Pinned Tweet
بنت كويتية، تتزوجين كويتي وتكونون أسره،وبعد ١٥ سنه زواج واكثر لله الحمد، فجأه زوجج مو كويتي، عيالج مو كويتيين،حقوقهم كلها تروح، بيتكم الي ناطرينه كل هالسنوات يروح، الأمان الهويه المستقبل كله راح، ليش؟ لان جدهم تجنس بالقانون قبل ٢٥ سنه وفوق 🤷🏻♀️ ادري انكم وايد يا بنات الكويت وينكم🇰🇼
Anonymous retweeted
ادعوا الله في ساعة الاستجابة
#امهات_المسحوبة_جناسيهم
Anonymous retweeted
بعض نتائج الدراسة
١- بلغت نسبة الاكتئاب الشديد 30.4%، واذا اضفنا إليها نسب الاكتئاب المتوسط تصل النسبة إلى 75.5% وهي نسبة مرتفعة جداً.
٢- نسبة من يتمنى الموت بلغت 18.8%، وهي نسبة مرعبة جداً.
٣- %77 مروا بفترة اكتئاب خلال السنتين الماضيتين
4- %17 من المشاركين تم تشخيصهم طبياً
Anonymous retweeted
تكملة النتائج:
٥- %81.8 شعروا بالكآبة خلال الاسبوعيين الماضيين
٦- ٪ 90.9 شعروا بالحزن أو اليأس خلال الاسبوعين الماضيين
٧- %48.5 راودتهم فكرة الانتحار
٨- ٪60.2 لم يخبر أحد أو يطلب المساعدة من أحد.
٩- ٪ 70.6 من المكتئبين بسبب الشعور بفقدان الامان
Anonymous retweeted
والله لقد أنهكتني الظروف وأثقلت قلبي فوق طاقتي… بين مصاريف واجار البيت واحتياجات عيالي، أصبحت عاجزة عن تدبير كل هذه المسؤوليات.
يا أهل الخير، أرجوكم لا تتركوني وحدي في هذا الوقت الصعب، أي مساعدة مهما كانت بسيطة قد تفرّج همّاً🙏🤲
#ابناء_التبعيه
Anonymous retweeted
يطري علي العز و المجد و الطيب
و أشوفها يا أبوي لا صرت أشوفك
يعيش راسك للوفاء و المواجيب
يا النادر اللي نادراتٍ وصوفك
#سحب_الجناسي
Anonymous retweeted
بني ادم دم ولحم مشاعر واحساس وكيان
تعدمونه بالحياة !
يا قساوة الأنسان على الإنسان
Anonymous retweeted
كان يامكان بس مو بقديم الزمان،بنت كويتيه تزوجت كويتي صفة أصليه ابوه كويتي يتيم تجنس على أمه بصحيح القانون قبل اكثر من ٥٠ سنه ويابوا عيال كويتيين وكبرت اسرتهم وكبروا عيالهم وعقب ١٦ سنه زواج انسحبت جنسية زوجها وتبدل حالهم و زال امانهم ومايعلم بنهاية قصتهم الا ربهم
#ابناء_الكويتيات
Anonymous retweeted
Replying to @Nesafi
جمال النصافي..
رجل قال كلمة الحق بحق وطنه، يوم الكل سكت.
ما جامل، وما نافق، وما حسب حساب لأحد، حسب حساب لضميره ولوطنه بس
اللي مثلك يا جمال ما يوقف ورا الكواليس، يوقف قدام الناس ويقول الحق لو على رقبته
نعم الرجل أنت، ونعم الصوت اللي يمثل الوطن بصدق، مو بمصلحة
بيض الله وجهك يا جمال، وكثر الله من أمثالك، لأن الوطن إذا كان فيه رجال مثلك، ما يضيع أبد 🌹🤚🏼
Anonymous retweeted
أقوم بدراسة لظاهرة الاكتئاب في الكويت. أرجو المشاركة بالاستبيان من خلال الرابط التالي:
forms.gle/mGwaHsU5vAiztp3LA
Anonymous retweeted
ب بيتنا الي خليناه ورانا وطلعنا
امي كانت مستأنسه بالأثاث والديكور الي مسويته جديد
وعقب شهرين ب٤ يوم من السنه الجديده ٢٠٢٦
والناس نامت وهي تدعي يارب سنة خير علينا
الساعه ٦ الصبح ننصدم بالكشف الي فيه اسم جدي
هذا حال كل بيت كويتي مستانس و مرتاح ب بيته الي تعب عليه
ليش هذا كله
Anonymous retweeted
اعوذ بالله يا تبعات سحب الجناسي
كل يوم اصعب من اللي قبله
خصوصاً إذا كنت برئ ورب اسره وعندك عائلة واطفال
وانت محاصر لاوظيفة ولا مصدر دخل وحساباتك مجمدة
الحين تعرف لما قال وزير الخارجية السابق إنها إعدام مجتمعي ولها تبعات
فعلاً قال الحقيقة
Anonymous retweeted
موت الشعور تجاه الضعفاء والمظلومين، من علامات قسوة القلب .
وفي الحديث دعا ﷺ لأصحابه الذين أُسروا وقال في آخره :
( اللهمَّ أنْجِ المستضعفين من المؤمنين )
Anonymous retweeted
Replying to @teachermq8
إنتي الحين مو بس زوجة وأم، إنتي الوطن حق عيالج، وإنتي الأمان، وإنتي السند اللي واقف بروحه ويحاول يلم شتات عائلة كاملة ..
الله لا يضيع تعبج، ولا يضيع دموعج. إن شاء الله ربي يجمعكم على خير، ويعوضكم عن كل يوم فراق، ويجعل هالصبر هذا باب فرج كبير لكم
إنتي مو بروحج، وقلوبنا معاج، ودعائنا لكم ما يوقف ابداً
Anonymous retweeted
حرمتوا الأسره حتى من الأكل دجاج وعيش البنت الكويتيه تروح التموين تعطونها حصتها بروحها مع خدامتها وعيالها وزوجها مالهم شي الموضوع يذبح كسرتو بناتكم الكويتيات معاشها ينزل تدفع اجار ولا قروض ولا تمچل البيت ولا معاش خدم شنو المفروض نسوي ياناس وصلت العظم يابشر البنت الكويتيه انهارت
Anonymous retweeted
Replying to @OmMeshaldyc
الله يعين مايدرون بهالقرار ات اكثر وحدة تبهذلت وانذلت هي المرأة الكويتية اللي ما نحسب لكرامتها وعزتها اي حساب تم السحب من زوجها وعيالها وتمت تواجهة ما لا خطر على البال .. اهانة وذل .. وهي لما تزوجت تزوجت كويتي …
# سحب الجناسي
# المرأة الكويتية
Anonymous retweeted
إقامة عاملتنا المنزلية بتنتهي، والصدمه إن زوجي ما يقدر يجدد لها إلا بتحويلها باسمي، والأدهى إنهم يطلبون تحويل كل العمالة المنزلية اللي باسمه إلى اسمي!
منو قال لكم إني أبي أصير كفيلة للعمالة غصب عنّي؟! وليش تُفرض عليّ مسؤوليات ما اخترتها؟!
أنا بنت هالديرة، عمري ما احتجت أراجع هالأماكن، زوجي كان قايم بكل شؤون بيتنا، واليوم صرت أواجه معاملات وقرارات غيّرت نظام حياتنا بالكامل!
مو بس جنسية انسحبت، هذا أمان بيوت واستقرار عوايل انقلب رأسًا على عقب! 💔
ترى بنات العزّ والبيوت الكريمة مو حقل تجارب لقراراتكم! لا تختبرون صبرنا ولا تستهينون بكرامتنا،
مو من حق أحد يقلب حياتنا ويحمّلنا فوق طاقتنا!
ترى ورانا بيوت وعيال ونفوس أنهكها القهر، وللصبر حدود! 💔
#امهات_المسحوبة_جناسيهم
#أبناء_الكويتيات
Anonymous retweeted
أي قهر وأي ظلم هذا؟! 💔
تتصل فيني مدرسة عيالي الابتدائية وتسأل: شنو سبب قبول بنتج؟!
معقولة عيالي الكويتيين، اللي تخرّج إخوانهم من نفس المدرسة، صار اليوم قبولهم محل تساؤل؟!
أبوهم كويتي جُرّد من جنسيته دون سبب مقنع، فبأي ذنب يُحاسَب أطفاله؟!
نطالب بضمان حق عيالنا بالتعليم دون تمييز أو تضييق، فالتعليم حق أصيل وليس منّة من أحد!
حسبنا الله ونعم الوكيل
#أمهات_المسحوبة_جناسيهم
#أبناء_الكويتيات
#أريد_حق_عيالي















