كــســر

ذعذع لنا ريح النسيم وجذبنا وحنا لنا بالنصر صوله وجوله حنا هل التوحيد قدوة عربنا على كتاب الله وسنة رسوله

ياما قطعت بعزتي جرهد البيد وعزمت وعزومي تخضر الجرايد مير الزمن ماهوب يوفي المواعيد والصبر كن الصبر ماله فوايد

ماعشقت الا السحابه في سماها ولاهويت الا هوى نـجـد العـذيه

﴿ رَبِّ أجْعَلْ هَٰذَا الْبَلَدَ آمِنًا ﴾

نقلط على القاله مقاليط الابطال لا قـاموا الخبـلان عنها يحيـدون

يالله لا تورينا الجفا في عيون صحيب ولاضحكة الشـامت ولاهرجت المنّـه

ماكل غـايب يبرر غيبته عـذره بعـض المعاذير ما نقدر نمشيها يازارع الارض ﻻتشره على البذره ﻻصار فيها حيـاه و غـاب ساقيها

اللي مضالك امـس ما يرجع اليوم وأرزاق بكـره ماتجي قبـل بكـره

نحب التفـرد فـ زمن المتشابهين حاجةٍ تلهف وراها الناس نعوفها

لك بقلبي عرش الأسياد واحكام الملوك شيـل مـن ودك تشيـله عسـاهم للفنـا

ان جيت خل الكل يفرح بلقياك محبوب عند الناس ويقدرونك وفي غيبتك خل الجميع يتحراك  مثل المطر كل البشر يحترونك

ما نفعني طول بعدي و اعتزالي خابـر ان الحزن ما يسلم طريحـه اعتزلـت الناس في جـوٍ لحالي واثر طـول البعد ما يبري جريحه خذت منك شربةٍ ما عدتها لي مثل سقي اهل الضحية للذبيحه

مصير الايام تكشف لك كنين الصدور كانك تشوف الوجيه وتجهل قلوبها قلبك دليلك ليا اشتبهت عليك الامور لاتقرب اللي يجيك الشك من صوبها

ما تشيل الحمـول الا كتوف الشجاع و ما تهين الشجاع الا ظروف السنين

خل الامل ينبـت ولا تحرق الورد حلو الامـاني تعطي الناس راحـه !

ياما تحمـلنا الخطا لجـل يرضون واصبح خطانا يوم ندمح خطاكم

ماهو خطاك انك تكبر علينا هذا خطانا فوق حجمك عطيناك

ان تجملتـو ترانا عند ظن الطيبين وان ترديتو عذرناكم وحيـل الله قوي

خلك رهين الحق لاتقبل الخطا ولا تتبـع العوجا ولا منـة الناس

من يعمل المعروف فـي غير راعيه روح مراح الكحـل في عين عبـده