حمد ال كرّوز retweeted
اسعد الله اوقاتكم جميع
الشعراء والشاعرات من كل مكان
تنويه مهم
موضوع الحلقة السابعة من الموسم الثالث من مسابقة #مثايل للشعر النبطي
يطرح يوم ١-٩ واستقبال المشاركات حتى ١٠-٩
على حساب
#وزارة_الثقافة
حمد ال كرّوز retweeted
حنا بدو عن خوافينا غلاظن شداد
بصدورنا صرح حتى كروش ماتسهجه
اللي مابانت سُعاده قال بانت سعاد
واللي تردّت ظروفه قال متفرجه
لوِن لمزوّر الضحكات هيئة فساد
شفت اكثر الناس خلف السور والمزلجه
حمد ال كرّوز retweeted
ينصر المظلوم و يرد كيد الظالمين
و المعادي كل ما بان غله يكعمه
كان قلَّو عقب ابومشعل المتواضعين
من سماته فالتواضع خذو منه سمه
حمد ال كرّوز retweeted
حي الله الي اليا جتني مشاريهه
يطيح قدر اجزل الاعذار واسمنها
غلاه يصعب علي وصفه وتشبيهه
ومكانته لاهب الاشواق يضمنها
حمد ال كرّوز retweeted
ودي ولا ودي و مدري وش أقوول ؟؟
لكن ووودي بك و روحي موووودّه
ما ودي أسلّمك قلبي على طـوول
خايف لا سلمته معاد أسترده ؛)
حمد ال كرّوز retweeted
العيد من دون وجهك ينقلب حوسه
ولا اعسر من ظروفي الا فقدك الاعسر
تعال و نعيش جو الحب و طقوسه
عيونك الله لا يخلي شوفها ( تأسر )
القلب قاسي لكن معها برا قوسه
و شلون يسحر غرامه قلبي الاجسر ؟
ودي أعايدك صبح العيد بـ البوسه
في خدك الايمن و في خدك الايسر 😘
حمد ال كرّوز retweeted
الليل يستنزف أخلاقي و يبحث خفاي
و قد جاني اللي كفاني لين ما سدّني
أخفّي الضيق عن وجهي لا جيت أصدقاي
و انا مابه حاجه من الضيقه تلدّني
مشكلتي أعرف بلاي الله يسامح بلاي
ليته لا دورت حبل أوصاله يمدّني
يحدّني لـ الهجر !! و يقول ذا مبتغاي
والله لو شاف حبه كان ما حدّني
لا تنشد مناي وشهو و انت غاية مناي
و أعدّك أغلا خوي يا ليييتك تعدّني
أعماني الضيق لين أقفيت على عماي
و انا لو أزل دربك ( طالبك قدّني )
ما شدّني كل قاااطع زين يسرق غلاي
بس انت وشلون زينك قادر يشدّني ؟
ما اقول ذا من جزاك ولا غدا من جزاي
لكنني كل ماسرع فالزعل هدّني
محتاج بعض الكلام اللي يهوّن عناي
وبقول صح الله لسانك و صح بدني
أقفيييت متردد و عيني تلّفت وراي
أدور أدناة حاجه ممكن تردني ؛)
- حمد ال كروز
حمد ال كرّوز retweeted
الصاحب الى مشكلة ضعفه الهرج
ودك ما يهرج كل ما شاف هارج
يبلشك و يحطك معا الموقف الحرج
و أن جيت تبغي تخرجه ما تخارج (:
حمد ال كرّوز retweeted
راشد بن محمد ال خديعه '' وهق ''
شاعر مبدع و له أسلوب خاص و مبهر بدون تكلّف ولا عسف
و حتى لو غاب عن الانظار بيوته ماغابت عن الاسماع
هو اللي يقول :
لاتلتفت في حسايف وقتك الماضي
غامر على العز والتوفيق عند الله
و هو اللي يقول :
تصافق همومي مثل موج البحور إليا أصطفق
يوم المغيب اقفى على شمس السما المتجليه
كن السحاب اليا ارتخى متنه على متن الشفق
شملول وضحً .. في دعاثير الحماد امفليّه
ومشاعري يوم الهوى الغربي بحالي مارفق
أمست بـ ذكر الغايبين مرحّبه و مهليّه
في جرة الونه وفي دمع العيون إليا أندفق
مواجعٍ ما جرّبوها العالم المتسليّه
ياغايبً عيّت ظروفي مع ظروفك تتّفق
ذكراك لا زالت على عرش الغلا متعليّه
جنيت في نفسً على وصلك ماوافقها وفق
على شرايد ما تبقّى .. من غلاك موليّه :)
-
و الحديث عن راشد و عن أبياته العظيمه تطول لو ذكرناها كلها لكن اختصرناها و كما انه غد عاد لنا بجديده المبهر و عاد للشعر و جمهوره بعد غياب طويل
و الله يحيي ذا العوده يابومحمد و عوداً حميداً
حمد ال كرّوز retweeted
لاعاد تنشدني وش احساس الصبي لا مات ابيه
مافيه غير .. ( مكابرة عاجز ) و ( عبرة منفجع )
اللي فقد " عونه " بعد ماشاف كل الكون فيه
وش حيلته ؟ .. غير انه يهلّ الدموع الى هجع
ما فارقت بالي .. سوالف عينه .. و لمسة يديه
مستوطنه تسجع .. طواريقه و احاديثه سجع
سافرت جنبه لاجل اوانس روحه و لاجل احتويه
لكن .. قدر ربي عليه .. اني رجعت .. و ما رجع
من كثر ما فقدانه اخلفني .. و من حزني عليه
اسج من موته .. و ادوّر له .. الى ادركني وجع
حمد ال كرّوز retweeted
لا صبّحتني زاح عن قلبي الضيق
من صوتها المبحوح لله درّه
جادل لو تغني '' معا فكة الريق ''
غطّت على فيروز عشرين مره
8:08ص ☕️
حمد ال كرّوز retweeted
ًلو يطول المساء ( مابغي يطوّل سكوتك )
دام عينك تسولف كل ما صرت جاحد
من يصبّح على وجهك و يمسي بـ صوتك
والله انه غني لو ما معه قرش واحد ؛)
حمد ال كرّوز retweeted
الفاتن اللي من الاوصاف مضرب مثال
عز الله أنها ظبي لا قالو انها ظبي
أقول قرب تعال و جاه كبر و تعاَل
و انا لو أصوّت لـغيره يجيني حبي
لكن ( قلبي رهنته عند سمح القبال )
على مشاهي هواه و كيف ماهو يبي
متحرّص من الغزل و الله رزقني غزال
سلهامها يسبي عيون القصايد سبي
انا بشر لو يناضل فالمعاصي نضال
جيزي مثل جيز خلق الله ماني نبي
أصيب و أخطي و مبذر لا ملكت الريال
لكن راسي عزيز و ما أنهزع منكبي
أنتي ؟ ستيرة هل الطاله كرام السبال
و انا ما والله أوّطي سلم جدي و أبي
أجنّبه كل ما يلفت عيون الرجال
'' و أدراّه كني أداّري لحيتي و شنبي ''
- حمد ال كروز

















