Maasai Land Rights Advocacy Team (MALARAT)

Leo tarehe 23 Juni katika Ukumbi wa Ubungo Plaza, Mbunge wa Kinondoni, Abbas Tarimba, aliongoza mkutano wa uwajibikaji kuhusu utekelezaji wa ilani ya CCM kwa kipindi Cha miaka mitano . Mgeni rasmi katika hafla hiyo alikuwa Issa javu, Katibu wa NEc Oganalzesneni wa CCM.

VIDEO: Jeshi la Polisi Kanda Maalum ya Dar es Salaam linafanya uchunguzi juu ya kifo cha mwanaume mmoja ambaye alikutwa amefariki katika eneo la ufukwe wa Coco Beach, Oysterbay, Kinondoni mnamo Aprili 24, 2025 majira ya saa tano asubuhi. Kwa mujibu wa taarifa iliyotolewa na Kamanda wa Kanda hiyo, Muliro Jumanne Muliro, mwanaume huyo ambaye hakufahamika jina wala makazi yake, na anayekadiriwa kuwa na umri wa kati ya miaka 30 hadi 35, alikutwa akiwa hajitambui kwenye mchanga wa ufukwe huku mkono wake wa kulia ukiwa umefungwa bandeji ngumu ya muda mrefu (POP), ishara kuwa huenda alikuwa na jeraha la muda mrefu. Taarifa za tukio hilo zilitolewa na watu wanne wafanyabiashara ndogondogo wa eneo hilo ambao pia hawakumtambua marehemu. Polisi walifika eneo hilo na kumpeleka katika Hospitali ya Mwananyamala ambako ilithibitishwa kuwa tayari alikuwa amefariki dunia. Kutokana na changamoto ya nafasi ya kuhifadhi maiti katika Hospitali ya Mwananyamala, mwili wa marehemu umehifadhiwa katika Hospitali ya Barabara ya Kilwa huku uchunguzi ukiendelea kubaini chanzo cha kifo hicho. Katika hatua nyingine Jeshi la Polisi Kanda Maalum ya Dar es Salaam limesema limeimarisha ulinzi katika Mahakama ya Hakimu Mkazi Kisutu kufuatia taarifa za kiintelijensia kuhusu vitisho vinavyohusiana na kesi ya uhaini inayomkabili mwanasiasa Tundu Antipace Lissu, iliyotarajiwa kusikilizwa Aprili 24, 2025. Kamanda Muliro amesema kuwa hatua kali za kiusalama zilichukuliwa ili kuhakikisha hali ya utulivu katika eneo la mahakama, kufuatia wasiwasi uliokuwepo kuhusu usalama wa mashabiki na viongozi wa kisiasa waliokuwa wakikusanyika mahakamani. Ameongeza kuwa katika operesheni hiyo ya kiusalama, watu watano walikamatwa kwa tuhuma mbalimbali wakati wa ulinzi mkali uliowekwa. Watu hao ni John Heche, John Mnyika, Chacha Heche Seguta, Swezi Dani Naradufu na James Mseti Kamanda huyo ameeleza kuwa uchunguzi wa awali umefanyika na dhamana zao ziko wazi baada ya mahojiano, huku akitoa wito kwa wananchi kuzingatia sheria na kutojihusisha na vitendo vyovyote vya uvunjifu wa amani. Kamanda Muliro amesema kuwa kwa ujumla hali ya usalama katika Jiji la Dar es Salaam ni shwari na Jeshi la Polisi linaendelea kushirikiana na wananchi kuhakikisha mifumo ya kiusalama inaimarika na matukio ya kihalifu yanadhibitiwa ipasavyo.