حمد الجريسي

أعاني هالفترة من الاحتراق الوظيفي، وحقيقة أول مرة أكره الدوام بهذا الشكل، ويجيني شعور: طيب إلى متى؟ هل عاجبني المسمى الوظيفي ؟ هل لو غيرت المكان بيتغير شعوري؟ هل أنا استنزفت طاقتي؟ ولا المكان هو اللي استنزفني؟ بالبداية كان الموضوع مع الإدارة، أهلكوني بشكل، وكنت أتصدى وأحاول بكل الطرق إني ما أخليهم يمسكون علي شيء. سبحان الله، تغيرت الإدارة، لكن باقي شخص واحد فيها، ولا زالت العيون علي. لكن وصلت لمرحلة أقول: طيب واذا؟ يصير اللي يصير. الرزق وكل شي بيد الله ومكتوب سبحانه وتعالى . وبديت أفكر: هل فقدت الشغف؟ أو إن الموضوع أكبر من كذا؟ سبحان الله، بيئة الدوام مهما كانت تأثر عليك، سواء كنت شخص نشيط، منجز ومتحمس، إلا إنها بالنهاية تأثر عليك. يمكن أحيانًا المشكلة مو فيك، ولا في شغفك… يمكن البيئة نفسها تستنزفك أكثر مما تتوقع.