♍️ oخtar 

وقلبك يا صديقي الغالي❤️🤎

كان في كلام بين السطور ماعرفتش اقراه للأسف العمر بعد المنتصف يتفك من ضرب السياط الحزن مش نوح اوعياط الحزن بيبان ف الشغف بيبان ف ضل الابتسام بيبان على شكل انهزام بيبان كتير جوه الكلام وانت بترفض تعترف شبّك ايديك جوه الهوى واطلع بحلمك للسحاب جرب وحاول وانكسر ممكن ف مره هتنتصر وان كان سؤالك مختصر ف الرحله هتلاقي الجواب مين الي باقي من الصُحاب او مين مكمل سكتك حدد لروحك وجهتك وامشي الطريق اوقات براح اوقات يضيق وف كل ضيق دايماً سعه ضحكة جنابك خادعه وف جوه قلبك مية وجع خليك جدع برق بعينك للحياه ترجع سريعاً خاضعه واضرب بإيدك كفها قبل امّا تغويك لفّها وارميها بين المهملات الصبر بدروم الألم والضحك عنوان السكات كل الي فات يفضل ما فات والباقي ضُمّه وقربه ازاي عنيك يستغربوا من ناس بتكدب عالحنين الكدب من طبع البشر والنفس حابة تصدقه كل الي قابلوا اتفرقوا على سكتين ماتسيبش نفسك للفُرص اطلع بقلبك للأمام خليك هُمام او موت على سرير الأمل في حاجات دواها الاندفاع وحاجات دواها الامتناع وعشان تدوق الانتفاع اصبر تنول المؤتمل جازف بعمرك ما تخاف اوعيش كتير تحت اللحاف اول سبيلك للنجاح ف الاعتراف ماتشيلش ذنب الناس معاك هتموت فموت وحدك هناك اوعود براية لانتصار واترك خيول عجزك وراك #غموض #مصطفى_عبدالقوي