#قائد الحرف والقلم

لاهزة غصون الغلأ ذاري النود قامت هواجيسن بصدري تزره والعين حارب طرفها النوم ياسعود كن الدواء في وسط عيني تذره لاجت همومي كلها سهود ومهود مثل القمر يخفي نجوم المجره وان غاب صارةبيض الايام لي سود واليا حضر سود الليالي مسره #قائدالحرف

ياوجودي لون الوجد ماله حصيل وجد من ماتت امه عنه توه طفل ياوجودي على الراحه وجون عليل وجد من ضاع حقه عند رجلاً خبل آه من واهجن بالصدر مثل المليل كن بقصى ضميري لاهبن يشتعل كان واد الرمه مايسيله كل سيل لكن اليوم لو رشة سحابه بِحل #قائدالحرف

ينتابني كل آلشعُور إلآ شُعُور آلإنتقام هذا الوحيد من الشعور ألي ماهو ينتابني اصدمن باب الأدب ماهو بخوف ولاحترام طبعي كذا وانته وطبعك لابغيت اغتابني #قائدالحرف

ايوالذي حط السماء دون عمدان ورفع على سبع السماوات عرشه وحط الجبال اوتاد علام ماكان ورضاً بسطها للمخاليق فرشه انك تنقل بين قلبي والاعيان والنوم لا جاء في عيوني تخرشه #قائدالحرف

صباح المطروالخير والخاطر المسرور صباحاً يعج بريح ورده وريحانه صباح النسيم بخايع امربعن ممطور يداعبك ريح العشب بشكال والوانه صباح النداء والجو غيم ونبات ازهور يغرد به العصفور وتشوق الحانه زهورن تقول ان العطر فوقها منثور مطرها ثلاث ايام ماكف ودانه #قائدالحرف

اسقيتني كاس خمر الحب ودمنته وغديت نوبً صديق ونوب قوماني والله ماودي بخاف القلب بينته اخاف تجرح شعورك زلة اللساني الصبر من كثر ماعاني تعلمته والجرح أكذب لوني قلت ماعاني من باب مالك بقلبي ماتخمنته وشلون تدري بحبي لك وتجفاني #قائدالحرف

عطني الصراحه عليه لاتلف وتدور لاصار عقلك معاق اعطيك مشايته حنانرود الفضاونغوص غمق البحور واللي حداء مايهز اشعورنا احدايته السير عكسه محرم في نظام المرور والناس متخالفه كلاً على هوايته من راح دربه خضر ياعلها له سفور ماهلت العين دمع الشوق بقفايته #قائدالحرف

يالله بغيثن يشوق النفس تصويره يشرح صدورٍ على طاريه ضميانه مع اول الوسم تاصلنا تباشيره كل يقول أرضنا بالسيل رويانه على نسيم الهواء تلعب نواويره متخالطن قحويان وعشب حوذانه مع النفل وش اعدد غيره وغيره عليه ديماً ماكف اسبوع ودانه #قائدالحرف

لعبي غلاكم لعبة الفن بالبالوت ألعبوها شباب مروقينن عقب سمره ترا الوصل فرصه وغتنم فرصته لاتفوت عسى الغيث لاخيل على جوك يعمره وتراالهجر للمشتاق غدراءوسكرة موت يحاول يخفّي حالته كنه بخمره يهرجون حوله كنهم بالخيال اسكوت وهو غارقن بأطلال مافات من عمره #قائدالحرف

اللي يقفي عنك لاقبلت خله مانته ورا طرد المقفين ملزوم ولاتواخذ الطيب على ادنات زله خلك وسيع بطان ياالقرم زيزوم ماكل من يتعب لشين حصله مايكتبه ربك على العبد محتوم تخالف العادات مذهب ومله والله جعل بالناس معطا ومحروم #قائدالحرف

تعال سولف لي من الروح لروح الله يبيحك ويش سويت فيني مابالتغلي ياهواء البال مصلوح عطني كلام الصدق بينك وبيني الحب له قفل المغاليق مفتوح وانته اضلوعي لك على مصرعيني خذ الاكيد ولابها هرج ومزوح انته فداك القلب وصبي عيني #قائدالحرف

ياضروف الايام مالي بالسهر طاقه لاتبحثين المواجع عن مصادرها نفسي على شوفة الغالين مشتاقه كم ليلةً من عظيم الوجد اسامرها احيان نجمع من ازهور الفرح باقه واحيان يالله على الضحكه نسايرها حبر القلم جف والدفتر قضى أوراقه من كثر مكتب معاناتي وسطرها #قائدالحرف

الادمي في قدرة الله مسير ماقدره ربي على العبد محتوم أرضاء بمقسوم الولي لاتطير تراءالتشائم يابن الاجواد مذموم لوعشت عمر شعيب عده قصير تمضي سنين العمر ماعدها يوم واعرف تراء الاعمال شيكن مجير الحزةً ينصف بها كل مضلوم #قائدالحرف

تمنيتك البارح وانادري ماهي بيديك ضروف الزمان وحكم الاقدار غلابه تعثر لساني ماقدرت اتكلم فيك ابشرح عن اللي بالصدر وانته اسبابه تجيني بيوت الشعر ترزم على طاريك لاهز الخفوق الشوق لك شرع ابوابه احبك واحب اللي يحبك ويالبيك واحب الوطن اللي سكنتيه وترابه #قائدالحرف

الخوي اللي يحدك لطمان أعتزله لو يقول اللي يقوله لايصير احزامك ول ياراع الرداء ماشفت راع الجزله وش يحدك لرداءجعل الشلل لعضامك والله انك مقتدر لكن علومك هزله ترمي الجزله وراك وغيرها قدامك لاتداحم بالمقام بدلوك المنجزله ولاتعني مع دروب الطيبين اقدامك #قائدالحرف

ياشمس العصيرالى ختفا بالمزن تاليك تذكرك لثمت واحدن تشبه الثامك الى نساب ياوجهٍ عليك الشعار غاطيك هماليل مزنن يحجب الدرب قدامك #قائدالحرف

تعال ناج اللي وراء حدب الاضلاع عطه العلوم وفيه علماً يهمك اسمع صدى صوته مثل طق الاصباع يرجف غلا على حنانك وضمك لا تتركه في موقعن كله اسباع لون ماصابه معك فار دمك الزين عكس الشين والصاع بالصاع واللي يجازي بالرداء لايهمك #قائدالحرف

البارحه في بعض الافكار سجيت حتى رفع ضغط الشرايين دمه وسويتلي بيتً على ماتوريت وقمت اتنقاء بالمعاني وألمه اكتب شطرمن بيت وأنسالنا بيت من هاجسٍ في وسط صدري يخمه ياصاحبي ماني على ماتهقويت يالي تنشد عن هروجن مخمه المجلس اللي مايرحب اليا جيت ماسوق رجلي يابيض الوجه يمه #قائدالحرف

احدد الوقت مير الوقت مايستقيم كم فرصةً سانحت والحظ ماجابها افرحبها فرحت اللي عقب قالو عقيم رزقهم الله بطفلاً وحانت اسبابها #قائدالحرف

ارجوك عن كثر حبي لك لاتسألين حرام ماله قياس ولايعد ابعدد انتي بروحي وقلبي يالغلا تسكنين سكنت لك في محلاً مادخلبه احد #قائدالحرف