Hausa Hackathon Africa 🇫🇷 🇳🇪 🇳🇬 🇨🇲 🇬🇭

Jawabin Dakta Moussa Garba yayin ziyarar Sarkin Daura a Faransa Ni ina aiki a Bankin Faransa, Watau galibin ayyukan da muke yin bincike sosai kan dangantakar harshe da kwamfuta, abin da ake kira NLP. A yau, ana iya tattara harsuna, a nazarce su, a kuma shigar da su cikin na’urori, har da harshen Hausa. Na san kowa ya san abin da ake kira kirkirariyar basira ( Chat GPT) Harshen Hausa ya bunƙasa tun da farko ta hanyar rubutun Ajami, sakamakon hulɗarsa da duniyar Musulunci da kasar Hausa suka samu. Wannan rubutu ya ba da dama a yada ilimi, addini da al’adu cikin Hausa tsawon ƙarnuka. Daga baya kuma, bayan zuwan Turawa, rubutun boko ya bayyana, ya kuma ƙara faɗaɗa rubuce-rubuce da ilimi a Hausa. Saboda haka, Hausa ta shiga cikin na’urori: waya, kwamfuta, manhajoji da basirar wucin gadi. Wannan babbar nasara ce. Amma akwai haɗari: Turawa suna saka kuɗi da ƙarfi wajen tattara da nazarin harsunanmu, wani lokaci fiye da mu kanmu. Idan ba mu tashi tsaye ba, za mu zama ’yan kallo a cikin harshenmu. Mu yi alfahari da harshennmu na Hausa. Mu mutunta tsarin rubutunta. Kuma mu rungumi fasaha da kwamfuta, domin a wannan zamani, babu harshen da zai ci gaba ba tare da su ba.

Da farko, Sheikh Ridwan ya yi addu’a ga ƙasar Ghana da kuma yankin Ashanti. Daga nan kuma ya yi addu’a ga Sarkin Ashanti na Ghana, inda ya yi masa nasiha cewa abin da ya fi dacewa shi ne a mika komai gaba ɗaya ga Allah Maɗaukakin Sarki. Shi mutum, Allah ne Ya halicce shi kuma Shi ne Maigidan sa. Idan aka mika mutum a hannun mutane, suna iya sake shi ko su bar shi a kowane lokaci. Amma idan Allah Ya ba ka kariya, Ya tsare ka, to za ka kasance cikin amincin Allah daga duk wani sharri. Haka kuma, ya yi addu’a cewa Allah Ya tsare Sarkinmu na yankin Ashanti, wanda shi ne Sarkin Sarakuna na Ghana. Shi ne kuma mai ba Shugaban Ƙasa shawara ta musamman a wasu lokuta, kuma shi ne ke kula da harkokin zaman lafiya a faɗin ƙasar Ghana baki ɗaya. Saboda haka, na yi masa addu’a cewa Allah Ya sanya shi kamar babban tudu mai ƙarfi, wanda babu wani abu da zai iya girgiza shi ko ture shi. Wannan ita ce addu’ar da na yi masa. Was-salām. Haka kuma, na yi masa addu’a cewa Allah Ya shiryar da shi, Ya kuma ba shi ikon karɓar Musulunci a wata rana. Shukran.

God blesss tunibu