حمد بن حارث

زهقت من سب سوريين الإمارات مين الحمار الثقة بالنسبة الكم الي قلكم انو الامارات كلها فلول وشبيحة؟ غير اخوان مصر و فلسطين الامارات دولة قانون ومؤسسات، خلي القضاء السوري يطلب رسميا اي سوري مطلوب موجود هون، واذا ما تم ترحيله وتسليمه فورا خود الي بدك ياه. الي 40 سنة بالامارات، من ايام ما الشيخ زايد الله يرحمه استقبل السوريين بعد احداث الانقلاب وبعدها احداث حماه ، ووقتها جبر النظام السوري بالغصب وبالاجبار يجدد جوازات الكل لما وقفوها.. والدي شخصيا انسحب جوازه بالسفارة وتركه، ولما خلصت اقامته قال للسلطات الامارتية جوازيبـ السفارة، وخلال يومين بس كان الجواز واصل عالبيت. تسفير الفلول وغيرهم هون شغال وكتير، بس الدولة عندها ضوابط وقانون واول دليل تسفير مضر الدرزي.. بالامارات عادي تكتب وتعبر متل ما بدك طالما بدون تجريح شخصي لسوري تاني عايش معك بالبلد وبدون ما تدعي للقتل او الاجرام، وانا بعرف كتير من اتباع الاسد تسفروا بنص الثورة بس لانهم مدوا ايدهم عسوري تاني معارض بقهوة او بالشارع. حتى قرار منع رفع الاعلام الاحمر و الاخضر بوقتها كان لمنع اي استفزاز او صدام بين الطرفين، لدرجة انو السفارة السورية ما كانت تسترجي تعمل اي فعالية برا سور السفارة حتى بوقت الانتخابات. واذا بدك اشرحلك قصة اعادة العلاقات، ترا ما كانت دعم للنظام وكان في توجه مشابه وقريب من السعودية والبحرين.. ومتل ما الامارات بعتت مساعدات وقت الزلزال للسوريين بمناطق النظام رغم انها انسرقت، هي نفسها الدولة الي كرمت الخوذ البيضاء ودعمتهم ماليا وفازوا بفضل تصويت السوريين جوا الامارات، بالوقت الي كان النظام فيه بيعتبرهم منظمه ارهابية .