلمت اخوي بالموضوع وقلت تعرف على الرجال شوف مناسب او لا قبل يجون وزعل مني وقاطعني له ثلاث شهور أحتاج رأيكم.

#فضفضه عندي معاناه من ١١ سنه صعوبه بالنوم ان نمت الليل ع ١٢ اصحى الفجر ومعاد اقدر انام وان واصلت بلا نوم معاد اقدر انام الا بعد ٢٤ ساعهة مستحيل اقيل أجلس افكر هل بقدر انام لو شوي بعد تعب الدوام لكن مافيه امل الموضوع سبب لي قلق صرت اطفش من وضعي كيف كذا نومي قليل دايم ارهاق ولا اقدر اقيل واريح نفسي هل في احد مثلي وهل فيه حل ؟

#فضفضه عمري 22 ابتليت بحب وحدة اكبر مني بثلاث سنوات ولنا اكثر من 3 سنين وماني قادر اتخطاها وبنفس الوقت هي ماتبغى تدخل معي بعلاقة مباشرة دايم كل ماصارحتها تقول انا ماشوفك كزوج مستقبلي ولكن تكفى لاتروح وتخليني مدري وش اسوي هل اتركها واشوف حياتي الي متوقفه علشانها ولا اقعد ببصيص امل انها ممكن تغير نظرتها عن الموضوع وتوافق علي ( مع العلم اني موظف عند الوالد وقادر على الزواج باي وقت تكون هي فيه موافقه علي ) شورو علي الله يعافيكم ويجزاكم خير.

#فضفضه كانت عندي صديقة من سنين وكنت أغار منها بشكل مو طبيعي لأنها محبوبة عند الكل بيوم عرفت إنها مقدمة على فرصة كانت تتمناها من زمان ورحت من وراها وخربت عليها الموضوع بطريقة ماتخلي أحد يشك فيني ولما عرفت إن الفرصة راحت عليها جلست أواسيها وأقول لها إن ربي بيعوضها بعدها بفترة اكتشفت إني أنا السبب وبدل ما أعتذر قلت إنها أنانية وما تتمنى الخير لأحد وإنها تتهمني بس لأنها تغار مني ولما واجهتني قدام صديقاتنا بكيت وقلت إني أمر بظروف صعبه وإنها تستغل ضعفي عشان تجرحني بالنهاية البنات صاروا يواسوني وهي طلعت الشريرة وأنا كنت أرسل لها بالخاص أقول لها حسبي الله عليك لأنك شوهتي سمعتي للحين أشوف إنها غلطانة لأنها فضحتني بدل ماتسامحني أحتاج رأيكم.

#فضفضه لقيت عند زوجي واقي ذكري علماً ماقد استخدمناه وانصدمت انه يرفض نستخدمه وقت العلاقة ودايم يتكلم على اللي يستخدمونه ان عندهم علاقات محرمة جاني تساؤل ليه عنده وش السبب انه مخبيه ؟

#فضفضه خريج جامعة الملك سعود تركت مهنتي وتوجهت للغوص التجاري والحمدالله خلال 6 سنوات صرت غواص تشبعي وراتبي حالياً 170 الف بالشهر اشتغل 5 شهور فقط بالسنة واستلم 850 الف بالسنة كاملة والباقي إجازة وعمري 32 ولكن الزواج صعب بالنسبة لي خطبت فوق 4 مرات وكلهم يرفضوني بحجة عملي الصعب واللي يتطلب بعد وش الحل ؟

#فضفضه هل الخطيب الانطوائي اللي مايتصل كثير يتغير بعد الزواج ؟ رغم انه بالزيارات لاصق فيني ؟

#فضفضه ولدي وقف معي وقفة ما أنساها في فترة مرض أخته وكان سندي وعوني بعد الله وعاش معي الخوف والقلق ووقف كثير من أموره وحياته عشان يكون بجانبنا الآن أشعر أن الخوف على أخته ما زال مسيطر عليه وأصبح جالس بدون وظيفة وكأنه ماقدر يرجع لحياته الطبيعية بعد كل اللي مر فيه أنا كأم أخاف عليه وأتمنى أشوفه ناجح ومستقر وعايش حياته ويبني مستقبله من غير مايشعر أن ابتعاده عن أخته أو انشغاله بمستقبله يعني أنه تخلى عنها سؤالي لكم كيف أساعد ولدي يتجاوز الخوف والقلق ويرجع يركز على مستقبله ويبحث عن وظيفة من غير مايشعر بالذنب تجاه أخته واللي مر بتجربة مشابهة أو عنده نصيحة من القلب أتمنى يفيدني الله يسعدكم فالأم تتمنى تشوف عيالها كلهم بخير وما يجيهم من الحياة إلا كل جميل.

#فضفضه عمري ٢٩ سنه ابي أتزوج ومحد تقدم لي بحثت عن خطابه وحصلت لي رجال مناسب وأبيه بس اهلي يتعيبون الخطابه انو جايين من طرف خطابه من هي ويشكون وابي مايشكون فيني قلت للخطابه اني مو البنت أنا من أقاربها واخاف اهلي لو دقوا عليهم أهل العريس بيقولون من انتي وكيف جبت رقمنا خاصه إنهم من منطقه ثانيه وش أقول للخطابه علشان تقول لهم هل أقول قولي لهم إنهم جايين مو من طرف خطابه بس شلون اخوي بيسأل وأهلي يحققون من دلك علينا واخاف من كثر الضغط عليهم يقولون الحقيقه وأنهم جايين من طرف خطابه وش اسوي كيف أتصرف بحيث انه ماينكشف انه الموضوع من طرف خطابه ؟