محمد الهاشمي

أسوأ شيء ممكن يمر عليك كطالب حاسب التشتت الي يصير لك وقت تحديد التخصص/المسار، وأشوف الأغلب يعاني من هذا الشيء. لهذا بتكلم كيف تختار تخصصك/مسارك -من تجربتي- "قد نتطرق للمصادر لاحقًا"

من البرامج الرهيبة اللي شفتها اخر فترة، بدل قروشة كثرة البرامج تقدر تستخدم زمام يغنيك عنهم كلهم

الحمدلله Top 20!

الحمدلله تأهلنا للمرحلة الجاية أنا وفريقي من ضمن أفضل ٥٠ فريق في Consulting Championship

اكثر مقطع واقعي شفته اخر فترة عن مجال السوفتوير، فيه اشياء صعب تحصلها في السوشل ميديا الا تجربها بنفسك سواء كنت تبي تدخل المجال او تبي تتطور فيه راح تستفيد بلا شك مقطع السنة youtu.be/Xy7F_ugKUBc?si=ucKb…

أهم مفهوم في oop، الوراثة (inheritance) لان حرفيًا ما في كلاس راح نسويه الا مفهوم الوراثة مطبق عليه الفكرة من الوراثة احيانًا ونحنا نبني برنامج بيكون هدفنا نقلل من كتابة الكود والاسطر ولا نكرره كل مرة (Reusability)، لنفترض عندنا نظام لشركة معينة، وعندنا اكثر من موظف بمختلف المجالات مثلًا developer، HR، marketing، لما اسوي ال Attributes بنلاحظ فيه صفات مشتركة مثل (الاسم, الايميل, الجوال, القسم, الادرس...) وغيرها من المعلومات اللي لازم تكون عند اي موظف (employee). طيب انا هنا ليش ما اسوي Attributes مشتركة بينهم كلهم؟ بدلًا من اعيد كتابة Attributes حقت كل كلاس؟ هنا يجي دور الوراثة توفر علي اني ارجع اكتب Attributes، كيف أقدر؟ بكل بساطة اجمع كل ال Attributes اللي أحتاجهم تكون مشتركة في كل الكلاسات واحطهم في كلاس عام واحد بنسميه (employee) لان لو نلاحظة في النهاية هم كلهم موظفين، واي كلاس يحتاج هذه Attributes علطول عن الطريق الوراثة يقدر يستفيد منها، هنا انا حققت (Reusability) بدلا من أعيد كتابة الكود مرة ثانية وفرت على نفسي أسطر، ممكن ما نشوف ان الوراثة تساعدنا مرة خصوصًا كمثال بسيط كهذا لكن لما برنامجك يكبر بتشوف كيف أنها توفر عليك الكثير.

نستكمل الحديث عن ال OOP مصطلحات مثل (Object)، (Class)، (Modifiers) ، (Encapsulation)، (Constructor) راح يمرون عليك بكثرة لما تتعامل مع oop، لازم نفهم من ايش يتكونون والفرق بينهم خلنا نبدا بالكلاس، لو كنت تبي تشتري شيء اونلاين من اي موقع بتحط اغراضك في السلة وبتروح عند الدفع، لما توصل عند الدفع راح يكون عندك (قالب) جاهز برقم البطاقة، تاريخ الانتهاء، CVV، واسم صاحب البطاقة، كل هذي الخانات جاءتك "فاضية" كقالب جاهز ما فيها اي معلومات لازم انت تعبيها، القالب الجاهز هذا راح نسميه (كلاس) بس لما انا اعبي هالمعلومات هنا راح يكون عندي "أوبكجت"، لاحظ هنا أنا عبيت "بياناتي الخاصة" ممكن يجي شخص ثاني يعبي بياناته بس أكيد بتكون مختلفة عن بياناتي، وهذا يخلينا نستنج ان الكلاس (القالب) ثابت، لكن المتغير هو الاوبكجت (بياناتي)، خلنا نأخذ مثال ثاني عشان توضح الفكرة، أبسط مثال ورقة الاختبار تجيك فاضية كقالب (كلاس) وانت تعبي فيها بياناتك و اجابتك (اوبكجت)، والامثلة كثيرة كل شيء حولنا عبارة عن اوبكجت، يتكون الاوبكجت من عنصرين variables & methods، لها أكثر من مسمى ولكن اخترت هالمسمين. لو اخترنا مثلا السيارة على انها "اوبكجت" امثلة على الاشياء اللي ممكن تكون "data" الخاصة بالسيارة، اسم السيارة، أقصى سرعة، سعرها، الموديل، اما من ناحية ال methods نقدر نخلي ميثود تحسب لنا عمر السيارة مثلًا هذول العنصرين راح يساعدونا في تطبيق مفهوم ال Encapsulation. اذا تذكر ال oop كان اللي يميزها انه البيانات مخفية ومحمية مو اي احد يوصل لهذي البيانات، Encapsulation يساعدني احقق هذي الميزة عن طريق يخلي العنصرين (variables - methods) كأنهم في كبسولة بس كيف؟ عن طريق Modifiers اللي هي 4 انواع عشان احدد الوصول سواء البيانات او الميثود لما تكون تشتغل على برنامج كبير راح تحتاجها خصوصا لما تكون شغال مع فريق، ف على سبيل المثال لو كنت ما ابي احد يلمس هذه واحد من البيانات من الفريق اللي معي ولا يقدر يعدل عليها بتاتًا. قبل ما نعرف الانواع لازم نعرف انه كل برنامج عندنا يتكون من بكجات، البكج تقدر تقول نفس المجلد اللي فيه الملف، عادة البرامج الكبيرة يكون فيه أكثر من بكج النوع الاول Public، سواء كان الكلاس او الميثود او المتغير كلها اقدر اوصل لها مباشرة من نفس البكج أو حتى برا البكج النوع الثاني protected، نفس ال public ولكن فيه كم فرق بسيط (نتكلم عنها بعدين) النوع الثالث private، هذا على مستوى من ناحية الامان وما تقدر توصل للبيانات هذي الا من نفس الكلاس عدا ذلك ما يمديك الا بوساطة ( Getter &Setter) هذول راح يكونون اصدقائنا اللي راح نتعامل معهم واجد (نتكلم عنها في نقطة اخرى) النوع الرابع default، في حالة ما حطيت اي نوع من الانواع الثلاث هذي كأنك قلت للكومبلير تراه default فكرته مشابهة لل public لكن على عكسه ما تقدر توصل للبيانات برا البكج الميثود عادة تكون public و نستخدم ال private للمتغيرات، لكن لو كانت private كيف نقدر نوصل لها؟ لهذا عندنا (Getter &Setter) هذول ميثود راح يساعدوني اوصل للمتغيرات بدون ما احتاج اغير الوصول لها، عندنا اولًا ال Setter بكل بساطة اتحكم بقيمة المتغير اقدر اغير القيمة أو حتى احدثها، اما ال Getter فهي ترجع لي القيمة. عندنا عضو مهم جدا اللي هو (constructor) لما ننشئ اوبكجت فهو يجي علطول كأننا سوينا له استدعاء مع الاوبكجت، اقدر استفيد منه عشان أعيين قيم افتراضية، او قيم معرفة من قبل المستخدم، او عشان اطبع شيء مثلًا، من شروطه ما يكون فيه return type او حتى void، ويكون نفس اسم الكلاس. عندنا عدة انواع من constructor لكن خلنا نذكر اللي نحتاجه حاليًا الاول Default، هذا باختصار ما فيه ولا براميتر (parameters) راح ينشئ تلقائي من الكومبلير، يستخدم عادة لتعيين قيم افتراضية لكن المرة ذي اللي راح يحددها الكومبلير لو كانت القيمة string راح تكون القيمة الافتراضية : null numeric : 0 boolean : false char : '\u0000' == null الثاني Parameterized Constructor، على عكس ال default هذا فيه parameters ونقدر نحط فيه القيم اللي نحتاجها

واحد من أهم المنهجيات اللي أكيد راح تمر عليك ال object oriented programming (OOP) قبل ما نتعمق لازم نفهم نحنا ليش أصلا نحتاج ال OOP؟ وكيف ممكن نستفيد من هذي المنهجية؟ وفرقها عن باقي المنهجيات مثل (POP)procedural oriented programming تخيل معي أنك قاعد تبني بيت بس بدون خطة مجرد انك تحط الطوب بشكل عشوائي بدون ما تراعي عن كيفية تركيب الطوب، في البداية كل شيء بيكون ماشي تمام، بس بتلاحظ كل ما زاد الطوب صار الموضوع أعقد أنك تفهم وش قاعد يصير وكيف البيت أصلا راح يصمل؟ حتى اذا حاولت أنك تغير شيء صغير ممكن البيت كله يطيح، شفت الفوضى هذي كلها؟ هذا شكل البرنامج حقك بدون منهجية وبدون أي هيكلة واضحة يصير كل جزء في البرنامج مستقل بذاته وما تقدر تتحكم فيه مثل ما تبي ف يصير التغييرات الصغيرة تسبب مشاكل كبيرة. هنا يجي دور ال OOP تعطيك خطة وبناء واضح للبرنامج حيث يصير كل جزء من البرنامج مكانه وهدفه وتفاعله واضح مع الاجزاء الثانية من البرنامج، وهذا يخلي البرنامج قابل للتعديل والاستخدام، بحيث كل جزء من الكود عنده وظيفة محددة ف يصير التغيير فيه سهل أو حتى اعادة الاستخدام وهذا يوفر علي الكثير من الاسطر، أقرب مثال للفكرة هذي السيارة كل جزء من السيارة مستقل بذاته بس كل هذي الاجزاء متصلة مع بعض. خلنا نتكلم عن الفرق بين ال OOP و POP، على عكس ال OOP اللي تركز على تنظيم البيانات والكائنات (راح نتكلم عن الكائن بعدين)، تركز ال POP على الفنكشن وخطوات التنفيذ، ومن ناحية أسلوب ال POP تتبع اسلوب من فوق الى تحت بمعنى اركز على الفكرة الاساسية واقسمها اجزاء صغيرة متسلسلة، أما ال OOP من تحت الى فوق بمعنى تبدأ بالاجزاء الصغيرة ثم تجمعها وتربطها مع بعض حتى يتكون لنا برنامج. من ناحية بيانات في ال OOP تقدر تسوي لها Hide (بمعنى البيانات راح تقدر تحدد الوصول للبيانات وهذا يخليها محمية ومخفية)، على عكس ال POP ما تقدر تسوي لها "Hide" فأي أحد يقدر يوصل للبيانات لانها مشتركة (global)، هذا يعطي أفضلية لل OOP في الامان والتحكم بسبب الوصول للبيانات، على الجانب الاخر عيب في OOP انه عادة برامجها كبيرة ومعقدة وهذا يخلي البرنامج ابطأ على عكس ال POP اللي تعتبر أقل تعقيد وبساطة وهذا ممكن يخليها أفضل حل للمشاكل الصغيرة اللي ما فيها تعقيد كبير.

اللي عنده جافا الترم هذا او يبي يتعلم جافا بشكل عام لا يروح بعيد عن عادل نسيم youtube.com/playlist?list=PL…